Filipi 3:19 - Kutsingken Ira Rimam ti Saen Kyag

¹⁹ A u twenji ba. Rishwu-ba ti si Rimam-ba. Aba ku ndub ijwe uwae iken ti ku wae rukwae ti aba ku nde. Aba ku tang kum ira risu iken ti utense ike amam.

Filipi 3:19 Iomraidhean Croise

Matiyu 16:23

Yesu kafe uwe u ri te Bitrus baa, “Afu Shetann, ko ru ru uwe-m ike! Afu si ukum ti cekyi fengo-m, ikyaen ti, ira ti kab-fu yine si ana unde, i si-yi ana Rimam be.”

Matiyu 25:41

“Awu a ri mam ira yine, awu u ri te aba ande ti ta kujwo ife-wu baa, ‘Ni ko ru ru uwe-m ike, ani ande ti ku nde iken titibi! Ni ru yi uwog urwa ti tsi kukunn ti Rimam kyae tsiji Shetann ti atom-wu.

Luka 12:19

Isim yine ame u ri te risu-m baa, “Afu tu pu fu meme iken ti afu ku sha. Uwae asang ti ku ba uwe ne afu u nde-fu wande iki be. Som ti ngwa rijwen! Ci ti ngwa ti tsen utob!” ’

Luka 16:19

“Unde ti rifunn iki ta atang ti ku kyae ijwe-wu te atupwa ti aser u som u ku ci u ku ngwa ko usir titini.

Luka 18:4

Fengo rwen pu yi ti unda wune ku kyang uwog unde ti ku pwen rikwen wu, amaa awu pyir-wu ti wu pwen rikwen yi. Ama ricwunnkyi-yi awu kab ira uwae utob-wu baa, ‘Ame ku kyen-m ikyenricwu Rimam be, u ku kyen-m unde be,

Roma 16:18

Ikyaen ti, abane si-ba apyi na Itsekuru-ti Yesu Kristi be. Aba ku fen iken ti ijwe-ba ku sha. Ira unju-ba nyang ti fxen timambe, amaa, aba ku kyaefa ande ti nung-ba ira iki be.

Roma 6:21

Amaa, itinyang imi ti ani ku tu kiye wu, uwae ikentitibi ti ani ku nde, ti ku nda ni rukwae tine? Ricwunnkyi iken yi si iticwu.

1 Korinti 3:3

Ikyaen ti, usom ti som-ni si ana ande ti utense wune. Ani site kitsinn te atso ti atang. Ani ku fwan kibyag te atso ti atang. Ayine tatso baa, ani na ku som usom na ande ti utense. Ani te ba pang atso ani nung-ni be a?

1 Korinti 5:2

Imi ti nde nee ani ku ndub ijwe? Ayi nyang skeb ti ni ndembeb utob u jwub ira! Unde ti nde iken ayine, ayi nyang skeb ti ni sa wu ruye kutampwa-ni.

1 Korinti 5:6

Ayi nyang-yi ti ni ndub ijwe be. Ani fxenji-ni ti a ku ri baa, “Yisiti kpang ti a ku pu si yi buredi ku nda buredi yi ndub ndub ndub u kafe tiyang” be a.

2 Korinti 11:12

Ame u nde iken ti ame ku nde ne ru fife yi uwe ikyaen ti aba ande ti rifen ti ta uwog-ni ne ā ndub-ba ijwe be. Ame ku sha-m ti ande bane na ri baa, aba te ti na pang atso uwae wande be.

2 Korinti 11:15

Ikyaen yine, asiti apyi Shetann iki a kafe ijwe-ba u ku kyang ikyin-ba pangma aba na si apyi Rimam ti ku nde iken ti kubenti, ayi si-yi iken ti ku fur ayib be. Usir ti ricwunnkyi aba u ba tu kujwojang-ba pang ti wande ti aba nde.

Galatiya 6:13

Ko ande bane ti tsi ti ribom risu kutxin ti tsen, aba ti risu-ba ku ye su-ba Icwe Rimam be. Iken ti nde ne aba ku sha ti ni na tsen kutxin si ikyaen ti a na u ndub ijwe baa, ani na nae risu riben te ba na u putsa icwe-ba.

Filipi 2:21

Itaen ti tsitsi meme ku tang kum ira risu iken ti ana-ba ti si-yi ana Yesu Kristi be.

Kolosi 3:2

Ni tsikunn ti ira ti kab risu iken ti ta apupwen, ni sa utob tsi-ni risu iken na utense wune be.

2 Tesalonika 1:9

Awu u byinn ba kimbab ti si kimbab na rikaen ti tsikukunn. Aba u nung-ba uwe Rimam cwucwo be, u nung-ba uwog ti saen na riyinn-wu be.

2 Tesalonika 2:12

Ikyaen na yine, meme-ba ande ti pyir ti a u ru uwae kinjo uwae ira ti kubenti ā cwe skeb ikentitibi ti ti nde, ama u jwunnsi uwae rikwen na Rimam.

