Filipi 3:14 - Kutsingken Ira Rimam ti Saen Kyag

¹⁴ Ame ku kwab ku ru yi uwe uwe ti m ka uwog ti ame pu ayib tsi atang tine, ti m na tu kujwojang-m. Ayi si kujwojang ti Rimam kunn me baa, awu na u nda m apupwen akwen.

Filipi 3:14 Iomraidhean Croise

Luka 16:16

“A kwen na ande iken uwae Icwe Musa ti uwae ira na ande ti ku ya iskin ira Rimam, sa sa sa ba sang ti kiye na Yohana unde ti ku nde batisma. Sa ti kiye Yohana, a ku ri ira ti tinyang na Kujwokwe Rimam te ande. Unde titini ku kwab ti wu u sang kang atang.

Roma 11:29

Ikyaen ti, asiti Rimam a kunn ande ira u nda ba rinda, awu ku kafe-wu utob atang be.

1 Korinti 9:24

Kiye ti ande a ku pam ishaen na inyae ti ter, ande yang akwen ku ter nyae, amaa, unde kinjo amam ti ku tu rinyangwae, ko si ahan be? Ayi si ahan ama, ni ter ti ni sa uwe ikyaen ti ni ba tu rinyangwae yi.

2 Korinti 4:17

Rikaen ti pang ti ati ku ngwa utense ike u wur ru ti ritsen, amaa ikyaen-yi, ati u tu kuko ti riyinn ti itimyae-yi ta-yi be uwog Rimam apupwen, uwog ti ati u som kukunn atang. Riyinn yine, si-yi ti a u myae yi ti rikaen ti ati ku ngwa utense ike be.

Filipi 3:3

Ati ti si ande ti tsen kutxin ti kubenti, ati ande ti ku fen Rimam yi fengo na Kusung-wu. Ati ku ndub ijwe yi Yesu Kristi u sa uwae tsi-ti risu iken na rimenn ijwe be.

Kolosi 2:18

Unde iki ā saeru-wu ani ikyaen ti ani pyi icwe-ba be. Aba tsi ti afxen ifaen baa, ni na fen atom ti apupwen. Aba ku ndub ijwe baa, Rimam na ku tatso ba iken uwae kurwa. Ira ti kab-ba si ana utense wune amam.

1 Tesalonika 2:12

Ati ri bom ni utob u ri jim-ni utob u fwa ni kusen baa, ani na som itso usom ti som ti pang atang uwe Rimam. Awu ti kunn ni ira ti ni ba sang Kujwokwe-wu u te wu som tetso uwog ti kuko.

2 Timoti 1:9

Rimam nwangru ti u kunn ti baa, ati na som usom ti sisaen. Ayi si-yi ikyaen iken iki ti ati nde be, ayi si ikyaen itimyae ti awu myae tsi ti rinyangwae-wu. Rinyangwae na Rimam ne, awu nda ti ti kiye ti awu kyae-wu utense khika be, yi fengo na Yesu Kristi.

Mbaibrane 3:1

Ikyaen yine, ameinja ti sisaen, ti te ti tu itikunn Rimam tetso, ni tangsom te Yesu ti ati ku ri te ande baa awu na si Atom Rimam u si kukwen-ti tiyang.

Mbaibrane 6:1

Ikyaen yine, ti ya iken ti kwen ti a ku sa kwen na anyisu tinying risu Kristi ta, ti ti ru yi uwe te iken ti kwen ti rurong. I si-yi ti ati u kwen shem ira risu itiyata kujwo wande titibi be. Si-yi ti ati u kwen shem fengo ti unde u ru uwae kinjo uwog Rimam be.

1 Bitrus 1:13

Ikyaen yine, ni kyae utob-ni tsi nyinyang ikyaen wande, ti ni som ti ujwin. Ni sa uwae-ni meme tsi risu itinyang ti a u nda ni, kiye ti Yesu Kristi u kafe ba tso risu-wu.

1 Bitrus 5:10

Ama, isim ti ani a ngwa rikaen uwae kiye ti kpang, Rimam, Ukwe Ayibrisi, awu ti kunn ni ba yi riyinn-wu ti tsi kukunn uwog Kristi, awu ti risu-wu ti u kyaenyang ni, u nda ni kpakang, u ye ni tsitsa risu kutxom ti ku kyi-wu kyi be.

2 Bitrus 1:3

Rimam, yi uwae kuko-wu, nda pu wu ati meme iken ti u nda ti siser yi fengo Rimam, ti si fengo na unyang tishe. Ati tu iken yine ikyaen ti ati ba nungye Yesu Kristi, ti uwog itinyang-wu ti nyang timambe.

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”