Filipi 3:3 - Kutsingken Ira Rimam ti Saen Kyag

³ Ati ti si ande ti tsen kutxin ti kubenti, ati ande ti ku fen Rimam yi fengo na Kusung-wu. Ati ku ndub ijwe yi Yesu Kristi u sa uwae tsi-ti risu iken na rimenn ijwe be.

Filipi 3:3 Iomraidhean Croise

Roma 1:9

Rimam ti risu-wu, ti ame ku fen ti utob-m kinjo, u ku nde na wu wande yi uwae ira ti tinyang na umbae-wu Yesu ti ame ku tswa te ande, nung pu wu baa, ame na ku kunn rinyi ni,

Roma 15:17

Ayi si ikyaen usom ti som-m te Yesu Kristi ti ame ku teb ijwe-m uwae wande Rimam ti ame ku nde ne.

Roma 7:6

Ama tine, a saen ti ta pu ba uwae icwe ti ti putsa, ti ku tso baa, ati na cwucwu yi ikentitibi ti ye ti upyi. Ikyaen yine, tine, ati u nde-ti wande nà Rimam yi fengo icwe ti tikyi ti a bae tsi be, amaa, uwae unyang tishe na Kusung.

Roma 8:15

Awu Kusung ti ani paembe uwog Rimam, si-wu kusung na upyi, ti wu u nda ti ikyenricwu be. M m, awu si kusung ti ku nda ni kafe anyisu Rimam. Ati ku jwubra ba uwog-wu baa, “Itse, Itse.”

Roma 8:39

Iken ti ta apwa apupwen, ko iken ti ta uwae kukwae iticwu, ko iken iki ti Rimam kyae, iken iki ta-yi ti u nde ye ti u kata ti te ure na Rimam, ti ati tu uwog Itsekuru-ti Yesu Kristi be.

Roma 9:6

Ayi si-yi ti itimyae Rimam na nde nunum be. Ayi si-yi Isirela meme ti si Isirela ti kubenti be.

2 Korinti 11:18

Ariki ku ndub ijwe risu wande ti aba nde ti ajwo-ba. Ame u ndub ijwe ama.

Galatiya 5:25

Ti Kusung Rimam nda ti som usom tishe ne, ame ku jwam baa, unde titini uwae-ti ā ya ta ti Kusung na pu wu kyang ikyi ama.

Galatiya 6:16

Ame ku jwam baa, kujimshwur ti ayibrisi na Rimam ā som te ande ti kyang ikyin yi fengo na ira-m ayine. Aba ti si ande ti Isirela ti kubenti.

Afisa 6:18

Ni jwam Rimam, ama u sha itindeya uwog-wu ko kiye titini pangma ti Kusung-wu ti Saen Kyag tatso ni. Ni tsi ti ujwin ti ni sa utob-ni meme na Rimam ti jwam ikyaen na ande na Yesu Kristi meme.

Filipi 1:1

Bulus, ti Timoti, apyi Yesu Kristi, bae kutsingken wune ba ku na ni ande ti ta uten ti Filipi, meme-ni ande ti saen kyag ti putsa Yesu Kristi. Ati bae ku na ni fa ti ande ti uwe-ni, ti ande ti ani tsab ti a na ndeya ba.

Filipi 3:12

Ame ku ri-m baa, ame na tu mam pu m iken yine be. Ame shanum-m te riraen be. Iyee! Ame ku kwab ti m sa kujwojang na inyae ti ter yine kafe ana-m pangma ti Yesu, Unde ti Rimam Tsab Tsi, sa m kafe pu wu ana-wu.

Filipi 3:14

Ame ku kwab ku ru yi uwe uwe ti m ka uwog ti ame pu ayib tsi atang tine, ti m na tu kujwojang-m. Ayi si kujwojang ti Rimam kunn me baa, awu na u nda m apupwen akwen.

Kolosi 2:11

Yi fengo na Kristi ama a tsen na ni kutxin ti a tatso baa, ani na si ana Rimam. Ayi si-yi kutxin titsen na ijwe be. Ayi si itiyer ru ikentitibi ru ye utob-ni, ti si wande ti Kristi ku nde.

Yawuda 1:20

Amaa, ani ande ti ure-m, Uwae kinjo-ni ti sisaen ā si imbyi kusog-ni ti ani ku mbye ijwe-ni tsi tsa risu-yi. Ni jwam Rimam yi kuko Kusung ti Saen Kyag.