Ititatso 1:11 - Kutsingken Ira Rimam ti Saen Kyag

¹¹ Ufxenjwin wu ri baa, “Bae meme iken ti afu sae sī uwae kutsingken, ti fu tom yi ru ka na ande Rimam itsongfaen ayine: Afisa ti Simirna ti Pergamum ti Tiyatira ti Sardis ti Filadefiya ti Lodikeya.”

Ititatso 1:11 Iomraidhean Croise

Wande Atom 16:14

Kinjo uwae-ba ti fxen ti si Lidiya, unda iki ti ruye uka ti Tiyatira. Awu si unda ti ku jabci te atupwa. Awu si unda ti ku fen Rimam. Itsekuru mbubta riyaen utob-wu ti wu naa atong ira yi ti Bulus ku ri.

Wande Atom 18:24

Isim kiye iki, urae Mbayawuda iki ti a mbae wu uten ti Alezandariya ru ba Afisa. Rinyi-wu baa Apolo. Awu si unde ti ben ira unju timambe u nung ira ti ta uwae Kutsingken Rimam si-yi ti ti ri be.

Wande Atom 20:17

Kiye ti ati ta Miletus, Bulus tom atom ru yi Afisa, u ku jwam ande ndufu na ande Rimam ti a na ba tu wu yi Miletus.

1 Korinti 15:32

Pangma ti ariki ku ri, ko ti ame kum kutxu te ibye anyi uwae uka ti Afisa ike, ayi a si kubenti ti Rimam na u kunn nwunn-wu ande uwae iticwu be, ayi ndeya-yi ame be. Asiti itinwunn uwae iticwu a ta-yi be, unyang-ti utense ike si nyang itici ti itingwa, ikyaen ti, ati u tsi-ti tsi be u cwu.

1 Korinti 16:8

Amaa, ame u som ti uten Afisa ike ru ka sang ti usir Ukwab Pentekos.

Afisa 1:1

Ame Bulus, ti Rimam tsab tsi ti m na si unde ti atom na Yesu Kristi, ame bae ku na ni ande na Yesu ti ta uten ti Afisa, ani ande ti ku putsa Yesu Kristi ti utob kinjo.

Kolosi 2:1

Ame ku sha ti ni na nung baa, ame ku kwab timambe ikyaen-ni ti ikyaen aba ti ta Lodikeya. Ame ku kwab ama ikyaen meme ande ti nung ji-ba uwe-m khika be.

1 Timoti 1:3

Pangma ti ame jwam fu kiye ti ame nwunn ku ru yi uten ti Makedoniya, som ti uka ti Afisa, ikyaen ti, ande iki ta atang, a ku kwen na ande iken ti rifen. Kwab kang ti byang kyi ba.

Ititatso 1:17

Kiye ti ame sae wu, ame jwunnsi uwe-wu mbyog, pangma rukom. Awu sa kujwo rici-wu naetsa m, u ri te m baa, “Kyen-fu ikyenricwu be. Ame ti si itikucang, u si itiricwunnkyi,

Ititatso 1:19

Ikyaen yine, bae iken ti afu sae ti kucang, ti iken ti afu ku sae tine, ti iken ti u ru ba nde uwe ike.

Ititatso 1:2

Yohana ama tsag tag meme iken ti awu sae te ayib-wu, u ri tan ira na Rimam fa ti ira ti kubenti ti Yesu Kristi ri.

Ititatso 1:20

Imbyi atitaen itsongfaen ti afu sae kujwo rici-m, ti iken fitila itsongfaen yine ta re. Iken fitila itsongfaen yi si ambub ande Rimam itsongfaen. Atitaen itsongfaen yi ama si ande ti atom itsongfaen ti ta risu-ba.”

Ititatso 1:4

Ame Yohana ti bae ira yine na ande na Rimam ti ta uwae uten itsongfaen na uten ti Asiya. Rinyangwae ti kujimshwur ā si ana-ni ru ye uwog Rimam, awu ti ta atang tine, u si Rimam ti kute, u si Rimam ti ku ba uwe, ama ru ye uwog Kusung itsongfaen ti ta uwe kutxomkwe-wu,

Ititatso 1:8

Itsekuru-ti Rimam ri baa, “Ame ti si itikucang u si itiricwunnkyi.” Awu ti ri ira yine si Rimam ti ta atang tine, u si Rimam ti kute, u si Rimam ti ku ba uwe. Awu si Rimam ti site kuko patag.

Ititatso 10:4

Isim ti imam itsongfaen yine taen, ame ku pwen ti m bae ira yi ti ame fxen, ama ame fxen afxenjwin si apupwen ba baa, “Ira ti afu fxen uwae imam itsongfaen ti taen ne, ayi ku cwucwe, bae-fu ayi be.”