2 Tesalonika 2:8

Isim ayine, ande u nung wu, ama Itsekuru-ti Yesu a ru ba, awu u twenji-wu. Awu u jwu wen wu ti unyang ti unju-wu.

1 Timoti 6:5

u fwan atso kibyag ko kiye titini. Utso ande ti a shir ba sang ishaen ti shaen yine, utob-ba cwu pu yi, a ku kab tu-ba ira ti kubenti cwucwo be. Aba ku tang baa, ira Rimam na si iken iki ti ande na u tu rifunn atang.

2 Timoti 3:4

Ande u kafe isim ta arwan-ba, u nde iken ko ufunn ufunn. Aba u ndub risu, u site-ba ure te Rimam be, amaa, utob-ba u tsi risu utug utense.

Yakubu 4:16

Ayi a si-yi ahan be, ani ku ndub risu u ku tso risu-ni baa, ani na si iken iki. Itso ijwe ti ndub yine si ikentitibi.

2 Bitrus 2:1

Amaa, atom ti ku ya iskin ira tikong ta atang ama ti kute, pangma ti ande ti ku kwen ira ti rifen u nwunn kutampwa-ni. Aba u tam sang ti iken ti kwen ti ku mbub ira na Rimam, u pyir Itsekuru-ba wu ti jab mbe ba te anying-wu, u shir ititwenji si ijwe-ba risu ti kufe.

2 Bitrus 2:13

A u ngwa rikaen ti si kujwojang ikentitibi-ba. Aba ku ngwa ku shaen, ku nae atso kyife rishin, ti ayib wurr usirtaen, ku tang baa, aba na ku ci utug utense, ku wae-ba rukwae be. Aba si iken ti ku wae rukwae kutampwa-ni, pangma iken ti ku txi iyib. Aba ku kyaefa ande ku pam upam atang ama ku ci ku ngwa te ni.

2 Bitrus 2:3

Ikyaen rimenn ti sam-ba, aba u ci rug tag ni te ira unju ti rag. Ti kucang akwen, Rimam yer mam pu wu rikwen risu utso ande bane, ititwenji-ba ama u tsi-yi tsi be u ba.

Yawuda 1:10

Amaa, ande bane ku rimbeb iken ti aba nung-ba risu ti umbyi-yi be. Aba pangma ibye kutur u ku nde iken ti ijwe-ba ku sha amam, u ku kab-ba ira be, ama ayi u twenji ba.

Yawuda 1:16

Ande bane si ande ti ku pwen kob unju, ti ku sha nyáng ti a u ye unde te riraen. Aba ku putsa ijaen iken ti ijwe-ba ku sha. Aba si ande ti ku kub unju, ku kag ande ikyaen ti a u tu risu tinyang.

Yawuda 1:4

Ame ku ri ira yine ikyaen ti, ande titibi tam sang ba pu ba uwae-ti. Aba ti si ande ti a bae ira risu-ba ti kucang baa, Rimam na u pwen ba rikwen iticwu. Aba ti ye rinyangwae Rimam cebfur ikyaen ti a u tu riyae u nde iken ti ajib ti tsotso ti unghae, u pyir Yesu Kristi, awu amam ti si Itsekuru-ti, u si unde ti uwe-ti.

Ititatso 18:7

Ti awu yetso risu-wu uwae usom ti som na amae ti nae-wu ayi, ti mbwe-yi ama, myae na wu kitu kumyae na rikaen ti ricwu ti jwub, ikyaen ti, awu myae tsi uwae utob-wu baa, ‘Nee ame ti som pangma uwa ukwe. Ame si-m uwa icwu be. Ame u jwub-m ricwu ama be.’

Ititatso 19:20

Aba ye ibye titibi-wu fa ti unde wu ti ku ya iskin ira ti tikong, awu ti nde iken ti ku fur ayib uwe ibye titibi, u kyaefa ande ba ti yer iwaen ibye wu, ti ande ti fen apxin yi ti awu kyae. Awu ibye wu ti unde wu ti ku ya iskin ira ti tikong, a ye ba ti user jwunnsi uwae uvum urwa ti ku ten ku jim-yi jim be.

Ititatso 21:8

Amaa, ande ti ku kyen ikyenricwu, ti ande ti ru ba uwae kinjo be, ti ande ti kambeb pu ba uwae ikentitibi, fa ti ande ti ku wen ande, ti ande ti ku nae iyag ti amae, ti ande ti kisi, ti ande ti ku fen apxin, ti meme ande ti ku wer rifen, uwog ti som-ba ta uwae uvum urwa ti ku ten ku jim-yi jim be! Ayine si iticwu ti fa ti apu-ifaen.”

Ititatso 22:15

Amaa, mbapxu, ti ande ti kisi, ti ande ti ku caen upwen, ti ande ti ku nae iyag, ti ande ti ku wen ande, ti ande ti ku fen apxin, ti ande meme ti sa uwae tsi risu iken tikong ti ti nde, abane meme u som ana-ba kanjag.