Ititatso 1:3 - Kutsingken Ira Rimam ti Saen Kyag

³ Itinyang ā si ana unde ti ku pwen ira yine tso ise na ande. Itinyang ā si ana ande ti naa atong ku fxen iskin ti ya yine, u nae risu riben te ira ti a bae uwae kutsingken wune, ikyaen ti, kiye fer ku pu wu.

Ititatso 1:3 Iomraidhean Croise

Matiyu 24:15

“Kiye iki ani u nung iken ti ku txi iyib ti a u sa tsi yi uwog ti sisaen pangma ti Daniyel unde ti ku ya iskin ira Rimam ri. (Unde ti ku nung putsa kutsingken wune, awu ā nungye!)

Luka 11:28

Yesu ri te wu baa, “Iyee, itinyang si ana ande ti ku fxen ira Rimam u nae risu riben te yi!”

Roma 13:11

Ni kwab uwae iken ti ame ri ne, ti ni tangsom te kiye ti ati ta uwae-wu tine. Kiye ba pu wu ti ni shwu kicwag. Ikyaen ti, tine usir itinwangru ta fifer te ti skeb pu wu kiye ti ati ru uwae kinjo uwog Yesu Kristi ti kucang.

Roma 13:12

Utitang wur ku ru ku pu wu. Ucwe fam ku pu wu. Ti fxae wande kufub ti ti nde ti ti pu usu rika na uwog ti saen kyag fa ajwo.

1 Bitrus 4:7

Ricwunnkyi iken meme ko ku yaen pu yi. Ikyaen yine, ni ye su risu-ni, ti ni som ti ujwin, ikyaen ti ni u ndetu ti ni u jwam Rimam ko kiye titini.

2 Bitrus 3:8

Amaa, ande-m ti ayib ricwu-m, ni saeru-ni ira kinjo wune be. Ni tangsom baa, uwe Itsekuru-ti usir kinjo pangma asang kumbub kinjo, asang kumbub kinjo ama, pangma usir kinjo.

Ititatso 22:10

Awu ri te kyi m baa, “Fxebkyi-fu ira iskin ti ya ti a bae uwae kutsingken wune be, ikyaen ti, kiye ko ku fer pu wu.

Ititatso 22:12

“Nung, ame u tsi-m tsi be u ba, u pu kujwojang kyangsu ti m kan na unde titini, pang te iken-wu ti awu nde.

Ititatso 22:20

Unde ti ku ri ira risu meme iken yine ri baa, “Kubenti, ame u tsi-m tsi be u ba.” Ayi ā si ahan. Ba-fu, Itsekuru-ti Yesu!

Ititatso 3:11

Ame u tsi-m tsi be u ba. Ye su iken ti afu site nyinyang, ti unde iki ā fxaen mbe ra-wu ubur ukwe-fu be.