Filipi 2:6 - Kutsingken Ira Rimam ti Saen Kyag

⁶ Ana-wu, ko ti awu te Rimam si iken kinjo rikaen, awu cwe-wu ti wu myae risu-wu te Rimam be.

Filipi 2:6 Iomraidhean Croise

Matiyu 1:23

“Ni nung! Mbawandab iki u kyaen rishwu u mbae umbae ti urom, ama a u fwa rinyi-wu baa, Emanuwel, ti imbyi-yi baa, Rimam som te ti.”

Yohana 1:18

Unde iki ta-wu ti nung ji pu wu Rimam be. Umbae-wu kinjo-wu amam, awu ti risu-wu ti si Rimam, ku som rinwan Itse-wu. Awu ti nda ande nungye Rimam.

Yohana 10:30

Ame ti Itse-m si iken kinjo.”

Yohana 10:33

Aba ande ndufu ri te wu baa, “Ati ku jwunn-ti afu atxom ikyaen wande ti tinyang be, ati ku jwunn fu atxom yine ikyaen ti, afu ku rimbeb rinyi Rimam. Afu ti si unde, ama ku sha ti fu na u myae risu-fu ti Rimam!”

Yohana 10:38

Amaa asiti ame a ku nde wande Itse-m, ko ani a ru-ni uwae kinjo uwog-m be, ni ru uwae kinjo uwae wande ti ku tso kuko Rimam ti ame ku nde. Ani a nde ahan, ani u nungye baa, Itse-m na ta uwae-m, ame na ta uwae Itse-m ama.”

Yohana 14:28

Ani fxen ame ri te ni baa, ame na ku ruru, ama ame na u kafe ru ba ti uwog-ni. A baa, ani na ye ure te m, ani ú tsen utob ti ame ku ru yi uwog Itse-m, ikyaen ti, awu Itse-m skeb pu wu ame.

Yohana 14:9

Yesu ri baa, “Filip, ame te ni ta tí kucang akwen, ama afu nungye-fu ame khika be a? Unde titini ti awu a nung pu wu ame, awu nung pu wu Itse-m awu ama. Imi ti nde titawe afu jwam baa, ame na tatso ni Itse-m awu?

Yohana 17:5

Tine ama, Itse-m, cwe na m ti m kafe ba sang rurob ukwe-fu u te fu som te atso uwae riyinn-fu, pangma ti ame te fu som uwog ti rurob te atso kute, titawe ti a mam utense wune.

Yohana 20:28

Toma ri te wu baa, “Afu si Itsekuru-m! Afu si Rimam-m!”

Yohana 5:18

Ira yi ti awu ri ne kunn nwunn rinae ande ndufu Mbayawuda yang-ba akwen skeb ti kucang. Tiri aba nwunn ku pwen ti a na u wen wu wen. Ikyaen ti, isim ti awu nyatsa mam fe icwe-ba na usir ikyinn, awu ru ba ku ri baa, Rimam na si Itse-wu u ku myae risu-wu te Rimam pang atso.

Yohana 5:23

ikyaen ti ande meme na nda Umbae Rimam kuko pangma ti aba ku nda Itse-wu Rimam. Unde ti a ku nda-wu Umbae Rimam kuko be, ye si Itse-wu Rimam ti tom wu ba.

Roma 9:5

Aba ti si rishi abitsekam-ti ti kute. Kristi ti risu-wu fa rishi-ba ama, kiye ti a mbae wu sang utense ne. Ande meme ā teb rinyi Rimam, awu ti ta risu iken meme ru fife yi uwe. Ayi ā si ahan!

2 Korinti 4:4

Aba si ande ti ru-ba uwae kinjo be, ikyaen ti, Shetann ukwe utense wune byi kyi pu wu utob-ba, ikyaen ti aba ā nung-ba uwog ti paenine ti ku ba uwog-ba be. Uwog ti saen kyag ne si Ira Tinyang risu Yesu Kristi, awu ti site kuko, ku tso ti itso unde ti Rimam tsi.

2 Korinti 8:9

Ani nung pu ni rinyangwae na Itsekuru-ti Yesu Kristi. Ko ti awu site rifunn, awu sa ijwe-wu kafe unde ti rikaen ikyaen-ni, ikyaen ti awu u sa ni kafe ande ti rifunn uwae rikaen ti awu ngwa.

1 Timoti 1:17

Kuko ti riyinn ā si ana-wu Rimam, awu ti si ukwe ti tsi yiyer, awu ti ku cwu-wu cwu be, awu ti a ku nung-ba wu ti ayib be, awu Rimam kinjo-wu amam. Ayi ā si ahan.

1 Timoti 3:16

Ira ti kitam ti Rimam mbubta u tatso ti si iken ti ku fe ayib! Rimam tso risu-wu uwae ijwe unde. Kusung ti Saen Kyag cwe ira-wu baa, awu na site kubenti. Atom na Rimam ti apupwen sae wu te ayib. A sa ira-wu kyang ka ri te ande ti utense meme. Ande uwae utense ru uwae kinjo uwog-wu. A ye ra wu tso yi uwog ti tinyang apupwen.

Titus 2:13

ti ati som ku ji iken ti tinyang nee ati sa utob tsi atang, ti si usir tiyang ti Rimam-ti ti kuko, ti Itsekuru-ti Yesu Kristi unde ti nwangru ti u ba tatso riyinn-ba.

Mbaibrane 1:3

Awu ti ku tatso itisaen riyinn Rimam, u ku tatso itso ti Rimam tsi. Ayi si kpakang ira unju-wu ti ye su utense. Isim ti awu jwosaen ikentitibi ande, awu som kujwokwe Rimam ti skeb titag.

Mbaibrane 1:6

Cwucwo, kiye ti awu tom Umbae kucang-wu ba utense, awu ri baa, “Patag atom Rimam ti apupwen ā fen wu.”

Mbaibrane 1:8

Amaa, ana Umbae-wu, awu ri baa, “Kutxom ukwe-fu Rimam, ititsikunn-wu ta-yi be. Ukum kujwokwe-fu si ti kubenti.

Mbaibrane 13:8

Yesu Kristi, si si awu ti ire, u si ti yaka, u tsi kukunn ru fife yi uwe.

Ititatso 21:6

Awu ri kyi te m baa, “Ayi nde pu yi. Ame ti si ti kucang u si ti ricwunnkyi. Ande ti unwaen a ye ba, ame u txi ambyi isatsub na unyang, na ba uwae rinyangwae.