Itiruye 17:2 - Kutsingken Ira Rimam ti Saen Kyag

² Aba pu ira kunn tu Musa ti wu na nda ba ambyi ti a na u ngwa. Musa rang ba baa, “Ani nde rimang u pu ira kunn tu-ni ame? Ani nde rimang ku myae Yaweh kumyae?”

Itiruye 17:2 Iomraidhean Croise

Itiruye 15:24

Ama ande ba pwen unju risu Musa, baa “Imi ti ati u ngwa.”

Itiruye 16:8

Musa ri kyi baa, “Ureb ne, Yaweh u nda ni ibye ti ani u kub. Ama a ba kiskinn, awu u nda ni buredi ti ani u ci u kyaen. Ikyaen ti, Yaweh fxen pu wu unju ti ani ku pwen risu-wu. Ati si aye? Unju ti pwen-ni ayi si-yi risu-ti be, amaa, ani ku pwen yi risu Yaweh.”

Itiruye 17:7

Musa kunn rinyi uwog wu baa, “Massa,” ti imbyi-wu si, Kumyae. Rinyi ti ifaen si “Meriba,” ti imbyi-wu ama si unju ti pwen. Ikyaen imi, anyisu Isirela pwen unju, u myae Yaweh kumyae, ku ri baa, “Yaweh ta se kutampwa-ti njwaa?”

Itiruye 5:21

Ama aba ri te Musa ti Aruna baa, “Yaweh ā sae ni, ti awu ā pwen ni rikwen, ikyaen ti, ani sa ti kafe ande titibi uwe Ukwe ti afaen-wu. Ani sa kisum wen na pu ni aba kujwo ti a na wen ti.”

Matiyu 4:7

Yesu ri te kyi wu cwucwo baa, “Aba bae ama baa, afu na myae-fu Itsekuru-fu Rimam myae be.”

Luka 15:12

Uyin-wu ti kitinying ri te itse-wu baa, ‘Itse, kata na m kutunn-m uwae rifunn-fu.’ Itse-wu cwe u pu rifunn-wu ka na anyisu-wu aba.

Luka 4:12

Yesu ri te wu baa, “A bae ama baa, ‘Myae-fu Itsekuru-fu Rimam myae be.’ ”

Wande Atom 15:10

Nung! Ani ku myae Rimam myae. Icwe Musa si usu ti rurob ti ati Mbayawuda ti risu-ti su tu-ti be. Abitse-ti ama su tu-ba ayi be. Ani u nde rimang sa usu ti rurob wune nae tsa ande ti putsa Yesu ne.

Wande Atom 5:9

Bitrus ri baa, “Afu ti ubaen-fu kyang rimang ku myae Kusung na Itsekuru-ti Rimam myae? Fxen! Ande ti nji ubaen-fu ta ufu kusog. Aba ku ba ti a ba ye fu ru ka nji pangma ti a nji ubaen-fu!”

1 Korinti 10:9

Ti myae-ti Itsekuru myae pangma ti ariki uwae-ba myae, ama ikentibi pyewen ba be.

Mbaibrane 3:9

Uwae kutur atang, abitse-ni myae m kumyae, ko ti aba nung kujwo wande-m,