Filipi 3:9 - Kutsingken Ira Rimam ti Saen Kyag

⁹ u som te wu. Ayi si-yi ikyaen itikwab-m uwae icwe ti ye su ti ame si unde ti kubenti uwe Rimam be. Ayi si ikyaen ti ame ru uwae kinjo uwog Yesu Kristi. Iken ti nde nee Rimam sa m tsi baa, ame na si unde ti kubenti si ikyaen uwae kinjo-m uwog Yesu Kristi amam.

Filipi 3:9 Iomraidhean Croise

Kucangtsi 7:23

Rimam fen tag meme iken ti site unyang ti ku kyang riben uwae utense, ibye ti ande, fa ti inung ti apupwen meme. Nuhu amam ti tsi ti unyang, ti aba ti ta te wu uwae kuyae.

Daniyel 9:24

“A pu kutsab mae ita mbe rijwe tsi pu ba ikyaen ande-fu, ti uten-fu ti sisaen: ikyaen ti a na fxae bom risu-ba u ya ikentitibi-ba na ta. Aba ā twen iken titwen ikyaen itiyata ikentitibi, u som usom ti kubenti ru fife yi uwe. Ayine u kumunn iratitatso ande ti ku ya iskin ira Rimam, ti kutsa-ba, ti itiyerkob uwog ti saen siskeb.

Matiyu 9:13

Ni ru ti ni ka sha imbyi ira yi ti a bae uwae Kutsingken Rimam baa, Rimam na sha-wu ti a yerwen na wu ibye be, awu na ku sha ti ande na site utob na risi. Ame ba-m utense ikyaen ti m kunn ande ti ku nde iken ti tinyang be. Ame ba ikyaen ande ti ku nde ikentitibi.”

Roma 1:17

Ayi si si ira Yesu yine ti tatso ti usom ti som ti kpang atang uwe Rimam, ti bag te uwae kinjo, u ka cwunnkyi te uwae kinjo, pangma ti a bae uwae Kutsingken Rimam baa, “Unde ti ku nde iken ti kpang atang, ku som usom-wu fengo uwae kinjo.”

Roma 10:10

Ikyaen ti, unde ku ru kubenti uwae utob-wu, u ku tu risu tinyang uwe Rimam. Unde ku ri tso ira ti unju-wu u ku tu itinwangru.

Roma 16:7

Ni kunnji Andaroniku ti Juniya ira. Aba si ande ti uten-m ti te m sang pursuna tetso. Uwae atom na Itsekuru-ti meme, ande ku nung ba ti kuko timambe. Cwucwo aba putsa ira Kristi tawe m.

Roma 5:21

Pangma ti, ti kucang, ikentitibi nae ukwe uwae iticwu, ti mbwe-yi ama, tine, ayibrisi Rimam u nae ukwe yi fengo usom ti kpang atang, u sa ba unyang ti tsi kukunn ti ati u tu uwog Itsekuru-ti Yesu Kristi.

Roma 8:1

Tine, rikwén iticwu ta-yi risu ande ti ru kubenti uwog Yesu Kristi cwucwo be.

Roma 8:3

Icwe Musa nde tu-yi ti yi nwangru ti be, ikyaen itinam na ijwe-ti ande. Ikyaen yine, Rimam nde iken ti Icwe ndenum ti yi u nde. Awu tom Umbae-wu ba yi rimenn ijwe pangma ana-ti ande ti ku nde ikentitibi, u nda wu si rinyangwae iken ti yerwen ikyaen ikentitibi. Yi fengo yine, awu twenji kpakang ikentitibi risu ande.

1 Korinti 1:30

Rimam ti nda ni ren risu te Itsekuru-ti Yesu Kristi. Awu ti nde fengo nee Yesu Kristi kwen na ti ben-ayib ti kubenti. Uwae wande na Yesu Kristi, Rimam nung ti ati si ande ti kubenti. Awu jwosaen utob-ti u saen ti ta uwae ikentitibi.

2 Korinti 5:17

Asiti unde a si ana Kristi, awu kafe pu wu unde tishe. Iken titikyi wur ru pu yi, itishe ba pu yi.

2 Korinti 5:21

Ayi si ikyaen-ti ti Rimam sa Yesu Kristi tsi pangma awu na si unde ti nde ikentitibi, ko ti awu ndeji-wu ikentitibi be, ikyaen ti, yi uwae wande-wu, ati u si ande ti kubenti uwe Rimam.

Galatiya 2:16

Ko ti ayi si ahan, ati nung pu ti ama baa, unde iki na u tu-wu risu ti tinyang uwe Rimam ikyaen ti awu ku putsa Icwe Rimam be. Unde u tu risu ti tinyang uwe Rimam asiti awu a ru kubenti uwog Yesu Kristi. Ati ama ru uwae kinjo uwog Yesu Kristi. Ayi si-yi ikyaen ti ati u tu risu ti tinyang uwe Rimam yi fengo na icwe ti putsa be. Ayi si ikyaen ti ti tu risu tinyang yi fengo na uwae kinjo uwog Kristi. Unde u tu-wu risu ti tinyang yi fengo na Icwe ti putsa be.

Filipi 3:6

Ayi a si ira na itikwab uwae ira Rimam, ame kwab si-yi ti ti ri be, u ku nde ande na Yesu rikaen. Ayi a si icwe ti putsa, ame ri baa, iken ti m kyen kufxen atang ta-yi be.

2 Timoti 1:9

Rimam nwangru ti u kunn ti baa, ati na som usom ti sisaen. Ayi si-yi ikyaen iken iki ti ati nde be, ayi si ikyaen itimyae ti awu myae tsi ti rinyangwae-wu. Rinyangwae na Rimam ne, awu nda ti ti kiye ti awu kyae-wu utense khika be, yi fengo na Yesu Kristi.

Titus 3:5

u sa ti ruye uwae iken yine. I si-yi ikyaen wande-ti iki ti ati nde be, ayi si ikyaen ti awu nung ti te ayibrisi amam. Awu nde ayine yi fengo na Kusung-wu ti sisaen, awu ti ku kyaenyang utob-ti, ku nda ti unyang tishe.

Mbaibrane 6:18

Rimam nde ayine ikyaen ti ti tu ribom utob atang. Awu yer unju, u yir unju ti yer ti uben ti ben, awu ku yer-wu rifen ama be. Iken ifaen yine u kafe-yi be. Ikyaen yine ati ande ti tu ititam uwog-wu ā yer-ti anying utob be.

Yakubu 3:2

Meme-ti si ande ti ku kyen kufxen. Asiti unde a ku kyen-wu kufxen yi ira ti ri-wu be, unde wune si unde ti kubenti ti ku jwen tu ira unju, ku ye su ijwe-wu.

2 Bitrus 1:1

Kutsingken wune ru kujwo-m Siman Bitrus, ti si umbaefxen na Yesu Kristi, u si unde ti atom-wu ama. Ame bae ku na ni ande ti ru uwae kinjo uwog Yesu pangma ti ati ru uwae kinjo ama. Uwae kinjo-ti wune si iken ti nyang nyae tsitsa, ikyaen ti, ati tu yi ruye uwae wande ti kubenti na Yesu Kristi, awu ti si Rimam, u si Unde ti Nwangru ti.

1 Yohana 3:4

Unde ti a ku nde ikentitibi, awu ku nyatsa icwe, ikyaen ti, unde ti ku nde ikentitibi si unde ti ku putsa-wu icwe Rimam be.