Itiruye 7:9 - Kutsingken Ira Rimam ti Saen Kyag

⁹ “Kiye ti Ukwe a ri te ni baa, ‘Ni tso m iken ti ku fur ayib ti u tso kuko Yaweh-ni awu,’ ri te Aruna ti awu ā sa ukum-wu jwunnsi riben uwe Ukwe. Ukum wu u kafe ikentibi.”

Itiruye 7:9 Iomraidhean Croise

Itiruye 10:13

Ama Musa sa ukum-wu ndabta ru yi Ejib, ama Yaweh nda ufunn ti kpakang ru uwe usir ti kiskinn ba kae kyife uwae uten Ejib usir wu utitang ti usirtaen meme. Ti ucwefam kiskinn, ufunn ti kae ru uwe usir ti kiskinn su icwag ba pu yi.

Itiruye 4:17

Ka sa ukum wune ye su kujwo-fu ti fu nde iken ti ku fur ayib te wu atang.”

Itiruye 4:2

Yaweh rang wu baa, “Imi ti ta kujwo-fu?” Awu ri baa, “Ukum.”

Itiruye 4:20

Ama Musa pu uwa-wu ti anyisu-wu somtsa ikyinnsu, u nwunn kafe si Ejib. Awu ye su ukum na Rimam kujwo-wu.

Itiruye 4:3

Ama Yaweh ri baa, “Sa wu jwunnsi riben.” Musa sa wu jwunnsi riben, ama ukum wu kafe ikentibi. Musa ter nwunn atang.

Itiruye 7:8

Ama Yaweh ri te Musa ti Aruna baa,

Itiruye 9:23

Tiri Musa sa ukum-wu tso yi apupwen. Yaweh nda imam taen ku jae urwa wur wur si ba fe yi riben, ama akong ku jwunn kyife uwae uten Ejib.

Matiyu 12:39

Amaa, awu ri baa, “Ani ande ti kiyuku ne, ani ande titibi ti pyi ira Rimam, ani ku sha ti ni u nung iken ti ku tatso kuko Rimam. A u nde na-ba ani be, si nyang iken ti ku fur ayib ti a nde kiye Jona.

Yohana 10:38

Amaa asiti ame a ku nde wande Itse-m, ko ani a ru-ni uwae kinjo uwog-m be, ni ru uwae kinjo uwae wande ti ku tso kuko Rimam ti ame ku nde. Ani a nde ahan, ani u nungye baa, Itse-m na ta uwae-m, ame na ta uwae Itse-m ama.”

Yohana 2:18

Ama ande ndufu Mbayawuda ti ta atang byib wu baa, “Afu tu kuko aka nee afu ku nde iken yine? Ayi a si uwog Rimam, tatso ti iken iki ti u tso baa, afu na site kuko ti fu nde itso iken yine.”

Yohana 6:30

Aba ama jwam wu baa, “Nde wande ti kuko ti ati u sae u ru uwae kinjo uwog-fu! Tatso ti iken ti afu u ndetu.