Filipi 4:8 - Kutsingken Ira Rimam ti Saen Kyag

⁸ Ti ricwunnkyi, ameinja, ni sa utob na iken ti si kubenti ti iken ti site rurob ti iken ti pang atang, ti iken ti sisaen, ti iken ti si ana ure, ti iken ti pang ti a nda yi kuko, ti iken meme ti si iken ti tinyang u pang ti ande u teb yi.

Filipi 4:8 Iomraidhean Croise

Kucangtsi 18:19

Iyee, ame tsab pu m awu ti wu na tae anyisu-wu, ti rishi-wu ti ku ba isim-wu yi fengo-m, u nde iken ti pang atang, ti iken ti kubenti, ikyaen ti, ame Yaweh u kumunn unju ti yer-m te Ibrahim.”

Matiyu 22:16

Isim ayine, aba tom ande ti imbyi-ba iki te ariki uwae ande ti isim Herodus ru ka uwog Yesu. Aba ka rang wu baa, “Unde ti uwe, ati nung pu ti baa, afu na si unde ti kubenti ama ku kwen na ande ira Rimam ti kubenti. Afu ku kab-fu rikaen ira ti ande ku kab be, ikyaen ti, afu ku fxen-fu atong risu iken ti unde ku tang baa, awu na si be.

Markus 6:20

ikyaen ti, ubaen-wu Herodus ku kyen ikyenricwu Yohana. Awu nung Yohana si unde ti sisaen u si unde ti kubenti. Ikyaen ayine, awu ye su Yohana nyinyang. Awu ku sha kob ti wu na fxen ira ti Yohana ku ri, amaa, awu a fxen mam ira yi ayi ku ten wu utob timambe.

Luka 16:15

Yesu ri te ba baa, “Ani ku sha ti ande na tang baa, ani na si ande ti tinyang, amaa Rimam nung pu wu riyaen utob-ni. Iken ti ande ku nung baa, ayi na si iken ti tinyang, uwe Rimam ayi si iken ti ku txi iyib.

Luka 2:25

Unde iki ta Urushelima ti a ku kunn wu baa Simeyon. Unde wune si unde ti ku nde iken ti tinyang uwe Rimam ama som usom ti saen kyag u som ku ji unde ti u nwangru Isirela. Kusung ti Saen Kyag te wu ta tetso.

Luka 23:50

Unde iki ta atang ti rinyi-wu si Yusufu. Awu si urae Mbaibrane, awu ta uten ti Arimateya. Awu si kinjo uwae ande ti ku pwen rikwen. Awu si unde ti kubenti ti ku nde iken ti tinyang.

Yohana 7:18

Unde ti a ku ri nyáng ira ti risu-wu, awu ku sha kuko ti risu-wu. Amaa, unde ti a ku sha kuko awu ti tom wu, si unde ti kubenti. Ira tikong ta-yi unju-wu be.

Wande Atom 10:22

A ri te wu baa, “Unde ti uwe-ti Korneliyu tom ti ba uwog-fu. Awu si unde ti tinyang u ku fen Rimam. Ande-fu Mbayawuda meme nung pu ba baa, awu na si unde ti ku fen Rimam. Atom Rimam iki ri te wu baa, awu na yae fu ru ka kununn-wu ikyaen ti wu na fxen ira ti afu na u ri te wu.”

Wande Atom 22:12

“Unde iki ta Damasiku atang ti rinyi-wu si Ananiya. Awu si unde ti ku fen Rimam ti utob-wu kinjo, u ku putsa Icwe-ti. Meme Mbayawuda ti ta uwae Damasiku ku ri ira ti tinyang risu-wu.

Wande Atom 6:3

Ikyaen yine, ameinja, ni tsab ande itsongfaen ti kumumunn ti Kusung ti Saen Kyag, ande ti ku tang tu ira, ti a na ku kan wuci na ni.

Roma 13:13

Ti kyang ikyin-ti kpang atang, pangma ati na ku nde yi usirtaen. Ni sa ruye risu-ni uwae ira ande ti ku ngwa iken ku shishaen u ku nde iken ti ajib. Ni putsa-ni afxen ande ti ku kyang ku nae amae, u ku nde iken ti ku txi iyib be. Ni ya kutxu ti byinn ti kitsinn ti tsinn ta.

Roma 13:3

Ande ti ku nde iken ti tinyang site-ba ikyenricwu ande ti risu uten be, amaa ande ti ku nde ikentitibi ku sha-ba ti a nung ayib ande ti uwe be. Asiti afu a ku sha ti fu som usom ti kujimshwur te unde ti uwe uten u kyen-fu ikyenricwu-wu be, nde iken ti tinyang. Afu a nde ahan, awu u teb rinyi-fu.

Roma 14:18

Unde ti a putsa iken yine u ku nde na Kristi wande ti utob kinjo, Rimam u tsen utob te wu. Ande ama u cwe ira wu.

