Filipi 4:9 - Kutsingken Ira Rimam ti Saen Kyag

⁹ Ni nde wande ti iken ti ani kwen, u tu uwog-m. Iken ti ni fxen u sae uwog-m, ni putsa yi, Rimam na kujimshwur u te ni ta tetso.

Filipi 4:9 Iomraidhean Croise

Matiyu 1:23

“Ni nung! Mbawandab iki u kyaen rishwu u mbae umbae ti urom, ama a u fwa rinyi-wu baa, Emanuwel, ti imbyi-yi baa, Rimam som te ti.”

Matiyu 28:20

ti ni kwen na ba ti aba ā putsa ira ti ame kwen na ni meme. Ame ama te ni ta tetso ko kiye titini ru ka sang ti usir ti ricwunnkyi.”

Matiyu 7:21

“Ayi si-yi meme ande ti ku kunn me baa, ‘Itsekuru, Itsekuru,’ ti u sang Kujwe Ukwe Rimam ti apupwen be. Ande ti u sang si nyang ande ti ku nde wande Itse-m ti ta apupwen, aba amam.

Luka 6:46

“Ani kyang rimang ku kunn me baa, Itsekuru, amaa ani ku nde-ni iken ti ame ku ri te ni be?

Luka 8:21

Yesu ri te ba baa, “Iya-m ti ameinja-m si ande ti ku fxen ira Rimam u ku nde wande te yi.”

Yohana 13:17

Ti ani nung pu ni iken yine, asiti ani a nde wande te yi ani u tsen utob timambe.

Yohana 15:14

Asiti ani a nde wande te ira ti ame ri te ni, ani si arwan-m.

Yohana 2:5

Iya-wu ri te itaen ti ku nde wande atang baa, “Iken ti awu a ri te ni meme ni nde yi!”

Wande Atom 9:6

Nwunn ti tsi ritsen. Sang uwae uka ne. Afu a ka pu fu atang, a u ri te pu ba afu iken ti fu u nde.”

Roma 15:33

Tine, Rimam, awu ti ku nda ti kujimshwur, ā te ni som tetso. Ayi ā si ahan.

Roma 16:20

Itse-ti Rimam ti ku nda ti kujimshwur, awu u tsi-wu tsi be u twenji kuko na Shetann u nda wu nae riben afxen-ni. Itinyang na Itsekuru-ti Yesu Kristi ā te ni som tetso.

1 Korinti 10:31

Iken meme ti afu a ku nde, ko ayi a si iken ti afu ku ci, ko iken ti afu ku ngwa, nde iken ayi yi fengo ti u sa kuko na Rimam.

1 Korinti 14:33

Ikyaen ti Rimam si-wu Rimam ti kukyikab be, awu si Rimam na kujimshwur. Pangma ti ande na Yesu ko aka patag ku nde,

1 Korinti 4:16

Ikyaen yine ame ku jwam-ni, ni putsa kufxen-m.

2 Korinti 13:11

Ira ti ricwunnkyi, ameinja-m, ni som-ni nyinyang. Ni kyaenyang usom ti som-ni. Ni kwab uwae ira ti ame ri te ni. Ni ndeya atso ti ni som usom-ni tetso uwae kujimshwur. Rimam, awu ti ku nda ti ure ti kujimshwur u te ni som te atso.

Filipi 3:17

Ameinja-m ti ambakaya, ame ku jwam baa, ni putsa kufxen-m, ti ana itaen ti ku som usom yi fengo ti ana-ti,

Filipi 4:7

Ama Rimam u nda ni kujimshwur-wu ti skeb tag itinungye meme uwae utense ne. Awu u nungkyi utob-ni, ti ira ti tang-ni uwae usom ti som-ni te Yesu Kristi.

1 Tesalonika 1:6

Ama ani kyangte ira-ti ayi ti utob titsen ti ru uwog Kusung Rimam ba ko ti ira yi shir rikaen tiyang ba na ni. Yi uwog wune, ani putsa kufxen-ti ti ana Itsekuru-ti.

1 Tesalonika 2:14

Ameinja, iken ti tu ni si sí iken ti tu ambub ande na Rimam ti ta uten ti Yawudiya, yi uwog ande ti ta atang ti si ana Yesu Kristi, ikyaen ti, ande ti uten-ni pyir ira-ni pangma ti ande ti uten-ba pyir ira-ba ama.

1 Tesalonika 5:23

Rimam na kujimshwur ā jwosaen ni sisaen, awu ā nungkyi kusung-ni ti unyang-ni ti ijwe-ni ti yi ā si-yi te riraen kiye itikafe ba Itsekuru-ti Yesu Kristi be.

2 Tesalonika 3:4

Rimam nda ti, ati sa uwae tsi baa, ani na ku nde wande te iken ti ati fwa ni kusen risu-yi, ama na u ru yi uwe te yi.

2 Timoti 4:22

Itsekuru ā te fu som tetso. Itinyang-wu ā te ni som te atso.

Yakubu 1:22

Amaa, ni nde wande te ira ti ani fxen. Ni si-ni ande ti ku fxen fa te atong amam, ku kyaefa risu-ni, be.

2 Bitrus 1:10

Ikyaen yine, ameinja, ni kwab skeb kyi ti ni tatso paenine uwae usom ti som-ni baa, itikunn-ni ti ititsab-ni na si kubenti. Ani a nde ayine, ani u jwunnsi-ni be.

1 Yohana 3:22

Ama meme iken ti ati a jwam uwog-wu, ati u tu yi, ikyaen ti, ati ku nae risu riben te icwe-wu, u ku nde iken ti ku nyang uwae-wu.