Filipi 2:10 - Kutsingken Ira Rimam ti Saen Kyag

¹⁰ Ikyaen ti, yi rinyi na Yesu, meme ande ti ta apupwen, ti aba ti ta riben ike, ti aba ti ta uwae riben, aba ā jwunn ikyig.

Filipi 2:10 Iomraidhean Croise

Kucangtsi 41:43

Awu sa Yusufu kafe unde ti kotub-wu, u nda Yusufu kuskus ti kya fa kakum-wu ti ifaen ti awu na tso. Ti awu kyang ku ru, ande ku ya iskin baa, “Ni ya fengo ta! Ni ya fengo ta.” Ayi si fengo ayine ti Ukwe sa Yusufu ta risu uten Ejib.

Matiyu 12:40

Pangma ti Jona nae uwae rishwu iwag ka usir ita ti utitang ita, Umbae Unde ama u ta uwae riben usir ita ti utitang ita.

Matiyu 27:29

Aba ru ka kyae ikajwo pangma ubur ukwe u sa bur wu risu u sa ukum iki fae si kujwo rici-wu baa, awu na si ukum ukwe-wu. Ama aba ku fen wu u ku ri baa, “Ati ku nde fu suko, afu Ukwe Mbayawuda.”

Matiyu 28:18

Ama Yesu ba ri te ba baa, “Meme kuko ti ta apupwen ti kuko ti ta riben ike, a nda pu ba ame kujwo.

Roma 11:4

Amaa, imi ti Rimam ri te wu? Awu ri baa, “Ame pu ande kumbub itsongfaen tsi ti ku fen-ba apxin Baal wune be.”

Afisa 1:10

Ira ti awu myae tsi si ti, asiti kiye ti awu sa tsi a nde pu wu, awu u kyae nyang meme iken ti awu mam, iken ti ta apupwen fa ti ayi ti ta riben ike u sa yi kyang ikyin te atso ikyaen wande na Yesu Kristi, awu ti ta risu-yi meme.

Afisa 3:14

Ikyaen yine, ame ku jwunn ikyig uwe Itse-ti Rimam,

Afisa 4:9

A bae baa, “Awu kafe tso yi apupwen akwen.” Ayine tatso baa, ti uwe-yi awu na si ba si fife yi riben utense.

Mbaibrane 1:6

Cwucwo, kiye ti awu tom Umbae kucang-wu ba utense, awu ri baa, “Patag atom Rimam ti apupwen ā fen wu.”

Ititatso 20:13

Ande ti ngwa cwu uwae uyinn, uyinn cwo pu ba tso. Iticwu ti Kinjag cwo pu itikicwu ti ta riben ama tso. A pwen ba rikwen meme pang ti iken-ba ti aba nde.

Ititatso 4:10

ande ndufu rikom asu inje bane ku jwunn ikyig uwe Awu ti somtsa kutxomkwe, ti tsi yiyer ru fife yi uwe, u ku fen wu. Aba ku mbub ubur-ba cwu riben uwe kutxomkwe atang, u ku teb wu baa,

Ititatso 5:3

Amaa, a tu-ba unde iki apupwen, ko utense, ko uwae kinjag, ti ko ti wu mbubta kupwa wu, ko ti wu sae iken ti a bae uwae atang be.