Filipi 3:12 - Kutsingken Ira Rimam ti Saen Kyag

¹² Ame ku ri-m baa, ame na tu mam pu m iken yine be. Ame shanum-m te riraen be. Iyee! Ame ku kwab ti m sa kujwojang na inyae ti ter yine kafe ana-m pangma ti Yesu, Unde ti Rimam Tsab Tsi, sa m kafe pu wu ana-wu.

Filipi 3:12 Iomraidhean Croise

Matiyu 5:48

Ni kumunn yi usom ti som-ni pangma ti Itse-ni ti apupwen kumunn yi usom ti som-wu.”

Wande Atom 9:15

Yesu ri te wu baa, “Ru! Ame tsab ra pu m awu ti wu na nde na m wande. Awu u sa rinyi-m ri te ande ti nung-ba ira-m be, te akwe-ba te ande na Isirela.

Roma 8:39

Iken ti ta apwa apupwen, ko iken ti ta uwae kukwae iticwu, ko iken iki ti Rimam kyae, iken iki ta-yi ti u nde ye ti u kata ti te ure na Rimam, ti ati tu uwog Itsekuru-ti Yesu Kristi be.

1 Korinti 13:10

Amaa, usir wu ti Rimam u kumunn tag iken meme, ayi iken ti si ripye u yagta.

1 Korinti 13:12

Uwae kiye wune, iken ti ati ku sae si pangma kusung ti unde ku sae uwae iken ti ku sae ayib. Amaa, uwe ike ati u ru ba sae meme iken yi ayib ti ayib. Iken ti ame nung uwae kiye wune si ripye, amaa, uwe ike, ayi u ba kumunn. Uwe ike, ame u nungye tag iken pangma ti, tine, Rimam nungye ira ti kab-m meme.

1 Korinti 9:24

Kiye ti ande a ku pam ishaen na inyae ti ter, ande yang akwen ku ter nyae, amaa, unde kinjo amam ti ku tu rinyangwae, ko si ahan be? Ayi si ahan ama, ni ter ti ni sa uwe ikyaen ti ni ba tu rinyangwae yi.

2 Korinti 13:9

Kiye ti ani site kpakang fengo Rimam, ati ku tsen utob, ko ti a ri baa, ati ti risu-ti na bom-ti be. Ati ku jwam Rimam ti wu na nda ni ser ben tag uwae fengo-wu.

2 Korinti 7:1

Ande-m ti ayib ricwu-m ti Rimam yer unju yine meme te ti, ame ku jwam baa, ti na jwo saen ijwe-ti. Iken meme ti ku nda ijwe-ti ko utob-ti kafe iken ti ku txi iyib uwe Rimam, ti yi ta. Ti kwab ti ti si ande ti sisaen uwe Rimam ti ti som usom-ti uwae ikyenricwu-wu.

Galatiya 5:17

Ikyaen ti, iken ti utob-ti ande ku sa uwae tsi atang txi ra ti iken ti Kusung Rimam ku sha. Iken ti Kusung Rimam ku sha txi ra ti iken ti utob-ti ande ku sa uwae tsi atang. Iken ifaen yine ku ta rika te atso uwae ijwe-ti. Né iken ti nde ani u nde tu-ni iken ti tinyang ti utob-ni ku sha be.

Afisa 1:4

Ti ti a kyae-ba utense khika be, awu tsab ra mam-wu ati mam baa, ikyaen Yesu Kristi, ati na si ande ti ana-wu, ikyaen ti ti na som usom ti sisaen u nde-ti iken iki ti si titibi uwe-wu be.

Afisa 4:12

Awu nde iken yine ikyaen ti wu na kyae ande na Rimam tsi, ikyaen ti a na ndeya atso yi wande Rimam, ti a na mbye kumbub ande Rimam ti si ijwe rimenn Kristi,

Filipi 1:1

Bulus, ti Timoti, apyi Yesu Kristi, bae kutsingken wune ba ku na ni ande ti ta uten ti Filipi, meme-ni ande ti saen kyag ti putsa Yesu Kristi. Ati bae ku na ni fa ti ande ti uwe-ni, ti ande ti ani tsab ti a na ndeya ba.

Filipi 3:16

Iken ti skeb si ti ti putsa iken ti ati ku putsa ne ru fife yi uwe.

