Itiruye 4:5 - Kutsingken Ira Rimam ti Saen Kyag

⁵ Yaweh ri baa, “Ikyaen iken yine, aba u ru kubenti baa, Yaweh, Rimam na abitse-ba, Ibrahim ti Ishaku ti Yakubu, na tso pu wu risu-wu uwog-fu.”

Itiruye 4:5 Iomraidhean Croise

Kucangtsi 12:7

Atang, Yaweh tso risu-wu uwog Ibram, u ri baa, “Riben wune, ame u nda rishi-fu.” Ikyaen yine, Ibram mbye kuta na Yaweh ti tso risu-wu uwog-wu atang.

Kucangtsi 17:1

Kiye ti Ibram nde asang mae inje mbe rijwe asu itsongnje (99), Yaweh tatso risu-wu uwog-wu u ri te wu baa, “Ame si Rimam ti Skeb titag. Kyang ikyin uwe-m uwae Usom ti kpang atang,

Kucangtsi 18:1

Usir iki ti usir ta utaen, Ibrahim som ufu kufug-wu ti ta fer ituku tiyang na Mamre, ama Yaweh tso risu-wu uwog-wu cwucwo.

Kucangtsi 26:2

Yaweh tso risu-wu uwog Ishaku, u ri baa, “Si-fu yi uten Ejib be. Som ti uten ti ame u tatso fu.

Kucangtsi 28:13

Yaweh ama tsitsa risu kufwá wu u ri baa, “Ame ti si Yaweh, Rimam na abitse-fu Ibrahim, ti Ishaku. Ame u nda fu ti rishi-fu riben wu ti afu nae atang ne.

Kucangtsi 48:15

Ama awu wae ira na Yusufu u ri baa, “Rimam ti abitse-m fen Ibrahim ti Ishaku, Rimam wu ti ku shi m ba ku kwar yaka ne,

Kucangtsi 48:3

Ama Yakubu ri te Yusufu baa, “Rimam ti kuko ba tu m yi Luzi uwae uten ti Kanana u wae ira na m baa,

Itiruye 19:9

Ama Yaweh ri te Musa baa, “Nung ame u ba tu fu uwae kubyi ti byi tititang, ikyaen ti ande ba ā fxen ira ti ame te fu ku ri. Ayi u nda ba ru kubenti uwog-fu ru fife yi uwe.” Ama Musa ri te Yaweh ira ti ande ba ri.

Itiruye 3:15

Ri te kyi anyisu Isirela baa, ‘Ame Yaweh, Rimam na abitse-ni, Rimam na Ibrahim ti Ishaku ti Yakubu ti tom m ba uwog-ni.’ Awune ti si rinyi ti ani ti meme anyisu-ni ti ku ba isim u kunn m atang ru fife yi uwe.

Itiruye 3:16

Ru ka kunn funn ande ndufu Isirela ti fu ri te ba baa, ‘Yaweh, Rimam abitse-ni, Rimam na Ibrahim ti Ishaku ti Yakubu, tso pu wu risu-wu te m, u ri baa, “Ame nung pu m ani, ti rikaen ti ande ti Ejib ku nde ni.

Itiruye 3:18

Ande ndufu Isirela u fxen fu. Afu ti ande ndufu Isirela u ru uwog ukwe ti Ejib kaa ri te wu baa, ‘Yaweh, Rimam na Mbaibrane tu pu wu ati. Ati ku jwam fu, nda ti usir ita ti ati u ru ikyin yi kutur kuka kaa twen ikentitwen na Yaweh, Rimam-ti.’

Itiruye 3:4

Ti Yaweh nung baa, Musa na ko ku ba ti wu na sae nyang iken yi, awu kunn Musa ira baa, “Musa! Musa!” Ama Musa cwe ira.

Itiruye 3:6

Ame si Rimam na itse-fu Ibrahim, Rimam na Ishaku, u si Rimam na Yakubu.” Ikyenricwu ye Musa, awu tam uwe-wu, ti ayib-wu na sae-yi Rimam be.

Itiruye 4:1

Musa rang Yaweh baa, “Asiti ande ba a pyir, u ru-ba kubenti baa, afu na tso risu-fu uwog-m be re?”

Itiruye 4:31

Aba ru kubenti, u ku riben u fen itifen, ikyaen ti, aba fxen baa, Yaweh na nung pu wu rikaen-ba.

Itiruye 4:4

Yaweh ri te Musa baa, “Sa kujwo-fu ye wu ti ikyen.” Ama Musa sa kujwo ye wu ti ikyen, awu kafe ukum ti atang kujwo-wu.

Yohana 11:15

amaa ikyaen ira-ni ame ku tsen utob ti m ta-m atang te wu be. Iken yine nde ikyaen ti ni na ru uwae kinjo. Ni sunwunn ti ti ru yi uwog-wu.”

Yohana 11:42

Ame nung pu m baa, afu na ku fxen m ko kiye titini, amaa ame ku ri ira yine ikyaen ande ti ta ike ne, ikyaen ti ā nungye baa, afu ti na tom m ba utense.”

Yohana 20:27

Ama awu ri te Toma baa, “Sa kujwo tekunn ajwo-m ike ti sae yi. Ndab ta kujwo-fu ti tekunn ishi-m ike. Ya uwae ti kab-fu ta ti ru kubenti!”

Yohana 20:31

Amaa iken ti a bae tsi ne, a bae yi ikyaen ti ni na ru uwae kinjo baa, Yesu na si Unde ti Rimam Tsab Tsi, ama na si Umbae Rimam, ikyaen ti ni na ru uwae kinjo yi rinyi-wu, u tu unyang.

Yohana 5:36

Amaa Iken iki ta atang ti ku tso kuko-m, ti rob skeb pu yi ira ti Yohana ri risu-m. Ira yine si wande-m ti ame ku nde. Ayi si wande ti awu Itse-m nda m ti m na nde. Wande yine ku ri ira risu-m u ku tso baa, awu Itse-m ti na tom m ru ba.

Wande Atom 7:2

Stefana ri baa, “Ameinja-m! Abitse-m! Ni naa atong ti ni fxen ira ti ame u ri te ni! Ti kucang kiye ti itse-ti Ibrahim ta uwae uten ti Mesopotamiya, kiye ti awu ba-wu uten Haran khika be, Rimam ba uwog-wu. Rimam ti kuko-wu skeb tag patag ru ba uwog-wu

Mbaibrane 11:16

Amaa, aba sa uwae-ba tsi risu uten iki ti nyang siskeb, ti si uten ti apupwen. Ikyaen yine Rimam wae-wu rukwae kiye ti aba ku kunn wu baa Rimam-ba be. Awu ti risu-wu kyae uka tsika pu wu aba.