Ititatso 1:1 - Kutsingken Ira Rimam ti Saen Kyag

¹ Ira yine si ira ti Yesu Kristi tatso. Rimam ti nda wu ikyaen ti wu na tatso apyi-wu iken ti u tsi-yi tsi be u nde kang. Yesu Kristi tom atom-wu ti apupwen ti wu na sa ira ayi tsag te upyi-wu Yohana.

Ititatso 1:1 Iomraidhean Croise

Daniyel 8:16

Ama ame fxen afxenjwin yi unju uyinn Ulayi baa, “Jibirilu, tsag imbyi kurwa yi te unde wune.”

Daniyel 9:21

Jibirilu, unde ti ame sae pu m awu pu pu uwae kurwa kucang, pinn ba tu m kiye iken ti twen ti ureb.

Daniyel 9:23

Ti kiye ti afu bag itijwam-fu ikyaen ayibrisi, Rimam fxen itijwam-fu ayi, ama u tom m ba uwog-fu ikyaen ti, awu site ure te fu timambe. Ikyaen yine, naa atong nyinyang ti fu nungye ititatso ayi.

Amos 3:7

Kubenti, Itsekuru-ti Yaweh ku nde-wu iken iki be se awu a ri te pu wu apyi-wu ti ku ya iskin-wu.

Yohana 12:49

Ira yi ti ame ku ri, ame ku ri-m ayi ti risu-m be, i si awu Itse-m ti tom m ba, awu ti nda m ira ti ame ku ri.

Yohana 15:15

Ame ku kunn-m ani baa apyi cwucwo be, ikyaen ti, upyi ku nung-wu iken ti unde ti kununn-wu ku nde be. Tine ame u kunn ni baa arwan-m. Ayine si iken ti nde ame ri te pu m ani meme ira ti ame fxen uwog Itse-m.

Yohana 17:8

Ame sa ira ti afu ri te m tsag te ba, aba ama paembe yi. Aba nung pu ba baa, ayi na si kubenti ti ame ru uwog-fu ba, ama aba ru uwae kinjo baa, afu ti na tom me.

Yohana 3:32

Awu ku ri ira risu iken ti awu nung ti ayib, ti iken ti awu fxen ti atong, ama ande kyangte-ba ira-wu ayi be.

Yohana 8:26

Ame site ira kuko ti m u ri risu-ni, ti ira kuko ti u tso ikentitibi-ni, amaa ira ti ame ri te ande ti utense si ira ti ame fxen uwog unde wu ti tom me ru ba. Awu tsi kunn kubenti.”

Roma 16:25

Ti sa kuko na Rimam! Awu site kuko ti wu nda ni tsi ting ting uwae ira-wu. I si ira yine ti ame ku ri te ande kiye ti ame ku tsag te ba ira tinyang risu Yesu Kristi. Ayi si sí ira Rimam ti kubenti ti a sa tam ande uwae asang yang-yi akwen ti wur ru.

Galatiya 1:12

Ame mbe-m ayi uwog unde be. I si-yi unde iki ti kwen na me ira yi be. I si Yesu Kristi ti risu-wu ti tatso me ira yine.

Afisa 3:3

Awu mbubta tag ira-wu ti kitam uwog-m, pangma ti ame bae pu m ira pang risu-yi kucang.

Titus 1:1

Kutsingken wune ru uwog-m, Bulus ti si upyi Rimam, u si atom Yesu Kristi ikyaen ande ti Rimam tsitsab, ti m na ndeya ba yi fengo Rimam u kwen na ba ira ti kubenti ti ku ye bom ande yi fengo Rimam,

Ititatso 1:19

Ikyaen yine, bae iken ti afu sae ti kucang, ti iken ti afu ku sae tine, ti iken ti u ru ba nde uwe ike.

Ititatso 1:9

Ame si Yohana inja-ni, ti te ni ku ngwa rikaen, u tsikunn utob ti ye ikyaen Yesu ti Kujwokwe-wu. A yir m u ye m ka nae ukunn uwae uyinn ti rinyi-wu baa, Patamos ikyaen ira Rimam ti ira Yesu ti ame ku riyae yi te ande.

Ititatso 17:1

Isim ayine, atom kinjo uwae atom itsongfaen ti ye su kuseb itsongfaen yine, ru ba, u ri te m baa, “Ba ti m tatso fu ititwenji iyaen tiyang wu ti somtsa risu ambyi yang-yi né.

Ititatso 19:10

Ame jwunn ikyig uwe-wu, ti m na fen wu, amaa, awu ri te m baa, “Ya ta! Fen-fu ame be, ame ama si sí upyi pangma afu, u si kinjo uwae ameinja-fu meme ti ku putsa ira ti kubenti ti Yesu ri. Fen Rimam.” Ikyaen ti, ira Yesu ku nda ande ya iskin ira Rimam ti kpakang.

Ititatso 19:9

Isim ayine atom wu ri te m baa, “Bae ira yine. Itinyang ā si ana ande ti a yae ba ru ba uwog ukwab unda ishe na Mbae Utam wune.” Awu shem kyi cwucwo baa, “Ira yine si ira ti kubenti na Rimam.”

Ititatso 21:2

Ame sae Uka ti Sisaen, ti si Urushelima tishe, sī uwog Rimam apupwen ku ba. A kyae nyang tag wu pangma unda ishe ti som ku ji ubaen-wu.

Ititatso 21:9

Tiri ame nung kinjo uwae atom itsongfaen ti ye su kuseb ti munn te kujwūnn kicaeb titibi ti tsotso itsongfaen. Awu ru ba ri te m baa, “Ba, ti m tso fu unda ishe na Mbae Utam.”

Ititatso 22:1

Isim ayine, awu atom wu tatso m uyinn ti site ambyi na unyang. Ambyi wu saen kyakyag, u pang ruye uwog kutxomkwe na Rimam, ti ana Mbae Utam.

Ititatso 22:16

“Ame Yesu ti tom atom-m ba ti awu na ri tan ira yine te ni ande na Rimam. Ame ti si ipab, u si umbae ti fikyi kutxom Dawuda. Ame ti si kititaen ti tsen yag yag ti utencwe.”

Ititatso 22:6

Cwucwo, atom wu ri te m baa, “Ira yine si ira ti kubenti, u pang atang ti unde ā sa utob tsi risu-yi. Itsekuru-ti Rimam, awu ti ku sa Kusung-wu jwu sang ande ti ku ya iskin ira-wu, awu ti tom atom-wu ba uwog apyi-wu ti wu tatso ba iken ti u tsi-yi tsi be, u nde.”

Ititatso 22:8

Ame Yohana ti risu-m, ame fxen ira yine te atong-m, u nung meme iken yine te ayib-m. Kiye ti ame fxen u nung yi, ame jwunn ikyig riben ti m na fen atom wu ti tatso m iken yine.

Ititatso 22:9

Amaa, atom awu byang kyi m, baa, “Ya ta! Fen-fu ame be, ame ama si sí upyi pangma afu, u si kinjo uwae ameinja-fu meme ti ku putsa ira ti kubenti ti a bae uwae kutsingken wune. Fen Rimam.”

Ititatso 4:1

Isim ayine, ame sae, ama ti m nunung, ufu iki mbub tita apupwen! Ame fxen afxenjwin pangma ti ame fxen ti kucang ma kutumu. Awu ri te m baa, “Tso ba ike, ti m tatso fu iken ti u ba nde kang uwe ike.”

Ititatso 5:7

Umbae utam wune nwunn ka mbe kupwa wu kujwo rici Awu ti somtsa kutxomkwe wu.