Filipi 3:1 - Kutsingken Ira Rimam ti Saen Kyag

¹ Ti ricwunnkyi, ameinja, ame ku ri te ni baa, ni tsen utob ikyaen ti ani si ana Itsekuru-ti. Ame ku bae shem iken ti ame bae na pu me ani kucang. Ayine caeb-yi ame be; ayi u byangkyi titibi uwog-ni ama.

Filipi 3:1 Iomraidhean Croise

Nehemiya 8:10

Nehemiya ri te ande ba baa, “Ni kafe ru kununn ti ni ka nde ukwab na wuci ti tinyang ti iken ti ngwa ti nyang itug, ti ni ka iki na ande ti site-ba ayi be. Yaka ne si usir ti sisaen ana Itsekuru-ti, ikyaen yine, ni ndembeb-ni utob be. Utob ti tsen yi Yaweh si upab ribom-ni.”

Matiyu 5:12

Ni tsen utob ti ni shwu ashwu, ikyaen ti, rinyangwae tiyang tsi ku ji ni apupwen. A nde pu ba iken yine te ande ti ya iskin ira Rimam ti kute ama.”

Luka 1:47

Utob-m tsen ikyaen na Rimam ti nwangru m.

Roma 5:11

Ayi si-yi nyáng ayine amam be, Rimam nda ti ku kam ashwu tine ikyaen ti, uwae wande na Itsekuru-ti Yesu Kristi ati ren ure te Rimam.

2 Korinti 13:11

Ira ti ricwunnkyi, ameinja-m, ni som-ni nyinyang. Ni kyaenyang usom ti som-ni. Ni kwab uwae ira ti ame ri te ni. Ni ndeya atso ti ni som usom-ni tetso uwae kujimshwur. Rimam, awu ti ku nda ti ure ti kujimshwur u te ni som te atso.

Afisa 6:10

Ira-m ti ricwunnkyi si ti ani na tsi ting ting yi fengo na Itsekuru-ti. Ni tsi ti kpakang ti ku ru uwog-wu ba.

Filipi 3:3

Ati ti si ande ti tsen kutxin ti kubenti, ati ande ti ku fen Rimam yi fengo na Kusung-wu. Ati ku ndub ijwe yi Yesu Kristi u sa uwae tsi-ti risu iken na rimenn ijwe be.

Filipi 4:4

Ni som usom-ni te Itsekuru-ti ti utob ti tsen. Ame ku shem kyi cwucwo baa, ni tsen utob!

Filipi 4:8

Ti ricwunnkyi, ameinja, ni sa utob na iken ti si kubenti ti iken ti site rurob ti iken ti pang atang, ti iken ti sisaen, ti iken ti si ana ure, ti iken ti pang ti a nda yi kuko, ti iken meme ti si iken ti tinyang u pang ti ande u teb yi.

1 Tesalonika 4:1

Ira-ti ti ricwunnkyi ta re, ameinja. Ani kwen mam pu ni uwog-ti itso usom ti som ti Rimam ku sha. Ani ku som ahan tine, amaa ati ku jwam ni u ku mbyae ajwo yi rinyi na Itsekuru-ti Yesu baa, ni kwab ti itso usom ti som wune ā ko fufa ru yi uwe.

1 Tesalonika 5:16

Ni tsen utob ko kiye titini.

Yakubu 1:2

Ameinja, asiti rikaen ti tsotso a tu ni, ni tsen utob!

1 Bitrus 3:8

Ira ti ricwunnkyi si ti ira ti kab-ni ā ru ba uwog kinjo. Ni sae atso te ayibrisi, ni ye ure ti si ana ameinja tetso, ti ni si te utob tinyang tetso, ti ni som usom ti risu ti nae riben tetso.

1 Bitrus 4:13

Ni kam ashwu ikyaen ti ani ku ngwa rikaen pangma ti Kristi ngwa. Ama kiye ti awu a kafe ba uwae riyinn-wu, ani u tsen utob u pam ipam.

2 Bitrus 3:1

Awune si kutsingken ti ifaen ti ame bae ku na ni. Uwae-yi meme, ame kunn ku nwunn ira ti kab-ni risu ira ti kubenti,