Filipi 2:25 - Kutsingken Ira Rimam ti Saen Kyag

²⁵ Ame myae baa, ame na u tom kang na ni inja-m Eparfoditu kafe ba na ni. Awu si urwan wande-m u te m ta rika te atso uwae rika Shetann. Awu si pu wu unde ti atom-ni ti kubenti. Awu ndeya pu wu ame uwae rikaen-m si-yi ti ti ri be.

Filipi 2:25 Iomraidhean Croise

Yohana 13:16

Ame ku ri te ni kubenti, upyi skeb-wu itsekuru-wu be, unde kutsa ama skeb-wu unde ti tom wu ritom be.

Yohana 17:18

Pangma ti afu tom me ru ba yi utense, ame tom ba ru ka sang kutampwa ande ti utense ama.

Roma 16:3

Ni kunnji Birskila ti Akila ira, aba ti te m ku kwab tetso uwae wande na Yesu Kristi.

Roma 16:9

Ni kunnji Urbanu ira, urwan wande-ti uwae wande na Kristi, fa ti Sitakis, urwan-m ti utob uwae-m.

1 Korinti 3:9

Ati ande ifaen si arwan wande tetso, ati ku nde wande Rimam te atso. Ani ama, ani si risaen na Rimam. Cwucwo, ani si kusog na Rimam ti awu ku mbye.

2 Korinti 2:13

Amaa utob-m nae-wu riben be, ikyaen ti ame tu-m inja-ti Titus be. Ikyaen yine ame nwunn u ya ba ta u ru yi Makedoniya.

Filipi 2:26

Ayi tsi wu ti uwae tine ti wu na nung ayib-ni meme. I ndembeb wu utob ti awu fxen baa, ani na fxen ira kicaeb-wu.

Filipi 4:18

Ame mbe tag pu m iken ti ani pae na m meme. Ayi ko pu yi ame. Ti ti ame tu rinyangwae-ni uwog Eparfoditu, ame shanum-m iken iki be. Itindeya ti ani nda m si pangma iken ti twen ti ani twen na Rimam nee kuyang-yi nyang timambe. Ayi si itso iken ti Rimam u paembe yi ti utob ti tsen.

Filipi 4:3

Afu urwan wande-m ti kubenti, ame ku jwam fu, ndeya anda abane, ikyaen ti, aba te m kwab tetso uwae wande na ira tinyang na Yesu, fa ti Kilementi ti itaen ti tsitsi ti nde wande te m. Ame tang baa, rinyi-ba ta uwae kutsingken na rinyi ande ti tu unyang tishe.

Kolosi 1:7

Kiye wu, ayi si Epafira ti tawe tatso ni Ira Tinyang yine. Awu si unde ti ure-ti u te ti ku nde wande na Yesu Kristi tetso. Awu ti ku nde wande kutunn unju-ti uwog-ni akwen.

Kolosi 4:11

Yesu, ti a ku kunn wu baa, Yusitu, awu ama ku kunnji ni ira. I si nyáng ande ita bane ti si Mbayawuda uwae ande ti ku ndeya me uwae wande na Kujwokwe Rimam ike. Ame ku tu itindeya uwog-ba timambe.

1 Tesalonika 3:2

Ati tom inja-ti Timoti ru ba uwog-ni. Awu si upyi Rimam ti te ti ku tsag Ira Tinyang na Kristi te ande. Ame tom wu ba ti wu na ye ni tsi u ndeya ni ti ni ru uwae kinjo uwog Yesu ru fife yi uwe.

Filimon 1:24

Aba Markus, ti Aristarku, ti Demas ti Luka ku kunnji ni ira ama. Aba ti te m ku nde wande Rimam tetso.

Mbaibrane 3:1

Ikyaen yine, ameinja ti sisaen, ti te ti tu itikunn Rimam tetso, ni tangsom te Yesu ti ati ku ri te ande baa awu na si Atom Rimam u si kukwen-ti tiyang.