Itiruye 13:3 - Kutsingken Ira Rimam ti Saen Kyag

³ Musa ri te anyisu Isirela baa, “Ni tangsom ti usir wune, usir ti Yaweh yi kuko-wu pu ru ye ni uwae rikaen apyi yi Ejib. Ni ci-ni wuci iki ti a sa yisiti si atang be.

Itiruye 13:3 Iomraidhean Croise

Kucangtsi 15:16

Rishi-fu ti inje u kafe ba ti riben ike, ikyaen ti ikentitibi ande ti Amor ti nae uten wune munn-yi kitu kumyae ti ame u rwae shag ba khika be.”

Nehemiya 1:10

“Aba si apyi-fu, u si ande-fu. Afu ti nwangru ba yi uwae kuko ti ribom ti ana-fu ti ko timambe.

Nehemiya 9:10

Afu nde iken ti ku fur ayib uwe ukwe ti Ejib ti afaen-wu ti ande-wu meme, ikyaen ti afu nung pu fu itso rikaen ti a nde abitse-ti. Afu nda rinyi-fu pu iten kyife uten meme, ba kwer ti yaka ne.

Itiruye 12:15

Uwae usir itsongfaen, ani u ci buredi ti a pu yisiti si-ba atang be. Usir ti tawe, ani u pu ru tag yisiti meme uwae asog-ni. Unde ti a ci iken iki ti yisiti si atang uwae usir itsongfaen na ukwab yi, a u pwen unde wu fa-ba uwae ande-m Isirela cwucwo be.

Itiruye 12:17

Ani u nde ukwab wune ti ni tangsom te usir ti ame pu ruye meme anyisu Isirela uwae uten Ejib. Ani u ku ci ukwab wune uwae kusang kusang, ko kiye titini uwae usom ti som-ni.

Itiruye 12:19

Ikyaen yine, uwae usir itsongfaen yine, ni ya yisiti ta-ni uwae kusog-ni be. Asiti unde iki a ci wuci ti a pu yisiti si atang, a u pwen wu fa-ba uwae anyisu Isirela be, ko unde wu a si rikyen ko urae Isirela.

Itiruye 12:2

“Ushaen wune u si ushaen titawe na usang ti tawe uwog-ni.

Itiruye 12:41

Uwae usir ti ricwunnkyi na asang ukob inje ti rijweta yine, meme ujwunn ande Yaweh nwunn ruye uwae uten Ejib.

Itiruye 12:42

Utitang wu si utitang ti Yaweh nyinn kicwag ti wu pu anyisu Isirela ruye yi uten Ejib. Isirela yerkob utitang wune ikyaen ti a na u nyinn kicwag atang u fen Yaweh ko kiye titini uwae usom ti som-ba.

Itiruye 12:8

Utitang wu, a u fxab ibye yi u kub yi fa tí atsing áten ti nunngag tí buredi ti a pu yisiti si-ba atang be.

Itiruye 13:14

“Uwe ike umbae-fu a rang baa, ‘Iken yine ku tso imi?’ Ri te wu baa, ‘Yi kuko Yaweh, awu pu ti ruye uwae rikaen apyi yi Ejib.

Itiruye 13:9

Itinde na ukwab wune u si pangma iji ti a sa kya fa fu kujwo, ko awaen ti a taen kutxuwe-fu baa, icwe Yaweh na u tsikunn unju-fu, ikyaen ti, yi kuko-wu, awu sa ruye fu uwae Ejib.

Itiruye 20:2

“Ame ti si Yaweh, Rimam-ni, ti pu ni ruye uwae uten Ejib, uten ti ani si upyi.

Itiruye 20:8

“Tangsom ti usir ikyinn, ye su wu cwucwe.

Itiruye 23:15

Ni nde ukwab na buredi ti a pu yisiti si-ba atang be. Pangma ti ame ri te ni, uwae usir itsongfaen ana ishaen Abib, ani u ci buredi ti si-yi te yisiti be. Ni nde ukwab wune kiye ti ame sa tsi na ni uwae ishaen Abib, ikyaen ti ayi ā tatso itiruye-ni uwae uten Ejib. Unde iki ā ba-wu uwog-m ti ajwo ukaen be.

Itiruye 3:20

Ikyaen yine, ame u tso kuko-m, u nde iken ti ku fur ayib uwae Ejib. Ame u nde ba ira bebeb ama ikyenricwu u ye ba. Isim-yi, ukwe u ya ni ta, ani u ru.

Itiruye 34:18

“Ni nde Ukwab Buredi ti Yisiti si-yi atang be ko kusang titini. Uwae usir itsongfaen, ni ci buredi ti si-yi te yisiti be, pangma ti ame ri te ni. Ani u ci ukwab wune uwae ishaen Abib, ikyaen imi uwae ishaen Abib ti ani nwunn uwae uten Ejib.

Itiruye 6:1

Ama Yaweh ri te Musa baa, “Tine afu u sae iken ti ame u nde te Ukwe. Ame u tatso wu kujwo wande-m ti ribom, ama awu u tē ba ru ye uten-wu. Een, ame u tatso wu kujwo wande-m ti ribom ama awu u rwae ba ru ye uwae uten-wu.”

Itiruye 6:6

Ikyaen yine, ri te anyisu Isirela baa, ‘Ame ti si Yaweh. Ame u pu ni ruye uwae rikaen kujwo ande ti Ejib ama u saen ni ta uwae usom apyi kujwo-ba. Ame u nwangru ni ti kujwo wande-m ti ribom ama u pwen ande ti Ejib rikwén beb beb beb.

Itiruye 6:7

Ame u paembe ni ti ni si ande-m, ame ama u si Rimam-ni. Ama ani u nung baa, ame ti na si Yaweh Rimam-ni ti nwangru ni uwae rikaen apyi kujwo ande ti Ejib.

Itiruye 7:4

awu u fxen-wu ani be. Ama rinae-m u si ba risu Ejib beb beb. Ame u pwen ba rikwen ti ribom. Ame u pu ande-m anyisu Isirela ru ye ti kumbub kumbub-ba.

Daniyel 9:15

“Ama Itsekuru-ti Rimam, afu ti pu ande-fu ruye uwae uten Ejib yi kuko-fu ama nde rinyi. Tine, ati nde pu ti ikentitibi u nde pu ti ira ti beb timambe.

Matiyu 10:12

Kununn ti ani a sang atang, ni ri na ba unju tinyang.

Luka 22:19

Isim ayine, awu sa buredi u nde fxaefa na Rimam, u nyangta wu u pu na ba u ri baa, “Awune si rimenn ijwe-m ti ame sa ku na ni. Uwe ike ni nde pangma ti ame ku nde ne, ti ni tangsom te m.”

1 Korinti 11:24

u nde fxaefa na Rimam u nyangta buredi wu u ri baa, “Awune si rimenn ijwe-m, awu si ikyaen-ni, ni nde kob yine ikyaen ti ni tangsom te m atang.”

1 Korinti 5:8

Ikyaen na yine, ande-m, ni sa ru ira ti kab titibi, ti ikentitibi ti ti nde kutampwa-ni, pangma ti a ku nde ti buredi ti ti ci kiye ukwab. Buredi-ni tine ā si usom ti som ti kubenti ti utob ti tinyang.

Afisa 1:19

Ame ku jwam cwucwo ti ni na nungye itso wande ti skeb titag ti Rimam ku nde uwae utob ande ti ku ru kubenti uwog-wu. Wande ti kuko ne si si ayi ti awu nde