Itiruye 3:2 - Kutsingken Ira Rimam ti Saen Kyag

² Atang atom Yaweh tso risu-wu uwog Musa uwae ajaen urwa ti ku cwe uwae afub. Musa sae urwa ku cwe uwae afub, amaa urwa wu twen-wu afub yi be.

Itiruye 3:2 Iomraidhean Croise

Kucangtsi 21:17

Rimam fxen ira ti jwub umbae wu, ama atom Rimam kunn Hagar ira, u rang wu baa, “Imi ti nde, Hagar? Kyen-fu ikyenricwu be. Rimam fxen pu wu ira ti jwub umbae-fu, uwog ti awu nae atang ne.

Kucangtsi 22:11

Ama atom Yaweh kunn ira apupwen baa, “Ibrahim! Ibrahim!” Awu cwe baa, “Eén.”

Kucangtsi 48:16

awu ti atom-wu ti apupwen nwangru m uwae ira titibi meme, awu ā nde anyisu bane titinyang. Ikyaen-ba, rinyi-m ā kunn atang, ti ana abitse-m Ibrahim ti Ishaku. Aba ā mbae jwunn uwae utense.”

Itiruye 19:18

Akyàng yaenkyi tag rikwèn na Sinai ikyaen ti, Yaweh si ba kitaen rikwen wu uwae urwa. Akyàng ku tso tsig tsig tsig yi apupwen, ama meme rikwen wu kyi ijwe tang tang tang.

Itiruye 23:20

“Nung, ame tom atom ku ru uwe-fu. Awu u kyir fu fengo, u pu fu ka sang uwog ti ame kyae tsi fu.

Itiruye 24:17

Kiye wu, riyinn Yaweh tatso risu rikwen atang pangma urwa ti ku twen ku ci kutur, uwe anyisu Isirela.

Itiruye 3:16

Ru ka kunn funn ande ndufu Isirela ti fu ri te ba baa, ‘Yaweh, Rimam abitse-ni, Rimam na Ibrahim ti Ishaku ti Yakubu, tso pu wu risu-wu te m, u ri baa, “Ame nung pu m ani, ti rikaen ti ande ti Ejib ku nde ni.

Daniyel 3:27

Ama ande ti rurob, ti afaen, ti gomna gomna, ti ande ti ku nda ukwe kumyae ba byir u sae ande ita ba, urwa fum-yi apwa ijwe-ba be, ikyinn risu-ba fum-yi fum be, atupwa-ba twen-yi twen be, ijwe-ba ama nung-yi ishing be.

Markus 12:26

Ayi a si ira risu itikunnwunn ande uwae itikicwu, ani fxen ji-ni ira ti a bae yi uwae kutsingken Musa risu kutur ti tirisub ti ye urwa be a? Kiye wune Rimam ri ira te Musa baa, ‘Ame si Rimam na Ibrahim ti ana Ishaku ti ana Yakubu.’

Luka 20:37

“Ira risu ande ti cwucwu ti itinwunn-ba ama, Musa tso biben baa, ande ti cwucwu na u nwunn uwae iticwu, ikyaen ti uwae ira ti awu bae risu afub ti ku ten urwa uwae kutur, awu ri ira risu Itsekuru-ti Rimam baa, awu na si Rimam Ibrahim u si Rimam Ishaku u si Rimam Yakubu ama.

Yohana 1:14

Ira Unju Rimam wu sa ijwe rimenn-ti ande u ru ba som kutampwa-ti uwae kiye kpang. Ati ama nungye pu ti riyinn-wu. Ayi si riyinn ti si ana Umbae kinjo ti ruye uwog Itse-wu ba. Awu munn ti ayibrisi ti kubenti.

Roma 8:3

Icwe Musa nde tu-yi ti yi nwangru ti be, ikyaen itinam na ijwe-ti ande. Ikyaen yine, Rimam nde iken ti Icwe ndenum ti yi u nde. Awu tom Umbae-wu ba yi rimenn ijwe pangma ana-ti ande ti ku nde ikentitibi, u nda wu si rinyangwae iken ti yerwen ikyaen ikentitibi. Yi fengo yine, awu twenji kpakang ikentitibi risu ande.

2 Tesalonika 1:7

Ama ani ande ti ta uwae rikaen tine, ti ati ama, awu u nda ti unyang ti pu usir ti Itsekuru-ti Yesu u ba tso risu-wu. Awu te atom Rimam ti apupwen u si ba tetso