Ititatso 1:18 - Kutsingken Ira Rimam ti Saen Kyag

¹⁸ u tsi yiyer. Ame cwucwu kucang, amaa tine, ame tsi user ru fife yi uwe. Iken ti ku mbub ufu Iticwu, ti Kinjag, ta kujwo-m.

Ititatso 1:18 Iomraidhean Croise

Matiyu 11:23

Ani ande ti uten Kaparnawum, ani tang baa a na u pu ni tso ka apupwen a. Iyee! A u shir pu ni jwunnsi uwae urwa ti ku twen ku jim-wu jim be. Ikyaen ti, wande ti ku fur ayib ti a nde uwog-ni, á baa, a na nde yi uten Sodom, Sodom ú ta ti atang ba kwer yaka ne.

Matiyu 16:19

Ame u nda fu iken ti ku mbub ufu kusog ana Kujwokwe Rimam. Ira ti afu a shaen riben ike, a u shaen yi apupwen akwen ama. Ira ti afu a cwe riben ike, a u cwe yi apupwen akwen ama.”

Luka 24:5

Ikyenricwu ye anda ba, aba ru ka ku riben. Ande ba rang ba baa, “Imi ti nde ani ku sha unde ti tsi user uwae ande ti cwucwu?

Yohana 11:25

Yesu ri te wu baa, “Ame ti si itinwunn uwae iticwu. Ame ti si unyang. Unde titini ti awu a ru uwae kinjo uwog-m, awu u tsi ti user ko ti awu a cwu.

Yohana 14:19

Ayi u tsi-yi tsi be ande ti utense u nung-ba uwe-m cwucwo be, amaa ani u nung uwe-m. Ani u som ti user ikyaen ti, ame tsi user.

Roma 6:9

Ati nung pu ti baa, a na kunn nwunn pu ba Kristi uwae iticwu, ama awu na u cwu kyi-wu cwucwo be. Iticwu site-yi kuko risu-wu cwucwo be.

2 Korinti 13:4

Kubenti, kiye ti a kwer wu risu kutuku ti cice, awu num ijwe. Amaa tine, awu som ti unyang uwae kuko na Rimam. Ati ama, ikyaen ti ati ti Yesu ta tetso, ati bom-ti yi ijwe be pangma awu kiye ti a kwer wu. Amaa, uwae usom ti som-ti te ni, ati te Kristi u nwunn ti unyang uwae kuko na Rimam.

Galatiya 2:20

Kiye ti a kwer wen Kristi risu kutuku ti cice, ame te wu ta tetso. Unyang ti ame ta te wu tine si-yi ana-m be, ayi si unyang na Yesu Kristi ti ta utob-m. Usom ti som ti ame som uwae ijwe-m ne, si ikyaen ti ame ru uwae kinjo uwog Kristi, Umbae Rimam, awu ti ye ure te me u cwu ricwu ikyaen-m.

Kolosi 3:3

Ikyaen ti, yi usom ti som-ni na rimenn ijwe ti kucang, ani cwucwu, ama tine, unyang-ni te Kristi ta tetso uwog Rimam. Awu ti ku kyir yi ikyaen-ni.

Mbaibrane 1:3

Awu ti ku tatso itisaen riyinn Rimam, u ku tatso itso ti Rimam tsi. Ayi si kpakang ira unju-wu ti ye su utense. Isim ti awu jwosaen ikentitibi ande, awu som kujwokwe Rimam ti skeb titag.

Mbaibrane 12:2

Ti pu ayib cwutsa Yesu ti si ipab ti itikumunn uwae kinjo-ti, awu nung utob ti tsen ti tsi ku ji wu uwe, u ye utob, u cwu ricwu risu kutuku ti cice, u saeru rukwae ti wae yi, u ka som kujwo rici na kutxom ukwe Rimam.

Mbaibrane 7:16

Kukwen wune, i si-yi ti awu ru ye yi rishi kukwen iki be. Iyee, awu si kukwen ikyaen ti, awu site kuko ti wu u som usom ti itsikukunn-yi ta-yi be.

Mbaibrane 7:25

Ikyaen yine, ko kiye titini, awu u ndetu ti wu nwangru meme ande ti a rutsa uwog-wu ba uwe Rimam, ikyaen ti, awu tsikunn ku jwam itijwam ikyaen-ba.

Ititatso 10:6

u ben uben uwog Rimam ti tsi yiyer, ti mam apupwen ti riben ti uyinn ti iken ti ta uwae-yi meme. Awu ri baa, a na u nde-ba kukyib cwucwo be.

Ititatso 15:7

Tiri kinjo uwae iken inje ti ku nyang unyang yine, nda atom itsongfaen bane, kitu itsongfaen, ti munn te rinae Rimam, awu ti tsi yiyer.

Ititatso 2:8

Bae ka na atom Rimam ti ta risu kumbug ande Rimam ti ta uten Simirna baa, “Ayine si ira ti ruye unju awu ti si itikucang, u si itiricwunnkyi, awu ti cwu, u kafe ba ti unyang.

Ititatso 20:13

Ande ti ngwa cwu uwae uyinn, uyinn cwo pu ba tso. Iticwu ti Kinjag cwo pu itikicwu ti ta riben ama tso. A pwen ba rikwen meme pang ti iken-ba ti aba nde.

Ititatso 20:14

Isim ayine a ye Iticwu ti Kinjag jwunnsi uwae uvum urwa. (Ayine si iticwu ti apu-ifaen.)

Ititatso 3:7

Bae ka na atom Rimam ti ta risu kumbug ande Rimam ti ta Filadefiya baa, “Ayine si ira ti ruye unju Awu ti Sisaen, Awu ti kubenti, ti ye su iken ti ku mbub ufu na Ukwe Dawuda kujwo-wu. Asiti awu a mbub ufu, unde iki ta-wu ti u cwunnkyi wu be, awu a cwunnkyi, unde iki ta-wu ti u mbub be.

Ititatso 4:9

Iken ti site unyang yine ku teb Awu ti somtsa kutxomkwe, ti tsi yiyer wune, u ku nda wu kuko ti riyinn ti fxaefa. Ko kiye titini ti aba a ku nde ahan,

Ititatso 5:14

Ama iken inje ti ku nyang unyang yine, cwé baa, “Ayi ā si ahan.” Ande ndufu bane jwunn ikyig u fen Umbae utam wu.

Ititatso 6:8

Ama ame sae, ti m nunung, kakum ti pafoong tsi! Rinyi unde ti ku tso wu baa, Iticwu, kinjag ku putsa wu isim. A nda ba kuko ti a na twenji ande kujwo ikyab kinjo uwae inje ana utense te rika, ti rimenn, ti iticwu kufùm, ti ibye anyi ti ta utense, ti a na ya ajwo kyab ita na ta ti user.

Ititatso 9:1

Ti atom ti itsong kunn kutumu-wu, ame sae kititaen iki jwunnsi apupwen ba yi utense. A nda wu iken ufu na kukwae ti itikunntsi-wu ta-yi be.