Filipi 4:6 - Kutsingken Ira Rimam ti Saen Kyag

⁶ Ni kab-ni ira risu rikaen-ni be. Uwae-yi meme, ni ri te Rimam iken ti ani ku sha. Ni jwam wu ti wu ndeya ni, ti ni nde na wu fxaefa.

Filipi 4:6 Iomraidhean Croise

Daniyel 3:16

Ama Shadirag, ti Meshag ti Abenego cwe wu unju baa, “Ukwe Nebukanezar, ati site-ti ira iki ti ati u ri te fu risu ira yine be.

Daniyel 6:10

Kiye ti Daniyel nungye baa, a na bae icwe na u kwa pu ba kujwo atang, awu ru kununn-wu u ka sang kusog-wu iki ti kiye kusog wu mbubta rukwer uwe ti Urushelima. Awu ka ku riben u jwam Rimam, ama tso fxaefa na Rimam atsepu ita uwae usir pangma ti awu ku nde kob.

Matiyu 10:19

Kiye ti a pu ni ru ka uwog rikwen, ni kab-ni uwae risu ira ti ani u ri ko fengo ti ani u ri yi be, ikyaen ti, Rimam u sha na ni ira ti ani u ri uwae kiye wu.

Matiyu 13:22

Itso iken ti tā ka si uwae icwong si unde ti mbe ira Rimam ti utob-wu, ama ira ti kab risu iken na ise ti rifunn fangkyi wu, ama awu tso-wu ajwo wande ti tinyang be.

Matiyu 6:34

Ikyaen yine, ni kab-ni uwae risu iken ti ucwe be, ucwe u site rikaen ti pang risu-wu. Ni ya usir titini ta ti rikaen-wu.

Matiyu 6:8

Ni si-ni pangma aba be. Itse-ni Rimam nung mam pu wu iken ti ani ku sha ti ti ani jwam-ni awu khika be.

Luka 10:41

Ama Itsekuru-ti Yesu ri te wu baa, “Marta, afu ku ndembeb utob risu iken yang-yi akwen,

Luka 12:22

Isim ira ti sunn yine Yesu ri te ande ti awu ku kwen na ba baa, “Ikyaen yine ame ku ri te ni, ni kab-ni ira risu wuci ti ani u ci u som ti user be, ko risu atupwa ti ani u bur kyi rimenn-ni te yi be,

Luka 12:29

“Ni kab-ni uwae be. Ni ndembeb-ni utob risu iken ti ani u ci u ngwa be.

Luka 18:1

Tiri Yesu sunn ira iki ti wu kwen na atugbug-wu baa, aba na tsikunn Rimam ti jwam, ama yer-ba anying utob be.

Luka 18:7

Rimam ama re? Awu u fxen-wu ira ti jwub na anyisu-wu be a? Aba anyisu-wu ti ayib ricwu-wu, ti ku jwub ira uwog-wu usirtaen ti utitang, awu u nde-wu iken ti pang atang uwog-ba be a?

1 Korinti 7:21

Afu si upyi kiye ti a kunn fu a. Ayine ā nda-yi afu uwae ti kab be. Amaa, asiti afu a tu riyae ti fu som usom ti risu-fu, ayi nyang ama.

1 Korinti 7:32

Ame ku sha ti ni na kab-ni rikaen iki be. Ande ti som ripaen site riyae ti aba u sa utob-ba tsi risu wande na Itsekuru, ama ku kwab ti a u nde iken ti u nyang uwae-wu.

2 Korinti 1:11

Ame tang baa, ani ama ku mbyae ajwo na wu ikyaen-ti. Ikyaen yine ati nung baa, pangma ti ande ko timambe ku jwam Rimam risu-ti tine, ande ko timambe ama u nde na Rimam fxaefa uwe ike ikyaen ti awu cwe ira itijwam-ba u nwangru ti.

Afisa 5:20

Ko kiye titini ni nde fxaefa na Itse-ti Rimam ikyaen iken meme, yi rinyi na Itsekuru-ti Yesu Kristi.

Afisa 6:18

Ni jwam Rimam, ama u sha itindeya uwog-wu ko kiye titini pangma ti Kusung-wu ti Saen Kyag tatso ni. Ni tsi ti ujwin ti ni sa utob-ni meme na Rimam ti jwam ikyaen na ande na Yesu Kristi meme.

Kolosi 3:15

Ni ya ta ti kujimshwur na Kristi ā nae ukwe uwae utob-ni. I si ikyaen kujimshwur wune nee Rimam kunn byir ni ti ni si kumbub kinjo. Ni nde fxaefa na wu ama.

Kolosi 3:17

Uwae iken meme ti ani ku nde, ti uwae ira meme ti ani ku ri, ni nde iken-ni uwae rinyi na Itsekuru-ti Yesu. Yi rinyi-wu ayi ama, ni nde fxaefa na Itse-ti Rimam.

Kolosi 4:2

Ni tsi kukunn ti Rimam ti jwam. Kiye ti ani a ku jwam Rimam, ni tsi ti ujwin u ku nde na Rimam fxaefa ama.

1 Timoti 2:1

Ira-m ti tawe si ti, ame ku sha ti ni na sa ira ti jwub-ni, ti itijwam-ni, ti itijwam risu ande meme, ti kufxaefa, ka uwog Rimam.

1 Timoti 5:5

Unda ti si uwa icwu ti kubenti u site-wu unde iki ti ku nungkyi wu be, awu sa ijwe-wu konje pu wu Rimam. Ko kiye titini awu ku jwam itindeya uwog Rimam.

1 Bitrus 4:7

Ricwunnkyi iken meme ko ku yaen pu yi. Ikyaen yine, ni ye su risu-ni, ti ni som ti ujwin, ikyaen ti ni u ndetu ti ni u jwam Rimam ko kiye titini.

1 Bitrus 5:7

Ni su meme iken ti ku caeb ni uwae, ba uwog Rimam, ikyaen ti, awu ti ku nungkyi ni.