Filipi 2:9 - Kutsingken Ira Rimam ti Saen Kyag

⁹ Ikyaen ti awu nae risu riben ne ahan, Rimam ye nwunn wu ritsen, u nda wu kuko, u nda wu rinyi ti skeb rinyi meme.

Filipi 2:9 Iomraidhean Croise

Kucangtsi 3:15

Ame u sa kuka tsi kutampwa-fu, ti unda wu, kutampwa utso-fu, ti utso unda wu. Afu u pye wu ti ukyig kufxen, awu ama u jwog mbub risu-fu.”

Daniyel 7:14

Ama a nda wu kuko, ti riyinn, ti kpakang ititae, ikyaen ti meme ande, ti mbukwen ande, ti unju uten unju uten, na kú riben na wu. Kuko-wu u tsi kukunn ru fife yi uwe u yafe-wu fe ama be. Kujwokwe-wu ama u twenji-yi ji be.

Matiyu 11:27

“Itse-m nda pu wu ame iken meme. Unde iki nung-wu umbae Rimam be, si nyang Itse-wu amam. Unde iki ama nung-wu Itse ti apupwen be, si nyang umbae-wu amam ti ande ti awu a ku sha ti wu u tatso ba.

Matiyu 28:18

Ama Yesu ba ri te ba baa, “Meme kuko ti ta apupwen ti kuko ti ta riben ike, a nda pu ba ame kujwo.

Luka 10:22

Uwog ne, Yesu ri te ande ti putsa wu baa, “Itse-m nda pu wu ame iken meme. Unde iki ta-wu ti nungye Umbae Rimam be, nyang Itse-wu amam. Cwucwo unde iki ta-wu ti nungye Rimam be, nyang Umbae-wu amam, fa ti ande ti awu ku cwe ira-ba u tatso ba.”

Yohana 13:3

Yesu nung pu wu baa, Itse-wu Rimam na nda pu wu awu kuko risu iken meme. Awu nung pu wu baa, awu na ru uwog Rimam ba, ama na u kafe ku ru ti yi uwog Rimam.

Yohana 17:11

Tine ame ru ku ba yi uwog-fu. Ame u ta-m uwae utense cwucwo be, amaa aba u ta ti uwae utense. Itse-m, afu amam ti si Rimam, nungkyi ba nyinyang te kuko na rinyi-fu, ayi kuko ti afu nda m ama, ikyaen ti a ú si iken kinjo pangma ti ame te fu si iken kinjo.

Yohana 17:12

Kiye ti ame te ba ta tetso, ame ye su ba nyinyang te kuko na rinyi-fu, ayi rinyi ti afu nda m. Ame nungkyi ba, ama ko kinjo uwae-ba yagta-wu be. Nyáng awu ti a sa tsi ti wu na tu itwenji, ikyaen ti ayi ā kumunn ira ti a bae uwae kutsingken kute.

Yohana 17:5

Tine ama, Itse-m, cwe na m ti m kafe ba sang rurob ukwe-fu u te fu som te atso uwae riyinn-fu, pangma ti ame te fu som uwog ti rurob te atso kute, titawe ti a mam utense wune.

Wande Atom 5:31

Rimam sa wu tso yi kujwo rici-wu apupwen ti wu na si unde ti uwe, u si unde ti nwangru ande. Awu nde ayine ikyaen ti ande ti Isirela na ā tu riyae ti a na ya ikentitibi-ba ta, ti a na kafe ba uwog Rimam ti wu na ya ta na ba.

Afisa 1:10

Ira ti awu myae tsi si ti, asiti kiye ti awu sa tsi a nde pu wu, awu u kyae nyang meme iken ti awu mam, iken ti ta apupwen fa ti ayi ti ta riben ike u sa yi kyang ikyin te atso ikyaen wande na Yesu Kristi, awu ti ta risu-yi meme.

Kolosi 1:18

Uwae ande na Rimam, Kristi ti si risu, aba si rimenn. I si awu ti cangtsi kumbub ande Rimam. Awu ti tawe nwunn uwae iticwu. Né iken ti nde awu ta uwe iken meme patag.

2 Tesalonika 1:12

Ama ti ande ti tsitsi u nda rinyi na Itsekuru-ti Yesu Kristi rurob ikyaen ira-ni, ani u tu rurob ikyaen-wu ama. Iken yine u ba tu ni ru ye uwae rinyangwae Itsekuru-ti Rimam fa te ana Itsekuru-ti Yesu Kristi.

Mbaibrane 1:4

A nda wu, awu skeb pu wu atom Rimam ti apupwen ti rurob. Rimam kunn wu baa, “Umbae,” ti si rinyi ti rob skeb tag ana-ba.

Mbaibrane 1:9

Wande ti kubenti ku tsen fu utob, Wande titibi ku ndembeb fu utob. Ikyaen yine, Rimam ti si Rimam-fu, yerkob pu wu afu, u nda fu utob titsen, u nda fu rurob skeb iraencwu-fu.” Rimam ri ama baa,

Mbaibrane 12:2

Ti pu ayib cwutsa Yesu ti si ipab ti itikumunn uwae kinjo-ti, awu nung utob ti tsen ti tsi ku ji wu uwe, u ye utob, u cwu ricwu risu kutuku ti cice, u saeru rukwae ti wae yi, u ka som kujwo rici na kutxom ukwe Rimam.

Mbaibrane 2:9

Amaa, ati nung unde wu ti a ko ra wu sī skeb atom ti apupwen, awu si Yesu. A nda wu rurob ti riyinn, ikyaen ti, awu ngwa rikaen iticwu. Ayine si ikyaen ti, yi rinyangwae Rimam, awu na u cwu kutunn unju ande meme.

1 Bitrus 3:22

Tine awu tso pu wu yi apupwen u ka som kujwo rici Rimam. Atom Rimam meme, ti iken ti tsitsi ti site kuko apupwen, ti riben, a pu faesi wu kujwo.

2 Bitrus 1:17

Kiye ti awu paembe kuko ti riyinn uwog Itse-wu Rimam, ati fxen afxenjwin Rimam ti risu-wu ri baa, “Awune si Umbae-m ti riyaen utob-m. Ame ku tsen utob te wu timambe.”

3 Yohana 1:7

Ikyaen ti, aba nwunn ruye yi rinyi na Kristi, u cwe u mbe-ba iken iki kujwo ande ti ise be, ko tikiyib.

Ititatso 1:5

ti uwog Yesu Kristi, awu ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na abikwe utense. Awu ti site ure te ti, u sa anying-wu yaen mbub ikyaen ti wu saen ti ta uwae ikentitibi-ti.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 19:16

Rimenn arun-wu ti kusa-wu, a bae rinyi atang baa, “Ukwe na akwe, Itsekuru na itsekuru.”

Ititatso 3:21

Unde ti a ci rika, ame u cwe na wu ti wu som te m kutxomkwe-m, pangma ti ame ci rika u som te Itse-m kutxomkwe-wu.”

Ititatso 5:12

Aba meme-ba ku yang akyang ti ribom-ba baa, “Umbae utam wu ti a yerwuwen ko pu wu ti wu paembe kuko, ti rifunn, ti ben-ayib, ti kpakang. Kuko ti riyinn ti itiwaefa ā si ana-wu!”