Filipi 2:7 - Kutsingken Ira Rimam ti Saen Kyag

⁷ Iyee, awu sae ru risu-wu u kafe upyi. A nda wu ijwe unde u mbae wu pangma ti a mbae ti ama.

Filipi 2:7 Iomraidhean Croise

Daniyel 9:26

Isim asang mae ita mbe ifaen yi, a u wen ra ukwe ti a Tsitsab wu, awu u si-wu te iken iki be. Ama ande ti umbyi ukwe wu ti ku ba, u ba twenji uten wu ti Ukag ti sisaen wu. Ricwunnkyi-yi u pangma ambyi ti mbub shag. Rika u tā kaa sang ti kiye ti ricwunnkyi, ama uten wu u kuu ukaen pangma ti a sa tsi.

Matiyu 12:18

“Nung upyi-m ti ame tsab tsi! Unde ti ame site ure te wu. Utob-m ama ku nae riben te wu. Ame u sa Kusung-m ba sang utob-wu. Awu u ya iskin ira rikwen-m uwog ande ti utense meme.

Matiyu 20:28

pangma ti Umbae Unde ti ba-wu ikyaen ti a u nde wande na wu be, amaa ti wu u nde wande ama u cwu ricwu ikyaen ti wu u nwangru ande yang-ba.”

Markus 9:12

Yesu ri te ba baa, “Kubenti, Eliya u ba kang itawe. Awu u kyae nyang iken meme.” Ama awu rang ba cwucwo baa, “A bae ira risu Umbae Unde baa, awu na u ngwa rikaen timambe, be a? Cwucwo ande na u sae ru wu, be a?

Luka 22:27

Aye ti siskeb, unde ti kununn ti som ku ci wuci ree, re upyi ti ku sha wuci ba na wu? I si-yi unde kununn ti skeb be a? Amaa, ame som te ni pangma unde ti ku kuku.

Yohana 1:14

Ira Unju Rimam wu sa ijwe rimenn-ti ande u ru ba som kutampwa-ti uwae kiye kpang. Ati ama nungye pu ti riyinn-wu. Ayi si riyinn ti si ana Umbae kinjo ti ruye uwog Itse-wu ba. Awu munn ti ayibrisi ti kubenti.

Roma 1:3

Ira yi ta risu Umbae-wu Yesu. Yi rimenn ijwe, a mbae wu fa rishi Ukwe Dawuda.

Roma 15:3

Yesu Kristi ndeya-wu risu-wu amam be. A bae ira risu-wu uwae Kutsingken Rimam kucang baa, “Aba txun fu asu, ama asu-ba ayi si risu-m.”

Roma 15:8

Ame ku ri te ni baa, Yesu Kristi kafe upyi na Mbayawuda ikyaen ti wu tatso ba baa, Rimam na si Rimam ti kubenti ti ku kumunn unju ti yer ti awu yer te abitse-ti ti kucang.

Roma 8:3

Icwe Musa nde tu-yi ti yi nwangru ti be, ikyaen itinam na ijwe-ti ande. Ikyaen yine, Rimam nde iken ti Icwe ndenum ti yi u nde. Awu tom Umbae-wu ba yi rimenn ijwe pangma ana-ti ande ti ku nde ikentitibi, u nda wu si rinyangwae iken ti yerwen ikyaen ikentitibi. Yi fengo yine, awu twenji kpakang ikentitibi risu ande.

2 Korinti 13:4

Kubenti, kiye ti a kwer wu risu kutuku ti cice, awu num ijwe. Amaa tine, awu som ti unyang uwae kuko na Rimam. Ati ama, ikyaen ti ati ti Yesu ta tetso, ati bom-ti yi ijwe be pangma awu kiye ti a kwer wu. Amaa, uwae usom ti som-ti te ni, ati te Kristi u nwunn ti unyang uwae kuko na Rimam.

2 Korinti 8:9

Ani nung pu ni rinyangwae na Itsekuru-ti Yesu Kristi. Ko ti awu site rifunn, awu sa ijwe-wu kafe unde ti rikaen ikyaen-ni, ikyaen ti awu u sa ni kafe ande ti rifunn uwae rikaen ti awu ngwa.

Galatiya 4:4

Amaa, ti kiye kumunn, Rimam tom umbae-wu ba, unda mbae wu. A mbae wu uwae icwe Mbayawuda.

Filipi 2:6

Ana-wu, ko ti awu te Rimam si iken kinjo rikaen, awu cwe-wu ti wu myae risu-wu te Rimam be.

Mbaibrane 12:2

Ti pu ayib cwutsa Yesu ti si ipab ti itikumunn uwae kinjo-ti, awu nung utob ti tsen ti tsi ku ji wu uwe, u ye utob, u cwu ricwu risu kutuku ti cice, u saeru rukwae ti wae yi, u ka som kujwo rici na kutxom ukwe Rimam.

Mbaibrane 13:3

Ni tangsom te ande ti ta pursuna, pangma ti ani na te ba ta tetso uwae pursuna atang. Tangsom te ande ti a ku nde ba rikaen. Ni sa yi tsi pangma ani na te ba ku ngwa rikaen tetso.

Mbaibrane 4:15

Awu kukwen tiyang-ti wune si unde ti site ayibrisi risu-ti. Awu nung pu wu uwog ti ati pù iskin atang ti awu u ndeya ti, ikyaen ti, kiye ti awu ta utense, a myae wu myae pangma ti a ku myae ti ama. Amaa, ana-wu, kiye ti a myae wu, awu jwunnsi-wu uwae ikentitibi be.