Filipi 3:17 - Kutsingken Ira Rimam ti Saen Kyag

¹⁷ Ameinja-m ti ambakaya, ame ku jwam baa, ni putsa kufxen-m, ti ana itaen ti ku som usom yi fengo ti ana-ti,

Filipi 3:17 Iomraidhean Croise

Filipi 4:9

Ni nde wande ti iken ti ani kwen, u tu uwog-m. Iken ti ni fxen u sae uwog-m, ni putsa yi, Rimam na kujimshwur u te ni ta tetso.

1 Korinti 4:16

Ikyaen yine ame ku jwam-ni, ni putsa kufxen-m.

1 Bitrus 5:3

Ni si-ni pangma ukwe risu ande ti a pu ba na ni kujwo be, amaa, ni si ande ti ku ceb rifab, ti aba ā putsa afxen-ni.

2 Tesalonika 3:9

A baa, ati na jwam itindeya uwog-ni, ayi u si-yi riraen be, amaa ati nde-ti be. Ati nde wande ti ajwo-ti ikyaen ti ani na nung itso usom ti som ti ati som u putsa kufxen-ti.

Mbaibrane 13:7

Ni tangsom te ande ti uwe-ni, aba ti ri ira Rimam te ni. Ni nung itso usom ti som ti aba som, ti itinyang ti ru ye unyang-ba, ti ni kwen putsa itso uwae kinjo ti aba site.

1 Timoti 4:12

Unde iki ā saeru-wu afu ikyaen ti afu na si umbae ti kitinying be. Som usom-fu yi fengo ti ande na Rimam u sae fu u putsa afxen-fu yi uwae ira ti ri-fu, ti ikyi ti kyang-fu, uwae ure, ti uwae fengo ti afu ru kubenti uwog Yesu, ti uwae usom ti som-fu ti sisaen.

2 Tesalonika 3:7

Ani ti risu-ni nung pu ni baa, ayi na nyangskeb ti ni putsa afxen-ti uwae ira yine, ikyaen ti, kiye ti ati te ni ta tetso ati som-ti usom ti uyáng be.

1 Korinti 10:32

Nde-fu iken iki ti u ndembeb utob na unde iki be, ko awu a si urae Yawuda ko urae Helene ko kumbug ande Rimam.

2 Tesalonika 3:14

Asiti unde iki a ta atang ti cwe-wu ti awu u nde wande ti ira ti ati bae uwae kutsingken wune be, ni nung wu nyinyang. Ni ren-ni risu te wu cwucwo be, ikyaen ti awu ā wae rukwae.

1 Tesalonika 1:6

Ama ani kyangte ira-ti ayi ti utob titsen ti ru uwog Kusung Rimam ba ko ti ira yi shir rikaen tiyang ba na ni. Yi uwog wune, ani putsa kufxen-ti ti ana Itsekuru-ti.

Roma 16:17

Ameinja-m, ame ku jwam ni, ni nung afxen-ni riben te ande ti ufxaen ti ku sa itikata ba kutampwa-ni u ku nda ameinja iki kyen kufxen fengo Rimam yi iken ti kwen-ba. Ayi txi ra te ti kucang. Ni ko yaen-ni aba be.

1 Korinti 11:1

Ni putsa kufxen-m pangma ti ame ku putsa kufxen na Kristi.