Filipi 4:1 - Kutsingken Ira Rimam ti Saen Kyag

¹ Ameinja-m ti utob uwae-m ti utob-m tsi ti m sae ayib-ni. Ani ti ku nda m utob ti tsen u si kujwojang wande-m yi fengo Rimam. Ni tsi ting ting yi fengo Itsekuru, ande ti ure-m.

Filipi 4:1 Iomraidhean Croise

Matiyu 10:22

Ande meme u sa ni kuka ikyaen-m. Amaa, unde ti a tsi ti kubenti ru ba sang usir ti ricwunnkyi, awu u nwangru.

Yohana 8:31

Yesu ri te Mbayawuda ti ru uwae kinjo uwog-wu baa, “Asiti ani a tsi kunn ku fur risu riben ti iken ti kwen-m, ani si ande ti ku putsa m ti kubenti.

Wande Atom 11:23

Ti awu sa ka sang atang, awu nung iken ti tinyang ti Rimam nde te ande ti atang u tsen utob. Awu ri te ba baa, aba na ru kubenti ti uwae-ba kinjo ti utob-ba meme uwog Yesu ru fife yi uwe.

Wande Atom 14:22

A ku kyang ku ri bom ande na Yesu utob baa, aba na tsi ti kubenti uwae fengo Yesu. A ku kwen na ande baa, “Ati na u ngwa kang rikaen ti tsotso itawe ati sang kujwokwe Rimam.”

Wande Atom 2:42

Ko kiye titini ande na Yesu sa utob-ba tsi uwae iken ti ande ti atom ku kwen na ba, u ku funn atso ko kiye titini. Aba ku ci wuci tetso, ku jwam Rimam tetso. Meme iken yine a nde yi uwae ure.

Roma 2:7

Ariki ye utob, u tsikunn ti ku nde kujwo wande ti tinyang, u ku sha ti Rimam na nda ba kuko ti rurob ti unyang ti tsi kukunn. Rimam u nda ba unyang ti tsi kukunn.

1 Korinti 15:58

Ikyaen yine, ameinja-m ti riyaen utob-m, ni tsi ti kubenti, ni yer-ni anying utob be, ni kwab ti ribom-ni meme uwae wande Rimam ko kiye titini, ikyaen ti ani nungye pu ni baa, wande ti ani na ku nde na si-yi ukaen uwog Rimam be.

1 Korinti 16:13

Ni som ti ujwin, ni tsi kunn ku ru kubenti uwae ira na Itsekuru-ti. Ni kyen-ni ikyenricwu be, ni tsi ti ribom.

2 Korinti 1:14

ko ti ani nungye tag-ni tine be. Ikyaen ti usir ti Itsekuru-ti Yesu Kristi a kafe ba pu wu, ani u pam ipam risu-ti pangma ti ati u pam ipam risu-ni.

Galatiya 5:1

Kristi saen ti ta uwae apyi ikyaen ti ti na som-ti pangma apyi cwucwo be. Ikyaen na yine, ame ku jwam ni, ni tsi ti kubenti. Ni cwe-ni ti a yir ni ti indub ira icwe cwucwo be!

Filipi 1:27

Ni som itso usom ti pang atang uwog ande ti putsa ira tinyang na Kristi. Asiti ame a kafe ba tu ni, ko ame a kafe ba-m cwucwo be, ame ku sha ti m fxen ira ti tinyang risu-ni baa, ani na ku tsi ting ting ti utob kinjo u ku ren risu ti uwog kinjo ikyaen iken ti ati ru uwae kinjo atang, ti si Ira Tinyang na Kristi.

Filipi 1:8

Rimam nung itso ure ti ame site ikyaen ni. I si itso ure ti Yesu Kristi ti risu-wu ku ye te ni.

Filipi 2:16

u ku ri Ira Rimam ti ku nda unyang u ku ye su yi ti ajwo ifaen. Asiti ani a ku nde ahan, ame u pam ipam usir ti Kristi a kafe ba, ikyaen ti itikwab-m ti ame kwab, ti wande-m ti ame nde uwog-ni ā si-yi ukaen be.

Filipi 2:26

Ayi tsi wu ti uwae tine ti wu na nung ayib-ni meme. I ndembeb wu utob ti awu fxen baa, ani na fxen ira kicaeb-wu.

Kolosi 4:12

Epafira ti si kinjo uwae-ni, u si upyi Yesu Kristi, ku kunnji ni ira atang. Awu ku jwam Rimam ikyaen-ni ko kiye titini u ku jwam ti Rimam na u nda ni tsi ting ting, ti ani na kwen ben ayib uwae ira Rimam u nung nyang iken ti Rimam ku sha uwog-ni, ti ni na nae risu riben na na wu.

1 Tesalonika 3:13

Yi fengo wune, Itsekuru-ti ā ye ni tsi, ikyaen ti, kiye ti awu a kafe ba ti ande-wu ti sisaen meme, ani u tsi uwe Itse-ti Rimam, a u tu-ba ani te riraen iki be.

2 Tesalonika 2:15

Ikyaen yine, ameinja, ni tsi ti kpakang. Ni ye su iken ti kwen ti ati kwen na ni kiye ti ati te ni ta tetso. Ko ayi a si ira unju ko ayi a si ira ti ati bae uwae kutsingken na ni, ni ye su yi nyinyang.

2 Timoti 2:1

Ana-fu, uyin-m Timoti, tsi ti ribom uwae rinyangwae na Rimam ti si ana-ti ande ti ren risu ti Yesu Kristi.

Mbaibrane 10:23

Ti tsi ting ting risu iken ti ati sa uwae tsi atang, ikyaen ti, Rimam, awu ti yer unju te ti, si-wu Rimam ti ku kafe unju ama be.

Mbaibrane 3:14

Ati te Kristi ta tetso asiti ati a kpag utob pangma ti ati nde kucang u ru yi uwe ka kwer ricwunnkyi.

Mbaibrane 4:14

Ikyaen yine, ti ati site kukwen tiyang ti tso pu wu uwog Rimam apupwen akwen, awu Yesu Kristi Umbae Rimam, ti ye su uwae kinjo-ti ting ting.

2 Bitrus 3:17

Ikyaen yine, ani ama, ti ani nung pu ni ira yine, ni nung nyinyang ti ikentitibi ande ti ku nyatsa icwe bane ā ci ra-yi utob-ni, u fen pu ni afxen riben be.