Roma 2:29

Urae Yawuda ti kubenti si unde ti si urae Yawuda uwae riyaen utob-wu. Awu ā si unde ti ā tsen na wu kutxin riyaen utob-wu tawe. Wande yine, Kusung Rimam ti ku nde yi, si-yi ira icwe iki ti a bae uwae kutsingken be. Cwucwo, ayi si Rimam ti u teb itso unde wune, si-yi ande be.

1 Korinti 4:5

Ikyaen ira yine ni pwen-ni unde rikwen be, se usir a pang pu wu. Usir wu a ba pu wu ti Itsekuru-ti Yesu a kafe ba, awu u ba pwen rikwen yi ti ajwo-wu. Awu u ri tatso ti iken ti ta uwae kufub, ti ira ti unde titini ku kab riyaen utob-wu. Tiri, Rimam u teb unde titini ikyaen kujwo wande-wu ti awu nde.

2 Korinti 13:7

Ati ku jwam Rimam ti ani na nde-ni ikentitibi be. Ayi si-yi ikyaen ti ti na u tatso ande baa, ati na ci pu ti itimyae yi be. Iyee! Iken ti ati ku sha si ti ani na nde iken ti pang atang uwe Rimam, ko ti ati ti risu-ti nung pangma ati jwunnsi pu ti.

2 Korinti 6:8

Ati ku tu kuko uwog ande u ku tu ira ti unghae ama. Ande iki ku txun ti asu, ariki ku teb ti. Ande sa ti tsi pangma ande ti ku kyaefa ande, ama ati ku ri kubenti.

2 Korinti 8:18

Ati tom inja-ti iki putsa Titus ku ba. Awu si unde ti ande ti putsa Yesu ko aka patag ku teb rinyi-wu ikyaen ira ti tinyang ti awu ku ri.

2 Korinti 8:21

Ati ku sha ti ati u nde wande ti kubenti uwe Itsekuru-ti ti uwe ande meme.

Galatiya 5:22

Wande ti Kusung Rimam ku nda unde nde txi ra. Ayi si ure, ti utob ti tsen, ti utob ti nae riben, ti utob ti ye, ti itindeya atso, ti itinyang ti ti nde, ti usom ti som ti kubenti.

Afisa 4:25

Ikyaen yine, ni wer-ni rifen cwucwo be. Unde titini ā ri ira ti kubenti te inja-wu, ikyaen ti, meme-ti si iken kinjo uwae itiren-ti ti Kristi, pangma akyab na rimenn kinjo.

Afisa 5:9

Ikyaen ti, i si uwog ti saen kyag ti ku nda ande nde iken ti tinyang ti iken ti pang atang uwe Rimam, ti iken ti kubenti.

Afisa 6:14

Ikyaen yine, ni tsi ti afxen-ni riben ting ting. Benti-ni ā si ira ti kubenti ti ani ku ri. Kutupwa ti u takyi kikog-ni ā si wande ti kubenti ti ti nde

Filipi 3:1

Ti ricwunnkyi, ameinja, ame ku ri te ni baa, ni tsen utob ikyaen ti ani si ana Itsekuru-ti. Ame ku bae shem iken ti ame bae na pu me ani kucang. Ayine caeb-yi ame be; ayi u byangkyi titibi uwog-ni ama.

Kolosi 4:5

Ni som ti ben-ayib uwae iken ti ani ku nde te ande ti ru-ba kubenti be. Ni kwab ti ni nde tinyang te ba ko kiye titini.

1 Tesalonika 4:12

Yi fengo yine, ande ti tsitsi ti si-ba ande na Yesu be u nung ni ti rurob ama. Cwucwo, ani u nung fengo ti ani u ndeya ijwe-ni u sa ijwe konje-ni unde iki be.

1 Timoti 2:2

Ni jwam Rimam ikyaen na abikwe ti meme ande ti ta risu ande, ikyaen ti ti som usom kujimshwur, ku fen Rimam, ku nde iken meme yi fengo ti pang atang tetso.

1 Timoti 3:11

Anda uwae-ba ama ā si anda ti site utob ti tinyang, ku tsag-ba ande be. Aba ā si anda ti ye su ijwe-ba nyinyang, u ku nde iken meme uwae kubenti.

1 Timoti 3:4

Awu ā si unde ti ye su kununn-wu nyinyang, u site anyisu ti ku nda wu rurob ku nae risu riben te wu,

1 Timoti 4:12

Unde iki ā saeru-wu afu ikyaen ti afu na si umbae ti kitinying be. Som usom-fu yi fengo ti ande na Rimam u sae fu u putsa afxen-fu yi uwae ira ti ri-fu, ti ikyi ti kyang-fu, uwae ure, ti uwae fengo ti afu ru kubenti uwog Yesu, ti uwae usom ti som-fu ti sisaen.

1 Timoti 5:10

u si unda ti ande ku teb rinyi-wu ikyaen wande-wu ti tinyang. Awu ā si unda ti shi anyisu-wu nyinyang, u ku kyangte ande ti rikyen kununn-wu, u si unda ti ku ndeya ande na Rimam ti risu ti nae riben. Awu ā si unda ti ku ndeya ande ti ta uwae rikaen u sa ijwe-wu na wande ti tinyang ti ti nde ti tsotso.

