Filipi 1:9 - Kutsingken Ira Rimam ti Saen Kyag

⁹ Ame ku jwam Rimam baa, ure yi ti ani site na ā ko fufa ru yi uwe, ti ani na u site ben-ayib ti itinungye ko fufa.

Filipi 1:9 Iomraidhean Croise

1 Korinti 14:20

Ame ku jwam ni, ameinja, ni kab-ni ira pangma anyisu tinying be. Ayi a si ira ikentitibi ti ti nde, ni kwab ti ni si pangma umbae ibyaen. Amaa, ayi a si ira ti myae, ni kwab ti ni myae ira pangma ande ndufu.

2 Korinti 8:7

Ani ande ti Korinti ta uwe uwae iken ti ani ku nde meme. Ko ayi a si uwae kinjo ti ani ku ru, ko ayi a si ira Rimam ti ani ku ri te ande, ko itinung na ira ti kubenti, ko ayi a si itikwab-ni fengo Rimam, ko ayi a si ure ti ati ye nwunn uwae-ni, ani ti skeb tag.

Afisa 5:17

Ikyaen yine ni si-ni ande ti kuskwab be. Ni kwab ti ni nung iken ti Itsekuru-ti Rimam ku sha ti ni na nde.

Kolosi 1:9

Né iken ti nde, ti kiye ti ati fxen ira risu-ni, ati tsikunn ti ku jwam Rimam ikyaen-ni baa, awu na u kumunn ni te itinungye iken ti awu ku sha, u nda ni ben-ayib, ti iyii ti si ana kusung

Kolosi 3:10

Tine ani sa utob ti tishe ba fenkyi utikyi wu. Awu ti tishe wune, i si Rimam ti kyae wu ti kucang. Ama Rimam tsi kunn ku kyae nyang wu ikyaen ti awu na ā nyang pangma itinyang-wu Rimam ti risu-wu. Awu ku nda ni nungye iken ti ana-wu Rimam ku ru yi uwe uwe.

1 Tesalonika 3:12

Itsekuru-ti ama ā nda ni ti ure-ni ti ani ye tetso te ande meme ā ser u munn kyikyi pangma ti ure-ti ikyaen-ni munn kyikyi né.

1 Tesalonika 4:1

Ira-ti ti ricwunnkyi ta re, ameinja. Ani kwen mam pu ni uwog-ti itso usom ti som ti Rimam ku sha. Ani ku som ahan tine, amaa ati ku jwam ni u ku mbyae ajwo yi rinyi na Itsekuru-ti Yesu baa, ni kwab ti itso usom ti som wune ā ko fufa ru yi uwe.

2 Tesalonika 1:3

Ameinja, ayi tsi ti ti utob uwae ko kiye titini ti ati na nde na Rimam fxaefa ikyaen-ni. Ayi si iken ti pang atang ti ti nde, ikyaen ti, ani ku siser yi uwae kinjo ko ku fufa yi uwe. Ti mbwe-yi ama, ure ti unde titini uwae-ni ku ye te ande ti tsitsi ko ku fufa yang-yi ama.

Filimon 1:6

Ame ku jwam Rimam baa, uwae kinjo ti ren ti tetso yi fengo Kristi u nda fu nungye tag iken meme ti si ana-ti uwae usom ti som-ti te Kristi.

Mbaibrane 5:14

Amaa, asiti unde a ku kab tu ira u kwen ye pu wu iken ti si kubenti ti iken ti si rifen, unde wune serben pu wu u fxae pu wu abyaen ti nyam u ku ci kiraen tiri.

1 Bitrus 1:22

Tine ani nae pu ni risu riben te ira Rimam ti kubenti, u jwosaen pu ni utob-ni, u site ure ti kubenti na ameinja. Ikyaen yine, ni ye ure te atso ti utob-ni meme,

2 Bitrus 3:18

Amaa, ni siser yi rinyangwae ti ben-ayib ti ani ku tu uwog Itsekuru-ti Yesu Kristi Unde ti Nwangru ti. Rurob ti riyinn ā si ana-wu ru fife yi uwe! Ayi ā si ahan.