Ititatso 14:13

Tiri ame fxen afxenjwin si apupwen ba, ku ri baa, “Bae iken yine: Ti tinyang ā si ana ande ti cwu fengo Itsekuru-ti Rimam.” Kusung ti Saen Kyag cwe baa, “Een, kubenti! Ayi si ahan ara! Aba u pu unyang uwae wande-ba ti ribom, ikyaen ti, kujwo wande-ba u putsa ba.”

Ititatso 19:9

Isim ayine atom wu ri te m baa, “Bae ira yine. Itinyang ā si ana ande ti a yae ba ru ba uwog ukwab unda ishe na Mbae Utam wune.” Awu shem kyi cwucwo baa, “Ira yine si ira ti kubenti na Rimam.”

Ititatso 2:1

“Bae ka na atom Rimam ti ta risu kumbug ande Rimam ti ta uten Afisa baa, “Ayine si ira na awu ti ye su atitaen itsongfaen kujwo rici-wu. Awu ti ku kyang kutampwa akyikya fitila itsongfaen ti a kyae yi ti zinariya.

Ititatso 2:12

Bae ka na atom Rimam ti ta risu kumbug ande Rimam ti ta uten Pergamum baa, “Ira yine ruye unju awu ti site kisum wen ti cin isim ti uwe.

Ititatso 2:18

Bae ru ka na atom Rimam ti ta risu kumbug ande Rimam ti ta Tiyatira baa, “Ira yine ruye unju Umbae Rimam ti site ayib ti si pangma ujaen urwa, ti afxen-wu ama si pangma ikyab kiser tibyaen ti kong ren.

Ititatso 2:24

“Amaa, ani ande ti tsitsi uten Tiyatira, ti putsa-ni iken ti kwen titibi ayine be, u kwen-ni iken ti ariki ku kunn baa, ‘Iken ti rurong na Shetann’ be, ame ku ri te ni, ame u ye isu ti rurob iki su-m ani be.

Ititatso 2:8

Bae ka na atom Rimam ti ta risu kumbug ande Rimam ti ta uten Simirna baa, “Ayine si ira ti ruye unju awu ti si itikucang, u si itiricwunnkyi, awu ti cwu, u kafe ba ti unyang.

Ititatso 21:5

Awu unde ti somtsa kutxom ukwe ri baa, “Nung, tine ame ku kyae meme iken, tishe.” Awu ri kyi baa, “Bae ira yine, ikyaen ti, ayi si ira ti kubenti, tikong ta-yi atang be.”

Ititatso 22:10

Awu ri te kyi m baa, “Fxebkyi-fu ira iskin ti ya ti a bae uwae kutsingken wune be, ikyaen ti, kiye ko ku fer pu wu.

Ititatso 22:16

“Ame Yesu ti tom atom-m ba ti awu na ri tan ira yine te ni ande na Rimam. Ame ti si ipab, u si umbae ti fikyi kutxom Dawuda. Ame ti si kititaen ti tsen yag yag ti utencwe.”

Ititatso 3:1

“Bae ka na atom Rimam ti ta risu kumbug ande Rimam ti ta Sardis baa, “Ira yine ruye unju Awu ti site Asung Rimam itsongfaen, ti atitaen itsongfaen. Ame nung itikwab-fu. Ame nung ti rinyi-fu kob uten baa, afu na site unyang, amaa, afu si-fu rukom ti tsi.

Ititatso 3:14

Bae ka na atom Rimam ti ta risu kumbug ande Rimam ti ta Lodikeya baa, “Ayine si ira ti ruye unju Awu ti rinyi-wu si ‘Aminn,’ awu ti si kubenti, ti ku ri tan ira ti kubenti, u si utitawe na meme iken ti Rimam mam.

Ititatso 3:4

Ko ti ayi si ahan, ariki ta uwae uten Sardis kpang, ti pu atupwa-ba kwan mbeb-ba uwae ajib be. Aba u si kutupwa ti tsen u putsa m, ikyaen ti aba pang pu ba ti a u nde ahan.

Ititatso 3:7

Bae ka na atom Rimam ti ta risu kumbug ande Rimam ti ta Filadefiya baa, “Ayine si ira ti ruye unju Awu ti Sisaen, Awu ti kubenti, ti ye su iken ti ku mbub ufu na Ukwe Dawuda kujwo-wu. Asiti awu a mbub ufu, unde iki ta-wu ti u cwunnkyi wu be, awu a cwunnkyi, unde iki ta-wu ti u mbub be.