1 Timoti 5:2

Nung anda ndufu pangma abiya-fu, ti nung anyisu wandab pangma aba na si ambakaya-fu. Sha-fu aba sha be.

Titus 1:8

Awu ā si unde ti ku kyangte rikyen uwae kununn-wu te utob titsen. Awu ā si unde ti sa uwae-wu tsi risu iken ti tinyang. Awu ā si unde ti ku ye su risu-wu u ku kab ira ti tinyang u ku som usom ti sisaen. Awu ā si unde ti ku nde iken-wu sku sku.

Titus 2:14

Awu cwu ricwu risu-ti ikyaen ti wu na nwangru ti uwae itso ikentitibi meme, u jwosaen utob-ti, u sa ti kafe ande ti ana-wu, ande ti sa utob na wande ti tinyang ti ti nde.

Titus 2:2

Ri te ande ndufu ti aba ā si-ba ande ti ku ngwa ku shishaen be. Aba ā kab ira ti tinyang risu iken ti aba ku nde. Aba ā ye su risu-ba. Aba ā tsi ti ribom fengo Rimam, u ye ure te ande, u tsi ti kpakang uwae rikaen-ba.

Titus 2:7

Uwae iken ti afu ku nde meme, tso ande baa, afu na ku nde wande ti tinyang, ti aba ā kwen putsa afxen-fu. Nde-fu uru te iken ti kwen-fu be. Sa utob tsi atang.

Titus 3:14

Ande-ti ā kwen wande ti tinyang ti ti nde, ikyaen ti aba u nde tu ti a ndeya ande ti rikaen-ba skeb risu. Aba ā som-ba usom ti ukaen be.

Mbaibrane 11:2

Ayi si uwae kinjo ti nda abitse-ti ti kute, tu risu tinyang uwe Rimam.

Mbaibrane 13:18

Ni jwam Rimam ikyaen-ti. Ikyaen ti, ati u si te utob ti nae riben uwae ira yine, ama ati site utob ti ti u nde meme wande-ti yi fengo ti kpang atang.

Yakubu 1:27

Itiputsa Rimam ti Rimam cwe ira yi si ti, awu ku sha ti unde na ndeya anyisu ti itse-ba ti iya-ba cwu pu ba, ti awa icwu, uwae rikaen-ba, cwucwo, ti ande na ye su ikyaen ti ande na ye su ijwe-ba nyinyang, ti ajib utense ā kwanbeb-yi utob-ba be.

Yakubu 3:17

Amaa, ben-ayib ti sī apupwen ba si ti saen kyag. Ayi ku shir kujimshwur ba, u ku nda unde nde wande-wu sku sku, u ku naa kutong ku fxen ira ande nyanyang. Ande ti site yi si ande ti ku nung risi ande, u ku nde na ande iken ti tinyang. Aba si-ba ande ti ku tsab ande tsab be, ko ande ti ku ri unju ifaen be.

1 Bitrus 1:22

Tine ani nae pu ni risu riben te ira Rimam ti kubenti, u jwosaen pu ni utob-ni, u site ure ti kubenti na ameinja. Ikyaen yine, ni ye ure te atso ti utob-ni meme,

1 Bitrus 2:12

Usom ti som-ni kutampwa ande ti apxin ā sisaen, ikyaen ti kiye ti aba a ku ri ira titibi risu-ni baa, ani na si ande titibi, aba u sae kujwo wande-ni ti tinyang, ama u teb Rimam usir itiba-wu.

1 Bitrus 4:8

Ti siskeb meme, ni tsikunn ti ku ye ure ti kubenti tetso, ikyaen ti, ure ku burkyi ikentitibi yang-yi.

2 Bitrus 3:1

Awune si kutsingken ti ifaen ti ame bae ku na ni. Uwae-yi meme, ame kunn ku nwunn ira ti kab-ni risu ira ti kubenti,

1 Yohana 3:18

Anyisu ne, ure-ti ā si-yi ti unju amam be, ayi ā si ure ti kubenti ti ku tso risu-yi uwae wande.

1 Yohana 3:3

Unde ti a sa uwae tsi risu-wu, awu ku kwab ti wu som usom ti sisaen pangma ti Yesu ti risu-wu si unde ti sisaen.

1 Yohana 4:1

Ande-m ti ayib ricwu-m, ni ru-ni kubenti baa, meme asung na ru uwog Rimam ba be, amaa, ni myae nung asung yi, ti ni nung baa, ayi si ana Rimam bara. Ikyaen ti, atom ti ku ya iskin ira tikong yang-ba akwen sang ba pu ba utense.

Ruti 3:11

Tine, unda-m, kab-fu rikaen iki be. Ame u nde meme iken ti afu ku sha. Ikyaen ti, meme ande-m ti ta uten ike nung pu ba baa, afu na si unda ti utin.