Filipi 2:16 - Kutsingken Ira Rimam ti Saen Kyag

¹⁶ u ku ri Ira Rimam ti ku nda unyang u ku ye su yi ti ajwo ifaen. Asiti ani a ku nde ahan, ame u pam ipam usir ti Kristi a kafe ba, ikyaen ti itikwab-m ti ame kwab, ti wande-m ti ame nde uwog-ni ā si-yi ukaen be.

Filipi 2:16 Iomraidhean Croise

Matiyu 10:27

Ira ti ame ku ri te ni uwae kufub tine, ucwe a fam pu yi, ni ri yi ayib jwunn ande wurr. Meme ira ti ani fxen uwae kitam tine, ni tso usen rukub u sa yi ya iskin atang.

Luka 12:8

Yesu ri te ande ti funn atang baa, “Ame ku ri te ni, unde titini ti a cwe uwe ande baa, awu na si unde-m, Umbae Unde u ri ira ti tinyang risu-wu ama uwe atom Rimam ti apupwen.

Yohana 6:63

I si Kusung Rimam ti ku nda ande unyang ti tsi kukunn. Unde u tu-wu ayi ti ajwo-wu amam be. Ira ti ame ri te ni ne, si ira Kusung, u si ira unyang.

Yohana 6:68

Siman Bitrus ri te wu baa, “Itsekuru-m, Ati u ru ka tu-ti aye? Afu ti site ira ti ku nda ande unyang ti tsi kukunn.

Wande Atom 13:26

“Ameinja-m, ani rishi Ibrahim te ande ti tsitsi ti ku fen Rimam ti ta ike, ira itinwanru yine, a tom yi ba ikyaen-ti meme.

1 Korinti 1:8

Awu ti u ye ni tsi yer fengo-wu ru ka sang ti usir ti ricwunnkyi, ikyaen ti uwae usir wu ti Itsekuru-ti Yesu Kristi a kafe ba, awu u tu-wu ani ti riraen be.

1 Korinti 9:26

Ikyaen na yine, uwae inyae ti ter ti ana-m, ame pu ayib cwutsa iken ti a sa tsi uwe-m akwen u ter ku ru yinn yi atang. Ame si unde ti ben ayib ti nungye fengo ti wu ye urwan-wu si riben.

2 Korinti 1:14

ko ti ani nungye tag-ni tine be. Ikyaen ti usir ti Itsekuru-ti Yesu Kristi a kafe ba pu wu, ani u pam ipam risu-ti pangma ti ati u pam ipam risu-ni.

Galatiya 2:2

Ame ru ka atang ikyaen ti, Rimam tsag te m baa, ame na ru yi atang. Ame tu ande ti uwe atang u ri ira te ba uwae kitam. Ame tsag te ba itso ira tinyang ti ame kyang ku ri te ande ti si-ba Mbayawuda be, ikyaen ti, ame ku sha-m ti wande-m ti kucang ti wande-m ti ame ku nde ajwo kiye wu na si ti ukaen be.

Galatiya 4:11

Ti ani ku nde iken yine, ame ku kyen ikyenricwu baa, wande-m ti ame nde kutampwa-ni si pu yi ti ukaen.

Filipi 1:10

Ame ku sha ti ni na nungye iken ti nyang siskeb ti ani u putsa atang. Ama usir ti Yesu Kristi a ru ba, awu u tu ni, ani som usom ti saen kyag u si-ni te riraen be,

Filipi 1:6

Ame ku ru kubenti baa, awu Rimam ti bag wande ti tinyang riyaen utob-ni, awu na u sa yi ru fife ka tsikunn ti usir ti Yesu Kristi u kafe ru ba.

1 Tesalonika 2:19

Ikyaen ti, uwae ande meme ti fxen Ira Rimam uwog-ti, aye ti u nda ti uwaetsi pangma ani kiye ti Yesu Kristi a kafe ba? Aye ti ati u ndub ijwe atang u pam ipam risu-ba siskeb? Si-yi ani be a.

1 Tesalonika 3:5

Nee iken ti nde, isim ti ame som tu-m ti ira ti kab risu-ni cwucwo be, ame tom Timoti ru ba uwog-ni ti wu na ba ri te m ira risu ikyi ti kyang-ni yi fengo Yesu. Ame ku kyen ikyenricwu baa, iki be ukwe kukyaefa na kyaefa pu wu ani, ama itikwab ti ati kwab uwog-ni na u si ti ukaen.

Mbaibrane 4:12

Ikyaen ti, ira na Rimam site unyang u ku nde wande. Ayi cin skeb pu yi unju kisum wen, u ku sang fife yi riyaen utob unde uwog ti kusung ti unyang rentso atang, ka kwer ti itum akub. Ayi ku nung tag ira ti kab na unde, ti meme iken ti awu ku myae uwae utob-wu.

1 Bitrus 1:23

ikyaen ti, a mbae pu ba ani ti tishe, ti si-yi itimbae na rimenn ijwe be, amaa, ana Kusung ti ku cwu-wu cwu be. Unyang-ni tishe ruye yi ira Rimam ti site unyang ti tsi kukunn.

1 Yohana 1:1

Ira wu ti ati ku ri te ni ne, ta pu wu atang ti kucang akwen. Ati fxen pu ti awu, u sae pu ti awu te ayib, u tekunn pu ti awu te ajwo. Awu si Ira na Unyang.

Ititatso 22:17

Kusung ti Saen kyag, ti Unda ishe, ri baa, “Ba.” Unde ti a ku fxen ira yine, awu ā cwe baa, “Ba.” Unde ti a ku fxen te unwaen, awu ā ba. Awu a ku sha, awu ā ba mbe ambyi unyang ti a ku jab-ba wu jab be.