Itiruye 3:1 - Kutsingken Ira Rimam ti Saen Kyag

¹ Uwae kiye wu ti Musa ku nungkyi asinn uyeb-wu Jetro, kukwen na Midiyan, awu pu asinn yi sang nyatsa kutur ka sang ti Horeb ti si rikwen Rimam.

Itiruye 3:1 Iomraidhean Croise

Itiruye 17:6

Ame u tsi uwe-ni fer ti kutxú ana rikwen ti Horeb. Ama afu u sa ukum byinn kutxú wu. Ambyi u ten ruye atang ti ande ba ā ngwa.” Musa nde ti mbwe-yi uwe ande ndufu Isirela ba.

Itiruye 18:12

Ama Jetro, uyeb Musa, twen ikentitwen, u pu rinyangwae na Rimam. Ama Aruna ti meme ande ndufu Isirela ba ti a u ci wuci te Jetro, uyeb Musa, uwe Rimam.

Itiruye 19:11

Utsowen, ni som ti ujwin, ikyaen ti, utsowen, ame Yaweh u si ba risu rikwen ti Sinai, ama meme ande u sae te ayib-ba.

Itiruye 19:2

Aba nwunn Refidim u ka sang kutur ti Sinai, aba sim afug-ba imbyi rikwèn atang.

Itiruye 19:3

Ama Musa tso ka tu Rimam kitaen rikwen. Ama Yaweh kunn wu ira kitaen rikwen atang, u ri baa, “Ira ti afu u ri te ishikununn Yakubu ti si anyisu Isirela ta re.

Itiruye 2:16

Ama Rewel kukwen na Midiyan, site anyisu ti anda itsongfaen. Aba ba ku txi ambyi si kitsaen tiyang, ti asinn itse-ba na ngwa.

Itiruye 2:18

Kiye ti anyisu Rewel kafe ru kununn, itse-ba rang ba baa, “Ani nde rimang u kafe ba fifae yaka ne?”

Itiruye 2:21

Ama Musa cwe ti wu na u som te Rewel wu ti rinyi-wu iki si Jetro. Ama Jetro pu unda-wu Zipora baen Musa.

Itiruye 24:13

Tiri Musa ti Jeshuwa, umbae wande-wu, nwunn u tso yi utaen rikwen Rimam.

Itiruye 3:12

Rimam ri baa, “Ame u te fu ta tetso. Iken ti u tso baa, ame ti na tom fu si ti: Kiye ti afu a pu ruye pu fu ande ba uwae Ejib, ani u ba fen Rimam yi rikwen wune.”

Itiruye 3:5

Rimam ri baa, “Ko ba fer-fu ike be. Nwaen apwafxen-fu, ikyaen ti, uwog ti afu tsi atang ne, si uwog ti ku cwucwe.

Itiruye 33:6

Bag ti kiye wu yi imbyi rikwen Horeb atang, anyisu Isirela pu iken kindab tso-ba ijwe-ba cwucwo be.

Itiruye 4:18

Musa kafe ru ka tu uyeb-wu Jetro u ri te wu baa, “Ame ku jwam fu, nda m riyae ti m ru kaa nung ande-m yi Ejib, ko aba ta ti unyang.” Jetro cwe, u ri baa, “Ru-fu uwae kujim.”

Itiruye 4:27

Yaweh ri te Aruna baa, “Ru ka tu Musa uwae kutur kuka akwen.” Ikyaen yine, awu ru u ka tu Musa yi rikwen Rimam, ama u ye wu bur utob.

Amos 1:1

Ayine si ira na Amos, ti si kinjo uwae ande ti ku shi iken yi uten ti Tekowa. Awu sae iken yine kiye ti Uziya si ukwe Yawuda, ti kiye ti Jerobowam umbae Jowash si ukwe Isirela. Awu sae iken yine asang ifaen titawe riben kyi ijwe.

Luka 2:8

Uwae uten wu, ande ti ku shi mbawen ta atang. Aba nae fuyen na uten wu ku nungkyi asinn-ba utitang.

Wande Atom 7:30

“Isim asang mae ifaen, Rimam tom atom-wu ti apupwen ru ba tu Musa uwae kutur ti fifer ti Rikwen Sinai. Awu tso risu-wu uwog Musa ruye uwae urwa ti ku ten ijwe afub tirisub.