Filipi 4:5 - Kutsingken Ira Rimam ti Saen Kyag

⁵ Ni tso ande meme baa, ani na si ande ti tinyang. Itsekuru-ti kyang ku yaen pu wu ti ti ba.

Filipi 4:5 Iomraidhean Croise

Matiyu 6:25

“Ikyaen ayine, ame ku ri te ni, ni kab-ni uwae risu itici ti itingwa ikyaen unyang-ni be, ko risu atupwa ti ani u pu si rimenn ijwe-ni be. Unyang si te rurob skeb-yi wuci be a. Ama rimenn ijwe nyangskeb-wu atupwa be a.

Matiyu 6:34

Ikyaen yine, ni kab-ni uwae risu iken ti ucwe be, ucwe u site rikaen ti pang risu-wu. Ni ya usir titini ta ti rikaen-wu.

Luka 21:34

“Ni nung ijwe-ni nyinyang, be usom ti som ti ukaen, ti iken ti ngwa, ti rikaen utense wune u shir pu utob-ni ru, ama usir wu u ba kpugfa ni fa pangma kutxae.

1 Korinti 16:22

Unde ti a ye ure te-wu Itsekuru be, awu ā sa ti ukwae-wu! Itsekuru-ti Yesu, ba-fu tiri!

1 Korinti 6:7

Itso ishaen ti shaen kutampwa-ni ne ku tatso baa, ani na jwunnsi pu ni. Á baa, ani na yata ti unde na raen ni ira, ayi ú nyang skeb-yi be a. Ande a cishi-ni, ayine u nyang skeb-yi ti ni ú cishi unde be a.

1 Korinti 8:13

Ikyaen yine, ana-m, asiti ame a nung baa, wuci ti ame ku ci, u shir inja-m iki ka nde ikentitibi, ame ti risu-m u ci-m wuci yi cwucwo be. Ikyaen ti, ame ku sha-m ti inja-m iki na jwunnsi uwae ikentitibi ikyaen-m be.

1 Korinti 9:25

Unde ti ku ter inyae te ariki, awu ku tsi ting ting uwae iken ti a kwen na wu. Rinyangwae ti aba sa utob tsi atang tsikunn-yi kunn be. Amaa, rinyangwae ti ati sa utob tsi atang ti ti u mbe si iken ti tsi kukunn.

2 Korinti 10:1

Ame Bulus ku jwam ni ande-m! Ariki uwae-ni ku ri baa, kiye ti ame a te ni ta tetso ame na ku kyen ikyenricwu, amaa, kiye ti ame a ta rurwen te ni ame na ku ri ira ti ribom. Ame ku jwam ni ti kujimshwur, ti utob ti nae riben na Kristi baa,

2 Tesalonika 2:2

Utob-ni ā nwunn-yi ritsen be, ko ayi a si ira ti kusung na tatso ni, ko ayi a si ira ti a ri te ni ti unju, ko ayi na a si ira ti ati na bae uwae kutsingken.

Titus 3:2

Aba ā txunmbeb-ba unde iki be, aba ā ka ijwe te kubyag ti fwan, aba ā nde iken sku sku, ti aba ā som usom na kujimshwur te ande meme.

Mbaibrane 10:25

Ti saeru-ti itifunn-ti pangma ti ariki ku nde be. Amaa, ti ri bom atso utob, ti si iken ti ani u nde siskeb tine ti ani nung baa, Usir wu fer ku pu wu.

Mbaibrane 10:37

A bae uwae Kutsingken Rimam baa, “Ayi u tsi-yi tsi be unde wu ti ku ba, u ba. Awu u nde-wu kukyib be.

1 Bitrus 1:11

Aba kwab, u ku sha ti a u nung kiye wu, ti usir wu, ti fengo ti ayi u nde, ikyaen ti, Kusung Kristi ri te pu wu aba rikaen ti Kristi u ngwa, ti riyinn ti u putsa isim-yi.

1 Bitrus 4:7

Ricwunnkyi iken meme ko ku yaen pu yi. Ikyaen yine, ni ye su risu-ni, ti ni som ti ujwin, ikyaen ti ni u ndetu ti ni u jwam Rimam ko kiye titini.

Ititatso 22:20

Unde ti ku ri ira risu meme iken yine ri baa, “Kubenti, ame u tsi-m tsi be u ba.” Ayi ā si ahan. Ba-fu, Itsekuru-ti Yesu!

Ititatso 22:7

“Nung! Ame u tsi-m tsi be u ru ba. Itinyang ā si ana unde ti ye su iskin ti ya ira Rimam ti a bae uwae kutsingken wune.”