Itiruye 4:1 - Kutsingken Ira Rimam ti Saen Kyag

¹ Musa rang Yaweh baa, “Asiti ande ba a pyir, u ru-ba kubenti baa, afu na tso risu-fu uwog-m be re?”

Itiruye 4:1 Iomraidhean Croise

Itiruye 2:14

Unde wu rang wu baa, “Aye ti sa fu tsi ti fu na pwen rikwen risu-ti? Afu ku sha ti fu wen m pangma ti afu wen urae Ejib né a.” Ama ikyenricwu ye Musa, awu kab baa, “Kubenti, a nungye pu ba iken ti ame nde.”

Itiruye 3:15

Ri te kyi anyisu Isirela baa, ‘Ame Yaweh, Rimam na abitse-ni, Rimam na Ibrahim ti Ishaku ti Yakubu ti tom m ba uwog-ni.’ Awune ti si rinyi ti ani ti meme anyisu-ni ti ku ba isim u kunn m atang ru fife yi uwe.

Itiruye 3:16

Ru ka kunn funn ande ndufu Isirela ti fu ri te ba baa, ‘Yaweh, Rimam abitse-ni, Rimam na Ibrahim ti Ishaku ti Yakubu, tso pu wu risu-wu te m, u ri baa, “Ame nung pu m ani, ti rikaen ti ande ti Ejib ku nde ni.

Itiruye 3:18

Ande ndufu Isirela u fxen fu. Afu ti ande ndufu Isirela u ru uwog ukwe ti Ejib kaa ri te wu baa, ‘Yaweh, Rimam na Mbaibrane tu pu wu ati. Ati ku jwam fu, nda ti usir ita ti ati u ru ikyin yi kutur kuka kaa twen ikentitwen na Yaweh, Rimam-ti.’

Itiruye 4:10

Ama Musa ri te Yaweh baa, “Itsekuru-m, ame si unde ti rib unju, ku ri tu-m ira nyinyang be. Ti kiye ti afu ku ri ira te m ba ku sang tine, ame ku ri tu-m ira nyinyang be.”

Itiruye 4:30

Aruna tsag te ba meme ira ti Yaweh ri te Musa, ama Musa nde meme iken ti ku fur ayib yi uwe andufu ba.

Itiruye 4:31

Aba ru kubenti, u ku riben u fen itifen, ikyaen ti, aba fxen baa, Yaweh na nung pu wu rikaen-ba.

Itiruye 6:12

Ama Musa ri te Yaweh baa, “Afu nung, anyisu Isirela fxen-ba ame be, m ba tsitsi ukwe ti u fxen m, ti ame ku ri saen-m ira be ne a.”

Itiruye 6:30

Amaa, Musa ri te Yaweh baa, “Afu nung ti ame ku ri tu-m ira sisaen be. Ukwe u nde rimang u fxen m?”

Wande Atom 7:25

Musa ku tang baa, ande-wu na u nungye baa, Rimam na sa wu na ba ti wu na u nwangru ba uwae rikaen, amaa a nungye-ba be.