Filipi 2:2 - Kutsingken Ira Rimam ti Saen Kyag

² Ti iken yi si ahan, ni kumunn utob ti tsen-m. Ni cwe ira atso, utob-ni ā si kinjo, ira ti kab-ni ā si kinjo.

Filipi 2:2 Iomraidhean Croise

Yohana 3:29

Uwog ukwab unda ishe, ayi si ubaen unda ishe ti ku mbe unda ishe wu. Urwan ubaen unda ishe tsi te wu atang u ku fxen wu amam. Awu ku tsen utob kiye ti awu a ku fxen afxenjwin ubaen unda ishe wu. Utob ti tsen yine si ana-m tine. Ijwe-m si fa pu yi.

Wande Atom 1:14

Ande abane ku byir ko uwog kinjo ku jwam Rimam. Ameinja Yesu ti iya-wu Mberimu, fa ti anda iki ti ku putsa Yesu ti kute fa uwae-ba ama.

Wande Atom 2:1

Ti usir Ukwab Pentekos ru ba sang, ande na Yesu ta kusog iki.

Wande Atom 2:46

Ti usirsir a ku funn atso kusog Rimam. A ku ci wuci te atso uwae kununn-ba ti utob ti tsen ti risu ti nae riben te atso.

Wande Atom 5:12

Ande ti atom ku nde wande ti ku fur ayib ti iken ti ku tso kuko na Rimam uwog ande. Ande na Yesu meme ku byir atso uwog iki ti a ku kunn baa, Ukag Solomon.

Roma 12:16

Ni som usom-ni uwae kujimshwur tetso. Ni ndub-ni ijwe be, amaa ni ye arwan te ande ti si-ba iken iki be. Ni sa-ni risu-ni tsi baa, ani na si ande ti nung iken be.

1 Korinti 1:10

Ameinja, ame ku jwam ni yi rinyi na Itsekuru-ti Yesu Kristi, ni cwe ira atso ikyaen ti itikata ā ta-yi kutampwa-ni be. Ni kwab ti ni ren risu-ni uwog kinjo ti ira ti kab-ni ā si iken kinjo, ti utob-ni meme.

2 Korinti 13:11

Ira ti ricwunnkyi, ameinja-m, ni som-ni nyinyang. Ni kyaenyang usom ti som-ni. Ni kwab uwae ira ti ame ri te ni. Ni ndeya atso ti ni som usom-ni tetso uwae kujimshwur. Rimam, awu ti ku nda ti ure ti kujimshwur u te ni som te atso.

2 Korinti 2:3

Ayine si iken ti nde nee ame bae na ni kutsingken wu. Kiye wu, ame ku sha-m ti ame na u ru ba tu ni uwe ti uwe u ndembeb utob risu-ni be, ani ande ti ayi si sí ani ti pang ti ni ri jim me utob. Ame sa utob-m tsi baa, utob ti tsen-m u nda ni utob ti tsen ama.

2 Korinti 7:7

Ayi si-yi nyáng uwe Titus amam ti nda ti utob ti tsen be, ira ti awu ba ri te ti risu-ni tsen-ti utob ama. Awu ri tag te ti ira risu itso utob ti jim ti awu ti risu-wu tu uwog-ni. Awu ri te ti ira ure-ni ti jang ken tag risu-m. Awu ri te ti ira na uwae-ni ti ndembeb ikyaen usom ti som-ni te m. Awu ri te ti itso utob ure ti ani sa tsi risu-m u ku sae m te ayibrisi ikyaen iken ti ku tu m. Ayine nda m ame tsen utob skeb ti kucang.

Filipi 1:4

Ame ku tsen utob kiye titini ti ame ku jwam Rimam risu-ni meme,

Filipi 2:16

u ku ri Ira Rimam ti ku nda unyang u ku ye su yi ti ajwo ifaen. Asiti ani a ku nde ahan, ame u pam ipam usir ti Kristi a kafe ba, ikyaen ti itikwab-m ti ame kwab, ti wande-m ti ame nde uwog-ni ā si-yi ukaen be.

Filipi 2:20

Unde iki ta fa-wu Timoti ti site ira ti kab risu-ni ti tinyang pangma awu be.

Filipi 4:2

Ame ku jwam ambakaya-m Ewodiya ti Suntuke baa, a na ya ishaen ti shaen-ba ayi na ta, ti aba na cwe tetso uwae fengo Itsekuru-ti.

Kolosi 2:5

Ikyaen ti, ko ti ame ta te-m ani atang uwae rimenn ijwe be, utob-m ta te ni atang. Ame ku tsen utob ti m nung baa, ani na tsi ting ting uwae fengo Rimam tetso u ku ru uwae kinjo uwog Kristi ti ribom-ni ti atang.

2 Tesalonika 2:13

Amaa ana-ti, ko kiye titini ati ku nde kang fxaefa na Rimam ikyaen-ni, ani ameinja ti Itsekuru ye ure te ni. Ati ku nde fxaefa yine ikyaen ti Rimam tsab ni tsi ti kucang baa, ni na si ande ti kucangtsi uwae ande-wu ti tu itinwangru. Awu nde iken yine yi fengo na Kusung-wu ti nda ni kafe ande-wu ti sisaen ama yi fengo na ira ti kubenti ti ani kyangte, u ru uwae kinjo atang.

2 Timoti 1:4

Ame ku tangsom te ira ti jwub-fu u ku sha ti m sae kang ayib-fu, ikyaen ti utob ti tsen-m ā mumunn.

Filimon 1:20

Ame ku jwam fu, inja, ndeya m uwae ira yine yi rinyi Itsekuru, ti utob-m ā tu ribom uwae usom ti som-ti tetso uwog Kristi.

2 Yohana 1:4

Ame tsen utob timambe ti ame nung ariki uwae anyisu-fu, putsa ira ti kubenti uwae usom ti som-ba, pangma ti Itse-ti nda ti unju.

3 Yohana 1:4

Ti ame ku fxen baa, anyisu-m na ku kyang ikyin uwae kubenti, utob ti tsen iki ta-yi ti skeb ayine be.