Filipi 3:5 - Kutsingken Ira Rimam ti Saen Kyag

⁵ Ayi a si ana kutxin ti tsen, a tsen na m kutxin kiye ti ame site usir itsongta. Ame si urae Isirela yi utso Benjamin. Ame si anying na Mbaibrane ti kubenti. Ayi a si ana iken ti kwen na Icwe, ame ta kumbub na Farisi, ti skeb tag.

Filipi 3:5 Iomraidhean Croise

Kucangtsi 14:13

Ama unde iki ter nwang ba ri te Ibram Mbaibrane iken yi ti nde. Kiye wu, Ibram nae fer ituku tiyang na Mamre urae Amor, inja Eshikol ti Aner. Aba ren imbyi ti Ibram.

Kucangtsi 17:12

Sa kiye wune ru fife yi uwe, anyisu-fu ti arom, ko aba ti afu jab ti aser, ko apyi ti a mbae uwae ishikununn-fu, a u tsen kang ba kutxin usir ti itsongta na itimbae-ba.

Kucangtsi 40:15

Ikyaen ti, kubenti, ame raen-m ira iki be. A ye ra m ti kpakang nwunn uten Mbaibrane. Ike cwucwo, ame raen-m ira iki ti a u ya m ba cwunn pursuna ike be.”

Kucangtsi 41:12

Mbaibrane iki ta te ti atang, upyi unde ti uwe ande ti ku kyir ukwe. Ati tsag kurwa-ti te wu, awu ri te ti imbyi kurwa yi.

Jona 1:9

Jona ri te ba baa, “Ame si Mbaibrane. Ame ku fen Yaweh, Rimam ti apupwen, ti kyae uyinn ti riben.”

Luka 1:59

Usir ti fa ti itsongta aba sa umbae-wu ba ti a na tsen wu kutxin. A ku pwen ti a na u fwa rinyi-wu baa Zakariya pangma rinyi ite-wu.

Luka 2:21

Uwae usir ti itsongta, a tsen na umbae wu kutxin u fwa rinyi-wu baa Yesu, rinyi ti atom Rimam ri te ba ti ti a kyaen-ba rishwu-wu khika be.

Luka 5:38

Unde u funn kang ambyi anam ti tishe si uwae apwa ti tishe.

Wande Atom 22:3

“Ame si urae Mbayawuda. A mbae me uwae uka na Tarsus ti ta uten ti Kilikiya. Amaa, a shi m uwae Urushelima ike. Gamaliyel ti kwen na m iken ike. Awu ti kwen na m icwe na abitse-ti ti imbyi ti imbyi-yi. Ame sa utob-m meme tsi uwae icwe Rimam, pangma ti meme-ni ku nde tine.

Wande Atom 23:6

Ti Bulus nungye baa, uwae ande ti funn atang ariki na si ande ti kumbub Saduke, ariki ama na si ande ti kumbub Farisi, awu sa ra unju tso u ri te ande ti ku pwen rikwen baa, “Ameinja, ame si Farisi. Itse-m si Farisi. Imbyi ira yi ti a ku pwen me rikwen ike si ikyaen ti, ame ku ru kubenti baa, ande ti cwucwu na u nwunn uwae iticwu!”

Wande Atom 6:1

Isim yine, kiye ti ande ku putsa ira Yesu ko ku fufa, Mbayawuda ti ku fxen-ba unju Mbaibrane be ku jwub ira baa, Mbayawuda ti tsitsi na ku ci ba ci uwae wuci ti ti kan. Awa icwu-ba na ku tu-ba wuci be.

Roma 11:1

Ame u rang kyi ira iki cwucwo. Tine ayi ku tatso baa, Rimam na pyir pu wu ande-wu Isirela a. Iyee. Ame ti risu-m ame si urae Isirela, rishi Ibrahim, ame fa uwae ande umbyi na Benjamin.

2 Korinti 11:22

Aba ku ri baa, aba na si Mbaibrane. Ame si urae Mbaibrane ama. Aba ku ri baa, aba na si anyisu Isirela. Ame si umbae Isirela ama. Aba ku ri baa, aba na si rishi Ibrahim. Ame si rishi Ibrahim ama.