Ititatso 1:20 - Kutsingken Ira Rimam ti Saen Kyag

²⁰ Imbyi atitaen itsongfaen ti afu sae kujwo rici-m, ti iken fitila itsongfaen yine ta re. Iken fitila itsongfaen yi si ambub ande Rimam itsongfaen. Atitaen itsongfaen yi ama si ande ti atom itsongfaen ti ta risu-ba.”

Ititatso 1:20 Iomraidhean Croise

Itiruye 25:37

Sa ukum zinariya kinjo ti kwen fitila itsongfaen tsitsa ajwo itsongfaen yine, ti ayi ā tso uwog ti saen-yi ru uwe-wu.

Itiruye 37:23

Awu kyae fitila itsongfaen tsitsa ajwo itsongfaen yi, ti iken ti ku jim fitila yi, ti tire-wu te zinariya.

Matiyu 13:11

Awu ri te ba baa, “Ana-ni, a nda pu ba ani ti ni na nungye ira ti kitam na Kujwokwe Rimam ti apupwen. Amaa, uwog-ba, a nda-ba aba rinda wune be.

Luka 8:10

Yesu ri baa, “A cwe na pu ba ani ti ni na nungye ira ti titam na Kujwokwe Rimam. Amaa, ande ti tsitsi, a ku tsag ira yi te ba uwae ira ti sunn, ikyaen ti aba ā naa kutong u fxen ye-ba be.

Roma 11:25

Ameinja, ira ti kitam iki ta atang ti ame ku sha ti ni na nung nyinyang, ikyaen ti ni na ndub pang-ni ijwe uwae ben-ayib-ni be. Ripye ande ti Isirela kwen kyi utob-ba, amaa, ayine u ka-yi uwe be, se kiye ti ujwunn ande ti Rimam ku sha uwae ande ti si-ba Mbayawuda be a sang ba pu ba.

Ititatso 1:11

Ufxenjwin wu ri baa, “Bae meme iken ti afu sae sī uwae kutsingken, ti fu tom yi ru ka na ande Rimam itsongfaen ayine: Afisa ti Simirna ti Pergamum ti Tiyatira ti Sardis ti Filadefiya ti Lodikeya.”

Ititatso 1:16

Uwae kujwo rici-wu awu ye su atitaen itsongfaen. Kisim wen ti cin isim ti uwe, ru ku ye unju-wu. Kutxuwe-wu ku jaen kab kab kab pangma usir ti usirtaen.

Ititatso 1:4

Ame Yohana ti bae ira yine na ande na Rimam ti ta uwae uten itsongfaen na uten ti Asiya. Rinyangwae ti kujimshwur ā si ana-ni ru ye uwog Rimam, awu ti ta atang tine, u si Rimam ti kute, u si Rimam ti ku ba uwe, ama ru ye uwog Kusung itsongfaen ti ta uwe kutxomkwe-wu,

Ititatso 17:5

A bae rinyi iki kutxuwe-wu, ti unde iki nung-wu imbyi-yi be. Rinyi wu si: babila, uka ti kuko, iya na iyaen meme ti ana iken ti ku txi iyib na utense.

Ititatso 17:7

Atom wu rang m baa, “Imi ti nde tiyinn si fu ijwe? Ame u tsag te fu imbyi rinyi unda wune, ti ana ibye wu ti awu somtsa risu-wu, ti site risu itsongfaen ti ishin rijwe.

Ititatso 2:1

“Bae ka na atom Rimam ti ta risu kumbug ande Rimam ti ta uten Afisa baa, “Ayine si ira na awu ti ye su atitaen itsongfaen kujwo rici-wu. Awu ti ku kyang kutampwa akyikya fitila itsongfaen ti a kyae yi ti zinariya.

Ititatso 2:12

Bae ka na atom Rimam ti ta risu kumbug ande Rimam ti ta uten Pergamum baa, “Ira yine ruye unju awu ti site kisum wen ti cin isim ti uwe.

Ititatso 2:18

Bae ru ka na atom Rimam ti ta risu kumbug ande Rimam ti ta Tiyatira baa, “Ira yine ruye unju Umbae Rimam ti site ayib ti si pangma ujaen urwa, ti afxen-wu ama si pangma ikyab kiser tibyaen ti kong ren.

Ititatso 2:5

Ikyaen yine, tangsom uwog ti afu jwunnsisi atang. Ya ikentitibi-fu ta, ti nde iken ti afu nde kucang. Ayi a si-yi ahan be, ame u ba ye ra fitila-fu ru ye uwog ti wu tsi atang, ru.

Ititatso 2:8

Bae ka na atom Rimam ti ta risu kumbug ande Rimam ti ta uten Simirna baa, “Ayine si ira ti ruye unju awu ti si itikucang, u si itiricwunnkyi, awu ti cwu, u kafe ba ti unyang.

Ititatso 3:1

“Bae ka na atom Rimam ti ta risu kumbug ande Rimam ti ta Sardis baa, “Ira yine ruye unju Awu ti site Asung Rimam itsongfaen, ti atitaen itsongfaen. Ame nung itikwab-fu. Ame nung ti rinyi-fu kob uten baa, afu na site unyang, amaa, afu si-fu rukom ti tsi.

Ititatso 3:14

Bae ka na atom Rimam ti ta risu kumbug ande Rimam ti ta Lodikeya baa, “Ayine si ira ti ruye unju Awu ti rinyi-wu si ‘Aminn,’ awu ti si kubenti, ti ku ri tan ira ti kubenti, u si utitawe na meme iken ti Rimam mam.

Ititatso 3:7

Bae ka na atom Rimam ti ta risu kumbug ande Rimam ti ta Filadefiya baa, “Ayine si ira ti ruye unju Awu ti Sisaen, Awu ti kubenti, ti ye su iken ti ku mbub ufu na Ukwe Dawuda kujwo-wu. Asiti awu a mbub ufu, unde iki ta-wu ti u cwunnkyi wu be, awu a cwunnkyi, unde iki ta-wu ti u mbub be.