Filipi 2:19 - Kutsingken Ira Rimam ti Saen Kyag

¹⁹ Itsekuru-ti Yesu a cwe ira, ame u tsi-m tsi be u tom Timoti ba uwog-ni. Ame ku myae baa, asiti awu a kafe ru ba, awu u ri bom me ijwe ti ira risu usom ti som-ni.

Filipi 2:19 Iomraidhean Croise

Matiyu 12:21

Ama yi rinyi-wu, ande ti utense meme u si te uwaetsi.”

Wande Atom 16:1

Bulus kyang kyakyang ba sang uten ti Derbe ti Lisitira. Unde na Yesu iki ta atang ti rinyi-wu si Timoti. Iya-wu ku ru kubenti ama, awu si unda Mbayawuda. Itse-wu si urae Helene.

Roma 15:12

Ishaya ri ti kucang baa, “Unde ti rishi na Jese u ru ba, awu u nwunn u nae ukwe risu ande ti utense. Aba u sa uwae tsi uwog-wu.”

Roma 16:21

Urwan wande-m Timoti ku kunnji ni ira. Lusiyu ti Jason ti Sosipater, ande ti uten-m, ku kunnji ni ira ama.

1 Korinti 4:17

Nee iken ti nde ame tom Timoti, umbae-m ti utob-m, ti tsi ti kubenti uwae fengo Itsekuru, ru ba uwog-ni. Ame tom wu ti wu na ba tangsom na ni itso iken ti kwen ti ame ku kwen ko aka uwae asog Rimam.

Afisa 1:13

Ama ani ti si-ni Mbayawuda be fxen pu ni ira ti tinyang risu itinwangru-ni ama. Ti ani fxen ira ti kubenti yine, ani ru uwae kinjo uwae-yi. Rimam taen ni awaen uwe yi fengo na Kusung ti Saen kyag ti awu sa sang utob-ni, nee awu yer unju risu-wu ti kucang.

Filipi 1:1

Bulus, ti Timoti, apyi Yesu Kristi, bae kutsingken wune ba ku na ni ande ti ta uten ti Filipi, meme-ni ande ti saen kyag ti putsa Yesu Kristi. Ati bae ku na ni fa ti ande ti uwe-ni, ti ande ti ani tsab ti a na ndeya ba.

Filipi 2:18

Ayi si ahan ama, ni kam ashwu ti ni tsen utob te m tetso.

Filipi 2:28

Né iken ti nde ame ku fifae ti m tom wu ba tu ni, ikyaen ti ayi ā nda ni utob ti tsen kiye ti ani a nung ayib-wu cwucwo. Ayi u ko si m utob-m ti tsi ritsen ikyaen wu ama.

1 Tesalonika 3:2

Ati tom inja-ti Timoti ru ba uwog-ni. Awu si upyi Rimam ti te ti ku tsag Ira Tinyang na Kristi te ande. Ame tom wu ba ti wu na ye ni tsi u ndeya ni ti ni ru uwae kinjo uwog Yesu ru fife yi uwe.

1 Tesalonika 3:5

Nee iken ti nde, isim ti ame som tu-m ti ira ti kab risu-ni cwucwo be, ame tom Timoti ru ba uwog-ni ti wu na ba ri te m ira risu ikyi ti kyang-ni yi fengo Yesu. Ame ku kyen ikyenricwu baa, iki be ukwe kukyaefa na kyaefa pu wu ani, ama itikwab ti ati kwab uwog-ni na u si ti ukaen.

2 Tesalonika 1:3

Ameinja, ayi tsi ti ti utob uwae ko kiye titini ti ati na nde na Rimam fxaefa ikyaen-ni. Ayi si iken ti pang atang ti ti nde, ikyaen ti, ani ku siser yi uwae kinjo ko ku fufa yi uwe. Ti mbwe-yi ama, ure ti unde titini uwae-ni ku ye te ande ti tsitsi ko ku fufa yang-yi ama.

2 Timoti 1:12

Ayine si iken ti nde nee ame ku ngwa rikaen tine. Amaa, ame ku wae-m rukwae be, ikyaen ti, ame nung pu m unde wu ti ame ku ru kubenti uwog-wu. Ame nung pu m baa, awu na nde tu ti wu nungkyi iken ti ame nda wu kujwo ru ka fob ti Usir ti ricwunnkyi.

Yakubu 4:15

Iken ti nyangskeb si ti, unde ā ri baa, “Rimam a cwe ira, u ya ti ta ti unyang, ati u nde ayine ko ayine.”

1 Bitrus 1:21

ani ande ti awu nda ni ru kubenti uwog Rimam, ti kunn nwunn wu uwae iticwu, u nda wu riyinn, mbwe ti kubenti-ni ti uwaetsi-ni ā ta uwog Rimam.