Filipi 2:22 - Kutsingken Ira Rimam ti Saen Kyag

²² Ani nung pu ni awu. Awu site utob ti tinyang u te m nde wande pangma itse ti umbae tetso u ku ri te ande ira tinyang.

Filipi 2:22 Iomraidhean Croise

Wande Atom 16:2

Meme ande na Yesu ti ta uten ti Lisitira ti Ikoniyum ku ri ira ti tinyang risu Timoti.

Roma 5:4

Utob ti ye wune ku nda ti tu utob ti kpang atang uwe Rimam. Ti ati site utob ti kpang atang uwe Rimam ama, ayine ku nda ti sa uwae tsi uwog Rimam.

1 Korinti 16:10

Asiti Timoti a ru ba pu wu uwog-ni, ni nde na wu iken ti u sa utob-wu nae riben, ikyaen ti awu ku nde wande na Itsekuru-ti Yesu Kristi pangma ti ame ku nde ama.

1 Korinti 4:17

Nee iken ti nde ame tom Timoti, umbae-m ti utob-m, ti tsi ti kubenti uwae fengo Itsekuru, ru ba uwog-ni. Ame tom wu ti wu na ba tangsom na ni itso iken ti kwen ti ame ku kwen ko aka uwae asog Rimam.

2 Korinti 2:9

Ayine si iken ti nde ne ame bae na ni kutsingken-m ti kucang. Ame myae ni baa, ko ani ku nae risu riben ti iken ti ame ri te ni bara.

2 Korinti 8:22

Ati ku tom inja-ti iki ti fa ti ita putsa ba ama. Awu si unde ti ku kwab uwae fengo Rimam ti utob-wu meme, pangma ti ati nung ti ayib atsepu yang-yi akwen. Tine ti awu nung baa, ani ama ku kwab ahan, ijwe-wu mae ti awu u ba ndeya ni.

2 Korinti 8:24

Ikyaen na yine, ame jwam ni baa, ni ye ure te ande bane, ikyaen ti ande na Yesu ti ta ko aka ā nung ama baa, ati na ku pam-ti ipam risu-ni ti ukaen amen be.

2 Korinti 8:8

Ayi si-yi icwe ti ame nda ni be, ame ku tso ni itso itikwab ti ariki ku kwab ti ira rinyangwae yine ikyaen ti ame na nung ko ure-ni si kubenti pangma ana-ba.

Filipi 1:12

Ameinja, ame ku sha ti ni nung baa, ira titibi ti tu m ike ne ndeya ira Rimam timambe. Ayi nda yi ku ru ru yi uwe uwe skeb ti kucang.

Filipi 1:16

Aba ti ku nde ti utob-ba kinjo ku nde yi ikyaen ti a site ure te m. Aba nung pu ba baa, a ye m cwunnkyi ike ikyaen ti m na ri te ande baa, ira Rimam na si kubenti.

Filipi 1:5

ikyaen ti nee, ani te m ku tsag Ira tinyang Yesu tetso te ande, sa ti usir ti ame ka uwog-ni ru ba kwar tine.

Filipi 1:7

Ayi si iken ti pang atang ti ame ku tang itso ira yine risu-ni, ikyaen ti, ame u munnji-m te ni be. Ati ku tu rinyangwae Rimam tetso tine ti ame ta uwae pursuna, ti kiye ti ame ta ise ku tsag te ande ira ti tinyang.

Filipi 2:20

Unde iki ta fa-wu Timoti ti site ira ti kab risu-ni ti tinyang pangma awu be.

1 Timoti 1:18

Uyin-m Timoti, ira ti ati fxen uwog Rimam risu-fu kute nda m, m ku fwa fu kusen baa, ira yi ti ande ti ku ya iskin ira Rimam ri risu-fu ne, ayi ā si usu rika-fu. Ta rika te yi ti ribom-fu.

1 Timoti 1:2

Ame bae ku na fu Timoti, umbae-m ti kubenti yi fengo Yesu. Rimam Itse-ti, ti Yesu Kristi Itsekuru-ti ā nde fu tinyang, u sae fu te ayibrisi, u nda fu kujimshwur.

1 Timoti 4:6

Asiti afu a ku kwen na ameinja-ti ande na Rimam ira yine, afu u si upyi ti tinyang na Yesu Kristi. Afu ti risu-fu ama u ser u bom ribom fengo Rimam ikyaen na iken ti kwen na ira Rimam ti ira ti kubenti ti afu ku putsa.

2 Timoti 1:2

ba ku na fu Timoti, uyin-m ti utob-m. Rinyangwae, ti ayibrisi, ti kujimshwur ā ru uwog Rimam Itse, ti uwog Yesu Kristi si ba risu-fu.

2 Timoti 3:10

Amaa, afu Timoti, afu putsa pu fu iken ti kwen-m, ti usom ti som-m, ti iken ti ame sa uwae tsi risu-yi. Afu nung uwae kinjo ti ame site, ti utob ti ye-m, ti ure ti ame site, ti fa ti itsi ti tsi ti kpakang ti ana-m.

Titus 1:4

Ame bae ira yine ku na fu Titus, unyin-m ti kubenti uwae fengo Rimam ti ati ku putsa tetso. Ayibrisi ti kujimshwur Rimam Itse, ti Yesu Kristi unde ti nwangru ti ā te fu som tetso.