Filipi 3:18 - Kutsingken Ira Rimam ti Saen Kyag

¹⁸ ikyaen ti, ariki yang-ba akwen ta kutampwa-ni ti ame ri te pu m ani ira risu-ba kute. Ame ku shem yi shem na ni ti aten ayib tine baa, aba ku som usom-ba pangma aba na si ande ti rika iticwu Kristi risu kutuku ti ta cice.

Filipi 3:18 Iomraidhean Croise

Daniyel 4:37

Kiye wu, ame Nebukanezar teb rinyi Ukwe ti apupwen. Ame ye tso u nda rinyi-wu kuko ikyaen ti, meme wande-wu si iken ti pang atang, fengo-wu ama si kubenti. Ande ti ku ndub risu, awu ku ye si ba.

Luka 19:41

Ti awu ru ka fer Urushelima, awu pu ayib sae uten wu, ama aten si wu ayib.

Wande Atom 20:19

Ame nde wande na Itsekuru-ti Rimam ti risu ti nae riben ti aten ayib. Ame ngwa rikaen ikyaen ikentitibi ti Mbayawuda nde na m.

Roma 9:2

ti ame ku caeb uwae, ku byir utob timambe

1 Korinti 1:18

Uwog na ande ti tu-ba itinwangru be, ira iticwu na Yesu Kristi risu kutuku ti cice si ira ti kuskwab. Amaa, uwog-ti ande ti Rimam nwangru, ati nung baa, ira iticwu na Yesu site kuko na Rimam.

1 Korinti 6:9

Unde ti ku nde ikentitibi u sang-wu Kujwokwe Rimam be, ani nung-ni ayine be a. Ni kyaefa-ni risu-ni be. Ande ti ku nde wande ti isor, ti ande ti ku fen apxin, ti ande ti ku nae amae, ti arom ti te arom ku nae atso,

2 Korinti 11:13

Ande bane si-ba atom ti kubenti be. Aba si atom ti rifen ti ku nde wande ti tikong. Aba ku kyang ikyin uwe ande baa, aba na si atom na Yesu Kristi.

2 Korinti 11:29

Asiti unde iki uwae-ba a bom-wu bom uwae fengo Rimam be, ayi nda ijwe-m namtur ama. Asiti unde iki a jwunnsi fengo Rimam, ame ku byir utob.

2 Korinti 2:4

Kutsingken ti ame bae na ni kucang, ame bae wu ti ijwe ti fwer ti utob ti ndembeb ka ti aten ayib ti ten. Ame bae yi ikyaen ti ni na nung baa, ame na site ure te ni uwae utob-m jang timambe, si-yi ti ame na u ndembeb ni utob be.

Galatiya 1:7

Amaa, ayi si-yi ira Rimam be, ko tikiyib. Ariki ta atang ti ku ye ni kyirunn u ku kwab ti a u kafe ira tinyang na Kristi ru yi fengo iki.

Galatiya 2:14

Kiye ti ame nung baa, aba na ku kyang-ba ikyin ti kubenti yi uwae fengo Yesu be, ame rang Bitrus ira uwe ande meme ti funn atang baa, “Afu si urae Mbayawuda, amaa, afu ku putsa-fu fengo Mbayawuda be. Afu ku som usom-fu pangma ande ti si-ba Mbayawuda be, afu u nde rimang u tsikunn ti ku ri te ande ti si-ba Mbayawuda be baa, aba na putsa kang icwe Mbayawuda?”

Galatiya 2:21

Ana-m, ame u sae ru-m rinyangwae na Rimam be. A baa, unde na u tu risu ti tinyang uwe Rimam uwae Icwe ti putsa, iticwu Kristi ú si ti ukaen amam.

Galatiya 5:21

ti kitsinn, ti ti unde u ngwa ku shishaen, ti ufunn titibi, ti itso iken ti tsitsi ti pangma ayine. Ame ku fa ni kusen pangma ti ame ri te ni kucang baa, ande ti ku nde itso iken yine u ci-ba rifunn na Kujwokwe Rimam be.

Galatiya 6:12

Aba ande ti ku ri baa, ani na tsen kang kutxin né, aba ku sha nyang ti ande na nung ba baa, a na si ande ti tinyang. A ku kyen ricwu baa, ande ti ise na u nde ba rikaen ikyaen ira iticwu na Yesu Kristi risu kutuku ti cice.

Galatiya 6:14

Ana-m, ame u ndub-m ijwe risu iken iki be, ame u pam ipam risu iken kinjo amam, ayi si iticwu na Itsekuru-ti Yesu Kristi risu kutuku ti cice. Yi fengo na iticwu-wu ayine, iken na utense kafe pu yi iken ti cwucwu uwog-m. Ame si pangma iken ti cwucwu uwog-yi ama! Ayi ku taen-yi ame ayib cwucwo be.

Afisa 4:17

Ikyaen yine, ame ku ri te ni u ku fwa ni kusen uwae rinyi Itsekuru-ti baa, ni som-ni usom pangma ana ande ti kufub cwucwo be. Ira ti kab-ba si ti ukaen amam.

Filipi 1:4

Ame ku tsen utob kiye titini ti ame ku jwam Rimam risu-ni meme,

1 Tesalonika 4:6

Unde iki uwae-ni ā raen-wu inja-wu ira uwae ira anda yine be. Ande ti ku nde itso iken yine, Itsekuru u byib ba aku pangma ti ati ri te ni u fwa ni kusen risu-yi ti kucang.

2 Tesalonika 3:11

Ati ku ri ira yine te ni ikyaen ti, ati fxen baa, ande iki kutampwa-ni na ku nde-ba wande be, ku som kum usom ti uyáng amam u ku sa kujwo sang wande na ariki.

2 Bitrus 2:10

Awu u nde yi siskeb te ande ba ti sa uwae tsi risu ijaen iken na ijwe ti ku txi iyib, ti ande ti ku sae ru ande ti ta risu-ba. Ande bane uwae usom ti som ikentitibi-ba, a ku kyen-ba iken iki ama be, u ku nde iken-ba wurr. Aba ku kyen-ba ikyenricwu be, u ku txunmbeb atom Rimam ti apupwen.

Yawuda 1:13

Aba pangma ufunn ti kpakang ti nwunn uwae uyinn, u ku paen yi tso kumum kumum, ama isim-yi, nyáng úfúnn iken ti rukwae-ba amam ti kag tsi. Aba si pangma aswer ti ku tsi-yi skirr be. Uwog ti som-ba si uwog ti byi tititang ti ititsikunn-yi ta-yi be, ti a kyae tsi ba.