Filipi 2:3 - Kutsingken Ira Rimam ti Saen Kyag

³ Ni si-ni ande ti ku ye ure te risu-ni skeb ariki be. Ni ndub-ni ijwe be. Yi risu ti nae riben, ni sa ariki rob skeb risu-ni. Uwae-ni, unde titini ā nae risu riben u sa risu-wu pangma ande ti tsitsi na skeb pu ba awu.

Filipi 2:3 Iomraidhean Croise

Luka 18:14

Yesu ri te ba baa, “Ame ku ri te ni, kiye ti ande bane nwunn ru yi kununn-ba, i si unde ti ku mbe aser ukwe ti Rimam cwe ira-wu, si-yi unde ti kumbub Farisi wu be. Ikyaen ti, unde titini ti ku sha ti wu tso risu-wu baa, awu na ko pu wu unde, a u shir wu si yi riben. Unde titini ti a nae risu riben, a u nda wu kuko.”

Roma 12:10

Ni ye ure tetso te utob kinjo pangma ti ameinja ku nde. Ni kwab ti ni nda atso rurob skeb ti risu-ni.

Roma 13:13

Ti kyang ikyin-ti kpang atang, pangma ati na ku nde yi usirtaen. Ni sa ruye risu-ni uwae ira ande ti ku ngwa iken ku shishaen u ku nde iken ti ajib. Ni putsa-ni afxen ande ti ku kyang ku nae amae, u ku nde iken ti ku txi iyib be. Ni ya kutxu ti byinn ti kitsinn ti tsinn ta.

Roma 2:8

Amaa, ana ariki ti ku sha nyáng risu-ba amam, u ku pyir ira ti kubenti, ku putsa itikong, rinae Rimam ti ku titwen fumfufum, u si risu-ba.

1 Korinti 15:9

Ikyaen ti uwae ande ti atom na Yesu meme, ame fa-m ukwab be. Ame ko-m ti a u kunn m baa unde ti atom be, ikyaen ti, kucang ame nde ande na Rimam rikaen timambe.

1 Korinti 3:3

Ikyaen ti, usom ti som-ni si ana ande ti utense wune. Ani site kitsinn te atso ti atang. Ani ku fwan kibyag te atso ti atang. Ayine tatso baa, ani na ku som usom na ande ti utense. Ani te ba pang atso ani nung-ni be a?

2 Korinti 12:20

Ame kyen ikyenricwu baa, ko iki be, asiti ame a ru ba ye, ame na u ba tu ni te usom ti som ti txi te ira ti ame ku sha ti m nung uwog-ni, ko ani ama u tu m te kujwo wande ti txi te ayi ti ani ku sha ti ni nung uwog-m. Ko iki be ame u ru ba tu ni ani ku fwan kibyag, u ku tsinn kitsinn, u ku tso rinae, u ku sha nyang iken na risu-ni amam, u ku txun atso asu, u ku tsag ande, u ku ndub ijwe, u ku ye iken kyikab kyikab.

Galatiya 5:15

Asiti ani a ku sae atso ma ibye kutur u ku kub atso anyi ruwen u ku ter shiryae atso rimenn, ni nung afxen-ni riben nyinyang be, ani u twenji tag atso patag!

Galatiya 5:26

Ti ndub-ti ijwe be, ti sha-ti isim be, ti tsinn-ti kitsinn be.

Afisa 4:2

Ni nae risu riben te atso, ti ni nde iken-ni meme sku sku. Ni kaen kutxom sur utob, ti ni ye utob tetso uwae ure.

Afisa 5:21

Ame ku jwam ni, ni nae risu riben na atso ikyaen ti ni sa rurob na Kristi.

Filipi 2:14

Uwae iken ti ani ku nde meme, ni nde-ni ayi ti unju ti pwen ti ishaen ti shaen be,

Kolosi 3:12

Ikyaen yine, ti Rimam tsab pu wu ani ti ni si ande-wu ti sisaen, ni si ande ti utob uwae-wu, ni nung atso ti ayibrisi u nde na atso iken ti tinyang. Ni sa risu nae riben na atso ti ni nde iken-ni sku sku. Ni ye utob tetso

Kolosi 3:8

Amaa tine, ame ku fwa ni kusen baa, ni sa risu-ni ruye uwae meme iken yine. Ni ya rinae ti utob ti byag ta! Ni sa-ni ande iki tsi uwae be. Ni txun-ni ande iki asu be. Ni ri-ni ira ti ku txi iyib be.

1 Timoti 6:4

awu ku ndub ijwe amam u nung-wu ira iki be. Utso ande bane site utob titibi, u ku sha ti a na shir ishaen ti shaen ti ufxaen ru ba kutampwa ande. Ayine ku shir kitsinn ti asu ti txun ru ba kutampwa ande. Ayi ku nda ande kata atso u kab ira titibi risu atso

1 Bitrus 3:8

Ira ti ricwunnkyi si ti ira ti kab-ni ā ru ba uwog kinjo. Ni sae atso te ayibrisi, ni ye ure ti si ana ameinja tetso, ti ni si te utob tinyang tetso, ti ni som usom ti risu ti nae riben tetso.

1 Bitrus 5:5

Ani anyisu taen ama, ni fxen ira ande ndufu-ni. Meme-ni, ni nae risu riben na atso, ayine ama ā si kutupwa ti ani si ko kiye titini, u ku ndeya atso ikyaen ti, a bae uwae Kutsingken Rimam baa, “Rimam ku tsi ikub te ande ti ku ndub ijwe, amaa, awu ku nda rinyangwae na ande ti ku nae risu riben.”