Filipi 3:10 - Kutsingken Ira Rimam ti Saen Kyag

¹⁰ Iken kinjo ti ame ku sha si ti m nung Kristi, fa ti kuko ti ana-wu ti nda wu nwunn uwae kuskab ti unyang. Ame ku sha ti m tu kutunn-m uwae rikaen ti awu ngwa. Ame ku sha ti m putsa afxen-wu yi iticwu-wu,

Filipi 3:10 Iomraidhean Croise

Matiyu 20:23

Awu ri te ba baa, “Een, ani u ngwa rikaen-m ayi ara. Amaa ame site-m kuko ti m u tsab ande ti u som kujwo rici ko kujwo ife-m be. Ayi si ana Itse-m Rimam ti awu u tsab ande ba ti u som uwog yine.”

Yohana 10:18

Si-yi unde iki ti u sa ruye unyang-m be. Ame ti cwe u sa ruye wu ti kujwo-m. Ame site kuko ti m u sa ruye unyang wu, ame site kuko ti ame u sa wu kafe sang ti atang. Itse-m ti nda m kuko yine.”

Yohana 17:3

Unde ti site unyang ti tsi kukunn, awu u nungye fu Rimam, afu amam ti si Rimam ti kubenti. Cwucwo, awu u nungye Yesu Unde ti Rimam Tsab Tsi, u tom ba.

Roma 8:17

Ti ati si pu ti anyisu Rimam ne, ati u te Kristi ci rifunn kuru Rimam tetso. Asiti ati a te Yesu ngwa rikaen tetso, ati te wu u som uwog ti riyinn tetso ama.

Roma 8:29

Ande ti Rimam nunung ti kucang, awu tsab sa ba tsi ti a na ru Umbae-wu Yesu, ikyaen ti, yi fengo wune, umbae-wu na u ba si umbae rifen uwae anyisu Rimam yang-ba.

Roma 8:36

Pangma ti a bae uwae Kutsingken Rimam baa, “Ikyaen rinyi-fu, ati ta unju iticwu ko usir titini. A sa ti tsi pangma mbawen ti a tae ku ru yi uwog ti a kaa yerwen.”

2 Korinti 1:10

Awu nwangru ti unju iticwu, ama awu u nwangru kyi ti cwucwo. Ati sa uwae tsi uwog-wu baa, awu na u nwangru ti ru fife uwe.

2 Korinti 1:5

Pangma ti rikaen ti Kristi ngwa munn ba sang uwog-ti u nda ti ku ngwa rikaen, ti mbwe-yi ama, utob ti jim na awu Kristi munn ba sang uwog-ti ama u ku nda ti munn te kujimshwur ti ana-wu.

2 Korinti 13:4

Kubenti, kiye ti a kwer wu risu kutuku ti cice, awu num ijwe. Amaa tine, awu som ti unyang uwae kuko na Rimam. Ati ama, ikyaen ti ati ti Yesu ta tetso, ati bom-ti yi ijwe be pangma awu kiye ti a kwer wu. Amaa, uwae usom ti som-ti te ni, ati te Kristi u nwunn ti unyang uwae kuko na Rimam.

Galatiya 2:20

Kiye ti a kwer wen Kristi risu kutuku ti cice, ame te wu ta tetso. Unyang ti ame ta te wu tine si-yi ana-m be, ayi si unyang na Yesu Kristi ti ta utob-m. Usom ti som ti ame som uwae ijwe-m ne, si ikyaen ti ame ru uwae kinjo uwog Kristi, Umbae Rimam, awu ti ye ure te me u cwu ricwu ikyaen-m.

Galatiya 6:17

Ira-m ti ricwunnkyi, tsikunn ike ru fe yi uwe, unde iki ā nda-wu ame rikaen cwucwo be, ikyaen ti ayi amimyim ribang ti ta rimenn-m ku tso baa, ame na si upyi na Rimam.

Afisa 4:13

se ti meme-ti a ren tag tetso uwae fengo Rimam, u nung Yesu Umbae Rimam uwae riyaen utob-ti. Ati u ser ben uwae ira Rimam, u bom ribom ru kaa sang ricwunnkyi ti Kristi ti risu-wu ka fob atang.

Filipi 3:8

Ayi si-yi iken yine amam be. Iken meme pab ti ame site yi, ame pwen yi baa, ayi na si iken ti ukaen ikyaen ti, ayi nyang skeb tag ti m nung Yesu Kristi Itsekuru-m. Ame ya iken meme ta ikyaen ti m tu Yesu. Iken na ijwe yine, ame sa yi tsi pangma iken ti isor ikyaen ti ame na u tu Kristi,

Kolosi 1:24

Rikaen ti ame ku ngwa tine ikyaen-ni ku nda m utob ti tsen, ikyaen ti, ti ame ama ku ngwa rikaen ti ijwe-m awune, ame ngwa ku tag rikaen ana Kristi ti awu ngwa ikyaen kumbub ande-wu, aba ti si ijwe-wu.

Kolosi 2:13

Ti kute ani si ande ti cwucwu yi kusung ikyaen na ikentitibi ti ani nde, ti ikyaen ti ani si ande ti nung-ni Rimam be. Amaa, Rimam yata na ti ikentitibi-ti u ye nwunn ni uwae iticwu-ni yi fengo na Kristi.

Kolosi 3:1

Ti ani te Kristi nwunn pu ni tetso uwae iticwu, ni sa utob-ni tsi risu iken ti si ana kuru Rimam apupwen, uwog ti Kristi som tsa kutxomkwe-wu, kujwo rici na Rimam.

1 Bitrus 1:3

Ti nde fxaefa na Rimam ti si Ite na Itsekuru-ti Yesu Kristi, ikyaen ti, uwae ayibrisi-wu ti kuko, awu nda ti unyang tishe yi uwae itinwunn na Yesu Kristi uwae iticwu. Ayine nda ti sa uwae tsi

2 Bitrus 1:13

Ame ku kab baa, ti ti ame tsi user ti atang, ayi nyang ti m tangsom ni ira risu iken yine ko kiye titini,

1 Yohana 2:3

Iken ti u tso paenine baa, ati na nung Rimam si ti ati a ku ye su Icwe-wu.

1 Yohana 2:5

Amaa, asiti unde a ku nae risu riben te ira Rimam, ayi tso baa, ure Rimam na kumunn pu yi uwae usom ti som unde wu. Yi fengo wune, ati u nung kubenti baa, ati te Rimam na ta te atso.

Ititatso 1:18

u tsi yiyer. Ame cwucwu kucang, amaa tine, ame tsi user ru fife yi uwe. Iken ti ku mbub ufu Iticwu, ti Kinjag, ta kujwo-m.