Filipi 3:3

Ati ti si ande ti tsen kutxin ti kubenti, ati ande ti ku fen Rimam yi fengo na Kusung-wu. Ati ku ndub ijwe yi Yesu Kristi u sa uwae tsi-ti risu iken na rimenn ijwe be.

Filipi 3:8

Ayi si-yi iken yine amam be. Iken meme pab ti ame site yi, ame pwen yi baa, ayi na si iken ti ukaen ikyaen ti, ayi nyang skeb tag ti m nung Yesu Kristi Itsekuru-m. Ame ya iken meme ta ikyaen ti m tu Yesu. Iken na ijwe yine, ame sa yi tsi pangma iken ti isor ikyaen ti ame na u tu Kristi,

1 Tesalonika 5:15

Uwae usom ti som-ni tetso, unde iki ā pae-wu ripab ikentitibi ti ikentitibi be. Ayi nyang skeb ti ni kwab ti ni nde na atso iken ti tinyang, fa te ande ti tsitsi meme.

2 Tesalonika 2:13

Amaa ana-ti, ko kiye titini ati ku nde kang fxaefa na Rimam ikyaen-ni, ani ameinja ti Itsekuru ye ure te ni. Ati ku nde fxaefa yine ikyaen ti Rimam tsab ni tsi ti kucang baa, ni na si ande ti kucangtsi uwae ande-wu ti tu itinwangru. Awu nde iken yine yi fengo na Kusung-wu ti nda ni kafe ande-wu ti sisaen ama yi fengo na ira ti kubenti ti ani kyangte, u ru uwae kinjo atang.

1 Timoti 5:10

u si unda ti ande ku teb rinyi-wu ikyaen wande-wu ti tinyang. Awu ā si unda ti shi anyisu-wu nyinyang, u ku kyangte ande ti rikyen kununn-wu, u si unda ti ku ndeya ande na Rimam ti risu ti nae riben. Awu ā si unda ti ku ndeya ande ti ta uwae rikaen u sa ijwe-wu na wande ti tinyang ti ti nde ti tsotso.

1 Timoti 6:19

Yi fengo yine, wande ti tinyang ti aba ku nde u si rifunn ti u ndeya ba uwe ike. Ayi u si imbyi kusog ti aba ku ta ti ribom. Ayi u nda ba aba u tu unyang ti si unyang ti kubenti.

Mbaibrane 12:14

Ni kwab ti ni som usom kujimshwur te ande meme, ti usom ti sisaen. Ayi a si-yi te usom ti sisaen be, unde u nung-wu uwe Itsekuru be.

Mbaibrane 12:23

Ani sang pu ni uwae itifunn anyisu rifen Rimam, ti a bae rinyi-ba uwae kutsingken unyang ti apupwen. Ani ba pu ni uwog Rimam, awu ti u pwen ande meme rikwen. Ani sangfa pu ni asung ande ti kubenti, ti Rimam kyae nyang pu utob-ba.

Mbaibrane 13:21

awu ā nda ni iken ti tinyang meme ikyaen ti ni u nde wande ti nyang uwae-wu. Awu ā nde wande riyaen utob-ti yi fengo ti u nyang uwae-wu, putsa uwog Yesu Kristi, ti riyinn ti kuko ā si ana-wu, tsikunn ike ru fe yi uwe. Ayi ā si ahan!

Yakubu 3:2

Meme-ti si ande ti ku kyen kufxen. Asiti unde a ku kyen-wu kufxen yi ira ti ri-wu be, unde wune si unde ti kubenti ti ku jwen tu ira unju, ku ye su ijwe-wu.

1 Bitrus 5:10

Ama, isim ti ani a ngwa rikaen uwae kiye ti kpang, Rimam, Ukwe Ayibrisi, awu ti kunn ni ba yi riyinn-wu ti tsi kukunn uwog Kristi, awu ti risu-wu ti u kyaenyang ni, u nda ni kpakang, u ye ni tsitsa risu kutxom ti ku kyi-wu kyi be.

2 Bitrus 3:18

Amaa, ni siser yi rinyangwae ti ben-ayib ti ani ku tu uwog Itsekuru-ti Yesu Kristi Unde ti Nwangru ti. Rurob ti riyinn ā si ana-wu ru fife yi uwe! Ayi ā si ahan.