Itiruye 7:3 - Kutsingken Ira Rimam ti Saen Kyag

³ Amaa, ame u yirkyi utob Ukwe, awu u fxen-wu ani be. Ko ti ame u tatso wu iken ti ku fur ayib ti itsotso uwae uten Ejib,

Itiruye 7:3 Iomraidhean Croise

Nehemiya 9:10

Afu nde iken ti ku fur ayib uwe ukwe ti Ejib ti afaen-wu ti ande-wu meme, ikyaen ti afu nung pu fu itso rikaen ti a nde abitse-ti. Afu nda rinyi-fu pu iten kyife uten meme, ba kwer ti yaka ne.

Itiruye 11:10

Musa ti Aruna nde meme iken ti ku fur ayib yine uwe Ukwe. Amaa, Yaweh yirkyi utob Ukwe. Ukwe ama cwe-wu ti anyisu Isirela na ruye uwae uten-wu be.

Itiruye 11:9

Yaweh ri te Musa baa, “Ukwe u fxen-wu afu be ikyaen ti ame u nde iken ti ku fur ayib ko ku fufa uwae uten Ejib.”

Itiruye 14:4

Ame u yirkyi utob Ukwe, awu u rwae tsa ba, ama ame u tu kuko risu Ukwe ti meme akyirten-wu. Tiri ande ti Ejib u ba nung baa, ame na si Yaweh.” Ama anyisu Isirela nde ti mbwe-yi ti awu ri.

Itiruye 3:20

Ikyaen yine, ame u tso kuko-m, u nde iken ti ku fur ayib uwae Ejib. Ame u nde ba ira bebeb ama ikyenricwu u ye ba. Isim-yi, ukwe u ya ni ta, ani u ru.

Itiruye 4:21

Yaweh ri te Musa baa, “Kiye ti afu a kafe ka sang pu fu Ejib, nung ti fu nde patag iken ti ku fur ayib ti ame nda fu kpakang ti fu na nde uwe Ukwe. Amaa, ame u yirkyi utob ukwe ti awu u cwe-wu ti ande ba na nwunn be.

Itiruye 4:29

Ama Musa ti Aruna nwunn ru, u ka kunn funn tag andufu Isirela meme.

Itiruye 4:7

Ama Yaweh ri te wu baa, “Sa kujwo-fu kafe sang ti kutupwa-fu.” Musa sa kujwo-wu kafe sang ti uwae kutupwa-wu. Ti awu sa kujwo-wu ru ye, kujwo-wu kafe ba tsi ti mbwe-yi.

Itiruye 7:13

Ko ti ayi nde ahan, Ukwe yirkyi utob-wu, u fxen-wu aba be, pangma ti Yaweh ri.

Itiruye 9:16

Amaa, ame ya fu ta ikyaen ti ame na u tso fu kuko-m ti rinyi-m ā kunn ko aka uwae utense.

Yohana 4:48

Yesu ri te wu baa, “Ana-ni, se ani a nung wande ti ku fur ayib tawe ani ku ru uwae kinjo.”

Wande Atom 2:22

“Ani ande ti Isirela! Ni naa atong! Yesu unde ti Nazareti si Unde wu ti Rimam Tsab Tsi. Rimam tatso pu wu ani ayine uwae wande ti kuko ti ti ku fur ayib ti awu nda Yesu nde. Ani ti risu-ni nung pu ni ayine, ikyaen ti, iken yi meme nde kutampwa-ni ike.

Wande Atom 7:36

Musa wune pu ba ruye uwae uten ti Ejib, ku nde wande ti ku fur ayib, ti iken ti ku tso kuko Rimam uwae uten Ejib ti uwog uyinn tibyaen, ti uwae kutur, uwog ti a kyang atang fob asang mae ifaen.

Roma 15:19

Awu nde yine yi fengo na iken ti fur ayib ti iken ti ku tso kuko Rimam, ti fengo kuko na Kusung Rimam. Uwae ikyin ti kyang-m, sa ti uten Urushelima ru ka sang ti uten ti Ilirikum, ame nde tag pu m wande-m na ira tinyang risu Kristi ti ri te ande.

Roma 9:18

Ikyaen yine, ati nung baa, Rimam na site ayibrisi risu unde ti awu ku sha uwae-wu, u yirkyi utob ariki ti aba ā fxen-ba ira-wu be.