Filipi 4:18 - Kutsingken Ira Rimam ti Saen Kyag

¹⁸ Ame mbe tag pu m iken ti ani pae na m meme. Ayi ko pu yi ame. Ti ti ame tu rinyangwae-ni uwog Eparfoditu, ame shanum-m iken iki be. Itindeya ti ani nda m si pangma iken ti twen ti ani twen na Rimam nee kuyang-yi nyang timambe. Ayi si itso iken ti Rimam u paembe yi ti utob ti tsen.

Filipi 4:18 Iomraidhean Croise

Itiruye 29:18

cwutsa risu kuta wu, ama u twen mbub yi. Ayi si iken ti twen ti ku nung kuyang ti a ku twen yi ti urwa na Yaweh.

Wande Atom 10:4

Korneliyu sae atom wu piin ti ikyenricwu u ri baa, “Imi, Itse?” Atom-wu ri te wu baa, “Rimam kyangte pu wu ira ti jwub-fu ti wande ti tinyang ti afu nde. Awu ku tangsom te fu.

Roma 12:1

Ameinja, ti Rimam tatso pu wu ati ayibrisi-wu ti kuko ne ahan, ame ku jwam ni baa, ti ti ani tsi user, ni sa risu-ni na Rimam pangma rinyangwae ti a sa yer na Rimam. Ni fen wu ti usom ti som ti sisaen ti ni nde iken ti ku nyang uwae-wu. Ayine si fengo ti kubenti ti ani u fen Rimam.

2 Korinti 11:8

Ti kucang kiye ti ame ku nde wande kutampwa-ni, ayi si ande Rimam ti uten uwog iki ti ku pae m. Ayi si pangma ame na ku fxaembe iken kujwo kumbug ande Rimam iki ba ndeya ni.

2 Korinti 9:12

Wande yi ti ani ku nde ne si-yi nyang ti ande na Rimam u tu iken ti aba shanum be, itinyang-yi skeb ahan. Ayi si ti ande yang-yi akwen u tatso fxaefa-ba ba uwog Rimam ama.

Afisa 5:2

Ni nde iken-ni meme te ure, pangma ti Kristi ye ure te ti, u cwu ricwu ikyaen na ti. Awu sa unyang-wu na Rimam pangma iken ti a ye yerwen ti ku nung kuyang uwog Rimam.

Filipi 4:12

Ame nung ti m u ye su ijwe-m uwae rikaen, ame nung ti m u ye su ijwe-m uwae rifunn ama. A mbubta na m ira ti cwucwe ne. Ayi a si rikyaen, ame ku ci ku kyaen. Ayi a si rimenn, ame nung iken ti ame ku nde te yi. Ko ame a ta uwae rifunn, ko uwae rikaen, ame kab-m uwae be.

2 Tesalonika 1:3

Ameinja, ayi tsi ti ti utob uwae ko kiye titini ti ati na nde na Rimam fxaefa ikyaen-ni. Ayi si iken ti pang atang ti ti nde, ikyaen ti, ani ku siser yi uwae kinjo ko ku fufa yi uwe. Ti mbwe-yi ama, ure ti unde titini uwae-ni ku ye te ande ti tsitsi ko ku fufa yang-yi ama.

Mbaibrane 13:16

Ni saeru-ni kujwo wande ti tinyang ti ti nde be. Ni ndeya atso ti iken ajwo-ni. Ayine si itso iken ti ti twen ti Rimam ku sha.

1 Bitrus 2:5

Ani ama si pangma atxom ti site unyang ti a ku nde wande te yi u ku mbye kusog atang ikyaen Rimam. Ani u si akwen ti sisaen ana Rimam ti ku yerwen iken ti pang atang na awu Rimam, ruye uwog Yesu Kristi ti nwangru ti.