Filipi 2:21 - Kutsingken Ira Rimam ti Saen Kyag

²¹ Itaen ti tsitsi meme ku tang kum ira risu iken ti ana-ba ti si-yi ana Yesu Kristi be.

Filipi 2:21 Iomraidhean Croise

Matiyu 16:24

Isim yine Yesu ri te atugbug-wu baa, “Asiti unde iki a sha ti wu u putsa m, awu ā munnji te ira ti si ana-wu ti risu-wu, awu ā ye kutuku ti cice-wu tso ukwae-wu, ti awu ā putsa m.

Luka 14:26

“Asiti unde iki uwae-ni a ku sha ti wu na u putsa me, asiti wu a pyir-wu ite-wu ti iya-wu ti uwa-wu ti anyisu-wu, ti ameinja-wu ti ambakaya-wu be, u pyir-wu risu-wu be ama, awu u si-wu unde ti u putsa-m be.

Wande Atom 13:13

Bulus ti arwan-wu nwunn ya uten Pafos ta u sang kuyae ba uten Perga ti ta uten ti Pamfiliya, ama Yohana Markus ya ba ta ti Pafos u kafe ru-wu iken-wu ti Urushelima.

Wande Atom 15:38

amaa Bulus tang baa, ayi na nyang-yi be ikyaen ti, ti kucang-yi Markus wu teya ba ta Pamfiliya, u ndeya-wu aba wande ru ka furu be.

1 Korinti 10:24

Kab-fu ira ikyaen iken ti tinyang na risu-fu amam be, amaa, ikyaen ti tinyang na ande ti tsitsi.

1 Korinti 10:33

Ana-m, ame ku kwab ti ame u nde iken ti ku nyang uwae ande uwae iken ti ame ku nde meme, si-yi ti ame na u ndeya risu-m amam be. Ame sa uwae tsi risu iken ti u ndeya ande yang akwen, ikyaen ti a na nwangru uwae ikentitibi-ba.

1 Korinti 13:5

Ure ku nde-wu iken ti unghae be. Awu ku sha-wu nyang iken na risu-wu amam be. Awu ku tso-wu rinae fife be, u ku ye su-wu riraen utob be.

2 Korinti 1:5

Pangma ti rikaen ti Kristi ngwa munn ba sang uwog-ti u nda ti ku ngwa rikaen, ti mbwe-yi ama, utob ti jim na awu Kristi munn ba sang uwog-ti ama u ku nda ti munn te kujimshwur ti ana-wu.

Filipi 2:4

Ni nde-ni iken ti u ndeya nyang risu-ni amam be. Amaa, ni sa uwae tsi risu iken ti u ndeya ande ti tsitsi ama.

2 Timoti 1:15

Afu nung pu fu baa, ande ti ta te m uten ti Asiya kucang, ter ya m ta pu ba, fa ti aba Figelus ti Hermogene.

2 Timoti 3:2

Ikyaen ti, ande u site ure te risu-ba amam, u ku sa aser tsi uwe, u ku ndub ijwe ku saeru ande meme. Aba u txun ande asu, u fxen-ba ira abitse-ba ti abiya-ba be. Ande u nung-ba itinyang ande ti ku ndeya ba be, u ku kyen-ba Rimam be.

2 Timoti 4:10

Ikyaen ti, Demas ter ya me ta pu wu; iken na utense wune taen wu ayib. Awu nwunn ru pu wu yi Tesalonika. Kiresen nwunn ana-wu ru pu wu yi Galatiya. Titus ama ru pu wu yi Dalamatiya.

2 Timoti 4:16

Unde iki tsi te-wu ame kiye ti a kunn me rikwen ti kucang be. Meme-ba ter shag u ya m ta kinjo-m. Rimam ā yata na ba.