Filipi 2:11 - Kutsingken Ira Rimam ti Saen Kyag

¹¹ Ama meme ujaen unju ā ri tso baa, Yesu Kristi na si Itsekuru ikyaen rurob na Rimam Itse.

Filipi 2:11 Iomraidhean Croise

Matiyu 10:32

“Unde titini ti a ri tso kubenti te ande baa, ame na si Itsekuru-wu, ame u kunn rinyi-wu ama uwe Itse-m ti ta apupwen.

Luka 2:11

Yaka ne uwae uten na Ukwe Dawuda a mbae na pu ba ani unde ti u nwangru ni. Awu ti si Unde wu ti Rimam Tsab Tsi! Awu ti si Itsekuru-ti.

Yohana 12:42

Ko ti ayi si ahan, ande ti uwe uten yang-ba akwen ru uwae kinjo uwog Yesu. Amaa ikyaen ti aba ku kyen ikyenricwu ande ti kumbub Farisi, a ri-ba ira iki risu-yi be. Aba ku kyen ricwu baa, a na u rwae ba rwae kusog Rimam.

Yohana 13:13

Ani ku kunn me baa, Unde ti uwe, u ku kunn me baa, Itsekuru. Ayi nyang timambe, ikyaen ti ayi si ahan ara.

Yohana 13:14

Ame ti si Itsekuru-ni u si Unde ti uwe-ni, amaa ame jwo na ni afxen. Ani ama ā jwo na atso afxen.

Yohana 14:13

Ama ko iken titini ti ani a jwam yi rinyi-m meme, ame u nde yi ikyaen ti ande na u nda Itse-m kuko ikyaen Umbae-wu.

Yohana 14:23

Yesu ri te ba baa, “Unde titini ti a ku ye ure te m, awu u nae risu riben te ira-m ti ame ku ri. Itse-m u ye ure te wu, ama ame ti Itse-m u ru ba te wu som tetso.

Yohana 17:1

Isim ti Yesu ri mam fe ira yine, awu pu ayib tso yi apupwen u ri baa, “Itse, kiye ru ba pu yi, nda ande ti a nungye rurob ukwe na Umbae-fu, ikyaen ti Umbae-fu ú tatso ande rurob ukwe-fu ama.

Yohana 20:28

Toma ri te wu baa, “Afu si Itsekuru-m! Afu si Rimam-m!”

Yohana 5:23

ikyaen ti ande meme na nda Umbae Rimam kuko pangma ti aba ku nda Itse-wu Rimam. Unde ti a ku nda-wu Umbae Rimam kuko be, ye si Itse-wu Rimam ti tom wu ba.

Yohana 9:22

Aba ri ira yine ikyaen ti, aba ku kyen ikyenricwu ande ndufu, ikyaen ti, ande ndufu aba yer mam pu ba unju baa, unde titini ti a ri baa, Yesu na si Unde wu ti Rimam na Tsab Tsi, aba na u jae wu ru yiye Kusog Rimam.

Wande Atom 10:36

Ani fxen pu ni ira tinyang ti a ri te ande ti Isirela baa, a na u tu utob ti jimshwur yi uwog Yesu Kristi, Itsekuru na ande meme.

Wande Atom 2:36

Ikyaen na yine, meme ande ti Isirela ā nung nyinyang baa, Yesu wune ti ani sa kwer risu kutuku ti ta cice, si si awu ti Rimam Tsab Tsi u sa tsi risu ande meme.”

Roma 14:11

Pangma ti a bae uwae Kutsingken ti kucang baa, “Rimam ku ri baa, Kubenti, ande meme u ba ku riben uwe-m. Unde titini u ri tso ti unju-wu baa, ame na si Rimam.”

Roma 14:9

Iken ti nde nee Yesu Kristi cwu ricwu u ba nwunn ti unyang, si ikyaen ti, awu ā si Itsekuru na ande ti tsi ti unyang, ti ande ti cwucwu meme.

Roma 15:9

Cwucwo Yesu ru ba ikyaen ti wu na nda ande ti si-ba Mbayawuda be fengo ti a u nde fxaefa na Rimam ama, ikyaen ayibrisi-wu uwog-ba. Pangma ti a bae uwae Kutsingken Rimam baa, “Ame u nda fu kuko kutampwa ande ti si-ba Mbayawuda be, ame u yang akyang u teb rinyi-fu.”

1 Korinti 12:3

Tine ame ku sha ti ni na nungye baa, asiti ayi a si Kusung ti Saen Kyag ti ta utob unde, unde wu u rimbeb-wu Yesu be. Cwucwo, unde iki u ri tu-wu baa, Yesu na si Itsekuru-wu be, se Kusung Rimam a ndeya pu wu awu.

1 Korinti 15:47

A kyae ijwe Adamu ti kucang te isa riben, amaa, Adamu ti ifaen sī apupwen ba.

1 Korinti 8:6

amaa, ati nung pu ti baa, Rimam na si kinjo rikaen. Awu ti si Itse-ti. Awu ti kyae iken ti ta utense meme. Awu kyae ti ti ati na som usom-ti ikyaen-wu. Ati site nyang Itsekuru kinjo ama. Awu si Yesu Kristi. Uwae wande ti ana-wu, Rimam kyae iken meme. Yi uwog-wu ati site unyang.

1 Bitrus 1:21

ani ande ti awu nda ni ru kubenti uwog Rimam, ti kunn nwunn wu uwae iticwu, u nda wu riyinn, mbwe ti kubenti-ni ti uwaetsi-ni ā ta uwog Rimam.

1 Yohana 4:15

Unde ti a ri tso ti unju-wu baa, Yesu na si Umbae Rimam, Rimam u te wu ta tetso, awu ama te Rimam ta tetso.

1 Yohana 4:2

Fengo ti ati u nungye Kusung ti si ana Rimam ta re, kusung ti a ri tso baa, Yesu Kristi na ba utense uwae rimenn ijwe, kusung wu ru uwog Rimam ba.

2 Yohana 1:7

Ande ti ku kyaefa ande yang-ba akwen sang ba pu ba utense. Aba ku ri baa, ayi na si-yi kubenti ti Yesu Kristi na sang ba utense uwae rimenn ijwe unde be. Utso ande bane ti si ande ti kukyaefa, u si ande ti kuka Kristi.

Ititatso 3:5

Unde ti a ci rika, a u sī na wu atupwa ti tsen, ama ame u fen mbeb-m rinyi-wu uwae kutsingken unyang be. Ame u ri unju ti tinyang risu-wu uwe Itse-m ti atom-wu ti apupwen.”