Filipi 4:19 - Kutsingken Ira Rimam ti Saen Kyag

¹⁹ Rimam-m ti u sha na ni iken ti ani sha num ruye uwae rifunn ti ana-wu ti ko nyatsitsa, yi fengo na wande na Yesu Kristi.

Filipi 4:19 Iomraidhean Croise

Kucangtsi 48:15

Ama awu wae ira na Yusufu u ri baa, “Rimam ti abitse-m fen Ibrahim ti Ishaku, Rimam wu ti ku shi m ba ku kwar yaka ne,

Nehemiya 5:19

Ame ku jwam Rimam ti awu ā nde me tinyang ikyaen meme iken ti ame ku nde na ande bane.

Nehemiya 9:15

Kiye ti a ku fxen ti rimenn, afu nda ba wuci ti si apupwen ba, u sa ambyi ru ye uwáe kutxú na ba kiye ti a ku fxen ti unwaen. Afu ri te ba ti a na sang ka mbe riben wu ti afu ben uben baa, afu na u nda ba.

Daniyel 6:22

Rimam-m tom atom-wu ti apupwen si ba kwerkyi unju itumu yi ama ayi kub-yi ame be. Ikyaen ti, yi uwe Rimam, ame raen-m awu ira iki be, u nde-m afu ukwe ira titibi iki be ama.”

Matiyu 6:32

Ikyaen ti, ayine si iken ti ande ti kufub sa uwae tsi risu-yi. Itse-ni ti ta apupwen nung pu wu baa, ani na ku sha iken yine.

Yohana 20:17

Yesu ri te wu baa, “Tekunn-fu ame be, ikyaen ti, ame tso ka-m uwog Itse-m, ti si Itse-ba ama khika be. Amaa ru yi uwog ameinja-m ti ru ka ri te ba baa, ame kafe ku tso yi uwog unde ti si Itse-m u si Itse-ba ama, awu ti si Rimam-m u si Rimam-ba.”

Yohana 20:27

Ama awu ri te Toma baa, “Sa kujwo tekunn ajwo-m ike ti sae yi. Ndab ta kujwo-fu ti tekunn ishi-m ike. Ya uwae ti kab-fu ta ti ru kubenti!”

Roma 1:8

Tawe, ame ku nde fxaefa na Rimam uwae rinyi Yesu Kristi risu-ni meme, ikyaen ti, ko aka uwae utense, ande ku fxen iten uwae kinjo-ni.

Roma 11:33

Kubenti, rifunn Rimam ko skeb tag iken meme! Ben-ayib-wu ti itsab-wu jang nyang-yi nyang be. Aye ti u kab ye ira ti awu myae tsi? Aye ti u nungye fengo ti awu ku nde wande-wu?

Roma 2:4

Ko afu ku sa rinyangwae te utob ti ye na Rimam ti ko timambe kafe iken ti fufóg ti ani saeruru, u nung-ni ti rinyangwae Rimam si ikyaen ti awu u tae ni ba ti ni na kafe isim ta ikentitibi-ni be ahoo.

Roma 8:18

Ame ku kab baa, rikaen ti ati ku ngwa tine, na ko-yi ti a myae yi te riyinn, ti kuko, ti Rimam u tatso ti usir ti ucwe be, ko tikiyib.

Roma 9:23

Awu ku sha ti wu na u tso rifunn na riyinn-wu te itinyang-wu ba uwog ande ti awu nung ba ti ayibrisi, aba ti awu myae tsi ti kucang ti a na kyangte riyinn.

2 Korinti 12:21

Ame ku kyen ikyenricwu baa, iki be Rimam u nda m rikwae ti wae uwe-ni, iki be ariki uwae-ni nde ikentitibi ti kucang u kafe isim ta-ba yi be. Aba ku nae ajwo ajib ti atang u ku sha uwa ande ti atang u ku nde iken ti tsotso ti ku txi iyib uwe Rimam ti atang. Ayi a si ahan, ame u ru ba jwub ira risu ande bane.

2 Korinti 4:17

Rikaen ti pang ti ati ku ngwa utense ike u wur ru ti ritsen, amaa ikyaen-yi, ati u tu kuko ti riyinn ti itimyae-yi ta-yi be uwog Rimam apupwen, uwog ti ati u som kukunn atang. Riyinn yine, si-yi ti a u myae yi ti rikaen ti ati ku ngwa utense ike be.

