Filipi 4:15 - Kutsingken Ira Rimam ti Saen Kyag

¹⁵ Ani ande ti Filipi ti risu-ni nung pu ni baa, sa ti kiye ti ame nwunn Makedoniya u bag ira ti tinyang ti ti ri uwog-ni, kumbub ande na Rimam iki ndeya-ba ame be, ani amam ti ren risu te m uwae ititindeya atso.

Filipi 4:15 Iomraidhean Croise

Wande Atom 16:40

Isim ti a ruye uwae pursuna, aba ru ba kununn Lidiya. Aba tu ameinja-ba ande na Yesu. A ri bom ba ijwe u nwunn ru iken-ba.

Roma 15:26

Ikyaen ti, ande Rimam ti uten Makedoniya te Akaya nung baa, ayi na nyang uwae-ba ti a na kwer iken ikyaen ti a na ndeya ande na Yesu ti ku ngwa rikaen uwae uka ti Urushelima.

Filipi 1:12

Ameinja, ame ku sha ti ni nung baa, ira titibi ti tu m ike ne ndeya ira Rimam timambe. Ayi nda yi ku ru ru yi uwe uwe skeb ti kucang.

Filipi 1:16

Aba ti ku nde ti utob-ba kinjo ku nde yi ikyaen ti a site ure te m. Aba nung pu ba baa, a ye m cwunnkyi ike ikyaen ti m na ri te ande baa, ira Rimam na si kubenti.

Filipi 1:5

ikyaen ti nee, ani te m ku tsag Ira tinyang Yesu tetso te ande, sa ti usir ti ame ka uwog-ni ru ba kwar tine.

Filipi 1:7

Ayi si iken ti pang atang ti ame ku tang itso ira yine risu-ni, ikyaen ti, ame u munnji-m te ni be. Ati ku tu rinyangwae Rimam tetso tine ti ame ta uwae pursuna, ti kiye ti ame ta ise ku tsag te ande ira ti tinyang.

Filipi 2:12

Arwan-m ti utob-m, ti ani putsa pu ni kusen ti fwa-m kiye ti ame te ni ta tetso, tine ama ti ame te ni ta-m tetso be, ni kwab ti ni ru yi uwe ti ni mam tag wande na itinwangru-ni ti ijwe ti fwer ti ikyenricwu uwe Rimam.