Filipi 2:13 - Kutsingken Ira Rimam ti Saen Kyag

¹³ Ikyaen ti, Rimam ti risu-wu ku nde wande uwae utob-ni u ku nda ni sha iken ti ku nyang uwae-wu u ku nda ni kpakang ijwe ti ni na nde yi ama.

Filipi 2:13 Iomraidhean Croise

Nehemiya 2:4

Ukwe rang m baa, “Imi ti afu ku sha ti m na nde na fu?” Tiri ame jwam itijwam uwog Rimam ti ta apupwen,

Luka 12:32

“Ni kyen-ni ikyenricwu be, ani iwen-m, ikyaen ti, Itse-ni Rimam ku tsen utob risu Kujwokwe-wu ti awu u nda ni.

Luka 2:14

“Rurob ā si ana Rimam ti skeb tag patag. Kujimshwur ā ba uwog ande ti awu ku tsen utob te ba uwae utense.”

Yohana 3:27

Yohana ri te ba baa, “Unde u tu-wu iken iki be, se ti Rimam a nda wu.

Yohana 6:45

Ti kute ande ti ku ya iskin ira Rimam bae baa, ‘Rimam ti u kwen na ba meme.’ Ande meme ti fxen ira Itse-m u kwen ye ira-wu, awu u ru ba uwog-m.

Yohana 6:65

Awu ri ira iki baa, “Ayine ti si iken ti nde tawe ame ri te ni baa, unde iki na u ru ba fob-wu uwog-m amen be, se unde ti Itse-m Rimam a cwe na wu.”

Wande Atom 11:21

Kuko Rimam ta te ba. Ande yang-ba nwunn ba ru kubenti uwog Yesu u kafe ba uwog Rimam.

Roma 12:3

Ikyaen kuko ti Rimam nda m, ame ku ri te unde titini uwae-ni baa, awu na ā ndub-wu ijwe be. Ni myae ijwe-ni uwae ira ti kab. Unde titini uwae-ni ā myae risu-wu pang ti kuko na uwae kinjo ti Rimam nda wu.

Roma 9:11

Ti ti anyisu aba ta ti uwae rishwu, ama a nde-ba iken iki be, ko itinyang ko ititibi, ti ayi ā kumunn utob Rimam, ama ikyaen ti ititsab-wu ā ru yi uwe, Rimam ri ira te wu ti wu tatso baa, ititsab-wu na si-yi ikyaen kujwo wande unde iki be, amaa, ikyaen itikunn-wu, ti awu ku tsab ande ti awu ku sha.

Roma 9:16

Wande Rimam konje-yi iken ti utob unde ku sha, ko kujwo wande na unde iki be, amaa, yi ayibrisi Rimam.

1 Korinti 12:6

Fengo ti ande ku nde wande txi txi txi, amaa, ayi si sí Rimam kinjo rikaen ti ku nda ande kuko titawe aba ku nde wande yi.

1 Korinti 15:10

Amaa, Rimam, uwae rinyangwae-wu, awu nda m ame si iken ti ame si ne. Ayibrisi ti awu sae m ne si-yi ukaen amen be. Ayi nda m ame kwab skeb tag ande ti atom ti tsitsi meme. Ayi si-yi uwae kuko-m ti risu-m nee ame nde wande ne be, ayi si rinyangwae Rimam ti te m ta tetso.

2 Korinti 3:5

Ati ti risu-ti u nde tu-ti iken iki be. Ati u nde tu-ti wande iki ti ribom ijwe-ti be. Rimam amam ti nda ti, ati nde tu iken.

Afisa 1:11

I si ikyaen na Kristi ti Rimam tsab ti tsi ti ti na ci rifunn-wu. Ayine si kumyae na Rimam, awu ti ku nda iken meme kyang ikyin pangma ira ti awu myae tsi.

Afisa 1:5

Awu ye ure te ti ti kucang akwen u myae mam-wu mam baa, awu na u sa ti kafe anyisu-wu ikyaen kujwo wande na Yesu Kristi. Ayi nyang uwae-wu ti wu na u nde iken yine.

Afisa 1:9

awu nde iken ti awu myae tsi ti kucang u tatso ti ira ti kitam-wu pangma ti awu myae mam wu mam baa, awu na u ru ba nde yi ti kujwo wande na Yesu Kristi.

Afisa 2:8

I si ikyaen rinyangwae na Rimam ti ani nwangru kiye ti ani ru uwae kinjo uwog na Yesu Kristi. I si-yi ikyaen itikwab-ni ti ani nde be, ayi si iken ti Rimam nde na ni ti rinyangwae.

2 Tesalonika 1:11

Ikyaen ayine, ati ku jwam Rimam risu-ni ko usir titini ti wu na ndeya ni ikyaen ti, pangma ti awu kunn ni ti kucang ti ni na si ande ti kubenti, ni si ahan! Awu ā nda ni kuko ti ni nde iken ti tinyang meme ti ani ku sha ti ni na nde. Awu ā nda ni kuko ti ni nde tag wande ti uwae kinjo-ni nda ni ku nde.

2 Timoti 1:9

Rimam nwangru ti u kunn ti baa, ati na som usom ti sisaen. Ayi si-yi ikyaen iken iki ti ati nde be, ayi si ikyaen itimyae ti awu myae tsi ti rinyangwae-wu. Rinyangwae na Rimam ne, awu nda ti ti kiye ti awu kyae-wu utense khika be, yi fengo na Yesu Kristi.

Mbaibrane 13:21

awu ā nda ni iken ti tinyang meme ikyaen ti ni u nde wande ti nyang uwae-wu. Awu ā nde wande riyaen utob-ti yi fengo ti u nyang uwae-wu, putsa uwog Yesu Kristi, ti riyinn ti kuko ā si ana-wu, tsikunn ike ru fe yi uwe. Ayi ā si ahan!

1 Bitrus 1:3

Ti nde fxaefa na Rimam ti si Ite na Itsekuru-ti Yesu Kristi, ikyaen ti, uwae ayibrisi-wu ti kuko, awu nda ti unyang tishe yi uwae itinwunn na Yesu Kristi uwae iticwu. Ayine nda ti sa uwae tsi