Afisa 1:18

Ame ku jwam wu ama baa, ayib-ni a mbubta, ikyaen ti ani na nungye imbyi iken yi ti ani sa uwae tsi atang, ne awu kunn ni ru ba ikyaen-yi. Ame ku jwam ama baa, ani na u nungye itso rifunn ti kuko ti tsiji ni uwe, ani fa ti ande-wu ti tsitsi.

Afisa 1:7

I si ikyaen anying Yesu Kristi né a saen ti ta uwae apyi u yata na ti ikentitibi-ti. Kubenti, rinyangwae na Rimam si rifunn ti ko timambe.

Afisa 2:7

Awu nde iken yine ikyaen ti wu na tatso ande meme uwae kiye ti ku ba uwe baa, rinyangwae-wu ti awu nda ti uwae wande na Yesu Kristi na si rifunn ti itikunntsi-yi ta-yi be.

Afisa 3:16

Ame ku jwam wu baa, ti awu site kuko ti ititsikunn-yi ta-yi be, awu ā nda ni kuko yi fengo na Kusung-wu ti ku nde wande uwae utob-ni,

Afisa 3:8

Ko ti ame fa-m ukwab ti a u sa me myae te upyi na Rimam iki be, Rimam nung m ti ayibrisi u tom me ru yi uwog-ni ande ti si-ni Mbayawuda be, ti ame na tsag te ni ira tinyang risu Kristi awu ti si rifunn ti ititsikunn-yi ta-yi be.

Filipi 4:7

Ama Rimam u nda ni kujimshwur-wu ti skeb tag itinungye meme uwae utense ne. Awu u nungkyi utob-ni, ti ira ti tang-ni uwae usom ti som-ni te Yesu Kristi.

Kolosi 1:27

Rimam cwe u tatso ande-wu ira ti kitam wune ti si rifunn ti nyang skeb tag iken patag. Ayi si ira ti tinyang uwog ande ti utense meme. Ira yi si ti Yesu Kristi ku som usom-wu uwae utob-ni u ku nda ni uwae tsi baa, usir iki ani na te wu u som tetso yi riyinn-wu apupwen akwen.

Kolosi 3:16

Ni ya ta ti ira na Kristi ā si rifunn ti ani site yi uwae utob-ni. Ni kwen na atso iken, ti ni fwa atso kusen ti ben-ayib meme ti ani site yi. Ni yang akyang ti tsotso ti si akyang na Rimam. Akyang ti Kusung Rimam ā nda ni meme, ni yang yi u ku nde fxaefa na Rimam uwae utob-ni.

1 Tesalonika 2:12

Ati ri bom ni utob u ri jim-ni utob u fwa ni kusen baa, ani na som itso usom ti som ti pang atang uwe Rimam. Awu ti kunn ni ira ti ni ba sang Kujwokwe-wu u te wu som tetso uwog ti kuko.

1 Timoti 6:17

Ri tan ande ti rifunn atong baa, aba na ndub-ba ijwe be, aba na sa uwae tsi-ba risu rifunn ti ku mumam be, amaa a sa uwae tsi uwog Rimam, awu ti sa iken meme yaen si ti ikyaen ti ati na tsen utob atang.

Filimon 1:4

Ame ku tso na Rimam-m fxaefa ko kiye titini ti ame a tangsom te fu uwae itijwam-m,

1 Bitrus 5:1

Ikyaen ayine, ame ku ri ira te ande ndufu ti ta uwae-ni. Ame ti risu-m si unde ndufu u si kinjo uwae ande ti tsi u sae rikaen ti Kristi ngwa. Kiye ti awu a ru ba ku tatso kuko-wu uwog ande, ame u tu kutunn-m atang ama.

1 Bitrus 5:10

Ama, isim ti ani a ngwa rikaen uwae kiye ti kpang, Rimam, Ukwe Ayibrisi, awu ti kunn ni ba yi riyinn-wu ti tsi kukunn uwog Kristi, awu ti risu-wu ti u kyaenyang ni, u nda ni kpakang, u ye ni tsitsa risu kutxom ti ku kyi-wu kyi be.