Filipi 3:16 - Kutsingken Ira Rimam ti Saen Kyag

¹⁶ Iken ti skeb si ti ti putsa iken ti ati ku putsa ne ru fife yi uwe.

Filipi 3:16 Iomraidhean Croise

Roma 12:16

Ni som usom-ni uwae kujimshwur tetso. Ni ndub-ni ijwe be, amaa ni ye arwan te ande ti si-ba iken iki be. Ni sa-ni risu-ni tsi baa, ani na si ande ti nung iken be.

Roma 15:5

Ame ku jwam Rimam, awu ti ku nda ti utob ti ye u ku ri bom-ti ijwe, ame ku jwam wu baa, awu na nda ni ti ni na cwe ira atso uwae fengo Yesu Kristi ti ani ku putsa,

Galatiya 5:7

Kute ani ku kwab timambe. Aye ti byang kyi ni u nda ni ani putsa-ni ira ti kubenti be?

Galatiya 6:16

Ame ku jwam baa, kujimshwur ti ayibrisi na Rimam ā som te ande ti kyang ikyin yi fengo na ira-m ayine. Aba ti si ande ti Isirela ti kubenti.

Filipi 1:27

Ni som itso usom ti pang atang uwog ande ti putsa ira tinyang na Kristi. Asiti ame a kafe ba tu ni, ko ame a kafe ba-m cwucwo be, ame ku sha ti m fxen ira ti tinyang risu-ni baa, ani na ku tsi ting ting ti utob kinjo u ku ren risu ti uwog kinjo ikyaen iken ti ati ru uwae kinjo atang, ti si Ira Tinyang na Kristi.

Filipi 2:2

Ti iken yi si ahan, ni kumunn utob ti tsen-m. Ni cwe ira atso, utob-ni ā si kinjo, ira ti kab-ni ā si kinjo.

Filipi 4:2

Ame ku jwam ambakaya-m Ewodiya ti Suntuke baa, a na ya ishaen ti shaen-ba ayi na ta, ti aba na cwe tetso uwae fengo Itsekuru-ti.

Kolosi 2:6

Pangma ti ani kyangte Yesu Kristi baa, awu na si Itsekuru-ni, ni kyang ikyi-ni te wu ru fife yi uwe.

Kolosi 4:2

Ni tsi kukunn ti Rimam ti jwam. Kiye ti ani a ku jwam Rimam, ni tsi ti ujwin u ku nde na Rimam fxaefa ama.

Ititatso 3:3

Tine, tangsom te ira ti afu fxen u paembe yi ti kucang. Ye su yi, ti kafe isim ta ikentitibi-fu. Asiti afu a shwu-fu be, ame u ba purug fu pangma unde ti riyib, afu u nung-fu usir ti ame u ba be.