Filipi 2:12 - Kutsingken Ira Rimam ti Saen Kyag

¹² Arwan-m ti utob-m, ti ani putsa pu ni kusen ti fwa-m kiye ti ame te ni ta tetso, tine ama ti ame te ni ta-m tetso be, ni kwab ti ni ru yi uwe ti ni mam tag wande na itinwangru-ni ti ijwe ti fwer ti ikyenricwu uwe Rimam.

Filipi 2:12 Iomraidhean Croise

Matiyu 11:12

“Tsi kiye ti Yohana bag ku nde batisma ba sang tine, a ku ta rika te Kujwokwe Rimam. Ande ti ku nde iken ti ribom ku kwab ti a u shir mbe ra wu.

Matiyu 11:29

Ni ye usu ti ana-m tso risu-ni, ti ni kwen iken uwog-m, ikyaen ti, ame ku nde iken-m skuu skuu ti risu ti nae riben. Ni ba uwog-m ti ni pu unyang.

Wande Atom 16:29

Unde wu kunn ira baa, a na sa urwa na ba u ter sang u ka jwunn ikyig uwe Bulus ti Sila, ijwe-wu ku fufwer.

Wande Atom 9:6

Nwunn ti tsi ritsen. Sang uwae uka ne. Afu a ka pu fu atang, a u ri te pu ba afu iken ti fu u nde.”

Roma 2:7

Ariki ye utob, u tsikunn ti ku nde kujwo wande ti tinyang, u ku sha ti Rimam na nda ba kuko ti rurob ti unyang ti tsi kukunn. Rimam u nda ba unyang ti tsi kukunn.

1 Korinti 15:58

Ikyaen yine, ameinja-m ti riyaen utob-m, ni tsi ti kubenti, ni yer-ni anying utob be, ni kwab ti ribom-ni meme uwae wande Rimam ko kiye titini, ikyaen ti ani nungye pu ni baa, wande ti ani na ku nde na si-yi ukaen uwog Rimam be.

1 Korinti 2:3

Kiye wu ti ame te ni ta tetso, ame si-m ti kpakang be. Ikyen ricwu ye m, ijwe-m fwer ken tag.

1 Korinti 4:14

Ame bae-m ira yine ikyaen ti m nda ni rikwae ti wae be. Ame ku fa ni kusen ikyaen ti, ani si anyisu-m ti utob uwae-m.

2 Korinti 7:15

Tine, awu site ure te ni ti ko ku fufa ru fife yi uwe, ikyaen ti awu ku tangsom te fengo ti ani nae risu riben na wu, u nda wu rurob u fxen wu ti ikyenricwu.

Afisa 6:5

Ani ande ti si apyi, ni nae risu riben na ande ti ta risu-ni utense ike. Ni kyen ba kyen, ti ni fwer ijwe uwe-ba. Ni nde na ba wande ti utob kinjo pangma ti ani u nde yi na Kristi.

Filipi 1:27

Ni som itso usom ti pang atang uwog ande ti putsa ira tinyang na Kristi. Asiti ame a kafe ba tu ni, ko ame a kafe ba-m cwucwo be, ame ku sha ti m fxen ira ti tinyang risu-ni baa, ani na ku tsi ting ting ti utob kinjo u ku ren risu ti uwog kinjo ikyaen iken ti ati ru uwae kinjo atang, ti si Ira Tinyang na Kristi.

Filipi 1:29

Ikyaen ti, pangma ti Rimam cwe na ni baa, ani na ru uwae kinjo uwog Yesu Kristi, awu ama cwe na ni baa, ani na u ngwa rikaen ikyaen-wu ama.

Filipi 1:5

ikyaen ti nee, ani te m ku tsag Ira tinyang Yesu tetso te ande, sa ti usir ti ame ka uwog-ni ru ba kwar tine.

Filipi 1:6

Ame ku ru kubenti baa, awu Rimam ti bag wande ti tinyang riyaen utob-ni, awu na u sa yi ru fife ka tsikunn ti usir ti Yesu Kristi u kafe ru ba.

Filipi 2:19

Itsekuru-ti Yesu a cwe ira, ame u tsi-m tsi be u tom Timoti ba uwog-ni. Ame ku myae baa, asiti awu a kafe ru ba, awu u ri bom me ijwe ti ira risu usom ti som-ni.

Filipi 4:1

Ameinja-m ti utob uwae-m ti utob-m tsi ti m sae ayib-ni. Ani ti ku nda m utob ti tsen u si kujwojang wande-m yi fengo Rimam. Ni tsi ting ting yi fengo Itsekuru, ande ti ure-m.

Filipi 4:15

Ani ande ti Filipi ti risu-ni nung pu ni baa, sa ti kiye ti ame nwunn Makedoniya u bag ira ti tinyang ti ti ri uwog-ni, kumbub ande na Rimam iki ndeya-ba ame be, ani amam ti ren risu te m uwae ititindeya atso.

1 Tesalonika 1:3

Uwe Itse-ti Rimam, ati ku tangsom te wande ti tinyang ti ani ku nde ru ye uwae kinjo-ni ti ani ru uwog Yesu Kristi. Ure-ni ti ku nda ni kwab fengo Rimam si-yi ti ti ri be. Ati nung baa, ani sa uwae tsi risu-wu ku ru ru yi uwe uwe.

2 Timoti 2:10

Ikyaen yine ame cwe ti m u ngwa rikaen meme ikyaen na ande ti Rimam tsab tsi, ikyaen ti aba ama ā tu itinwangru uwog Yesu Kristi fa ti riyinn ti tsi kukunn.

Mbaibrane 12:1

Somtsa yi uwae kinjo ande bane ti pakob ti ti rikob, ti tur meme iken ti ku rob ti ijwe tika. Ti fxae ikentitibi ti ku shir ti ti isim. Ti ti ru yi uwe uwae inyae ti ter, ti utob ti ye ka sang ricwunnkyi.

Mbaibrane 4:1

“Ikyaen yine, unju ti yer na Rimam risu itisang uwog unyang ti pu-wu, tsi ti atang. Ti kyen ikyenricwu mbwe ti unde iki uwae-ti ā shanum-wu itisang uwog unyang ti pu Rimam be.

Mbaibrane 4:11

Ikyaen yine, ameinja, unde titini uwae-ti ā kwab ti awu tu unyang ti pu na Rimam wune, ikyaen ti unde iki uwae-ti ā nde-wu iken ti kpag risu pangma ti abitse-ti nde, u jwunnsi be.

Mbaibrane 5:9

Ti awu site-wu riraen be, awu kafe ipab na itinwangru ti tsikukunn uwog patag ande ti nae risu riben na wu.

1 Bitrus 2:11

Ame ku ri te ni ande ti ure-m, ani ti si rikyen utense ike, u si-ni ande ti uten be, ni nwaen ru risu-ni uwae ijaen rimenn ijwe ti ku mbub rika te unyang-ni.

2 Bitrus 3:18

Amaa, ni siser yi rinyangwae ti ben-ayib ti ani ku tu uwog Itsekuru-ti Yesu Kristi Unde ti Nwangru ti. Rurob ti riyinn ā si ana-wu ru fife yi uwe! Ayi ā si ahan.