Filipi 1:7 - Kutsingken Ira Rimam ti Saen Kyag

⁷ Ayi si iken ti pang atang ti ame ku tang itso ira yine risu-ni, ikyaen ti, ame u munnji-m te ni be. Ati ku tu rinyangwae Rimam tetso tine ti ame ta uwae pursuna, ti kiye ti ame ta ise ku tsag te ande ira ti tinyang.

Filipi 1:7 Iomraidhean Croise

Wande Atom 20:23

Iken kinjo ti ame nung amam si ti, ko aka ti m ku sang atang, Kusung ti saen kyag ku ri te m baa, rikaen ti pursuna na tsi ku ji me uwe.

Wande Atom 21:33

Unde ti uwe akyirten ru ka tu Bulus, u ye wu u nda akyirten-wu a na pu aser ifaen na cwong wu. Tiri awu rang ande ba baa, “Unde wune si aye? Imi ti awu nde?”

1 Korinti 13:7

Ure ku ye utob uwae iken meme. Awu ku tsikunn ti ku ru kubenti, u ku tsikunn ti ku sa uwae tsi ama ku kaen kutxom sur utob uwae iken meme.

1 Korinti 9:23

Ira ti tinyang ti nda m nde iken yine meme, ikyaen ti m tu kutunn-m uwae itinyang ti ta uwae atang.

2 Korinti 3:2

Ani ti risu-ni ti si kutsingken-ti ti ati sa bae si uwae riyaen utob-ti, ikyaen ti ande meme na sae u nùng putsa.

2 Korinti 7:3

Ame ku ri-m ira yine ti ame u tu ni ti riraen be, ikyaen ti, pangma ti ame ri te ni kucang, ani si ande ti ayib ricwu-ti. Ko ayi a si iticwu, ko itiser, ati te ni ta te atso.

Galatiya 5:6

Ikyaen ti, asiti unde a kyangte Yesu Kristi, ko awu a tsen kutxin ko awu a tsen-wu be, ayi si-yi ira iki be. Iken tiyang si ti ati u site uwae kinjo u tatso uwae kinjo wune uwae ure ti ati ku ye te ande.

Afisa 3:1

Ikyaen yine, ame Bulus, ti Yesu Kristi ye m kwar uti ikyaen-ni ande ti si-ni Mbayawuda be, ame ku jwam Rimam risu-ni.

Afisa 4:1

Ikyaen yine, ame Bulus ti nae pursuna ikyaen Itsekuru-ti, ame ku jwam ni baa, pangma ti Rimam kunn ni ti ni na som usom ti kubenti, ni som usom pangma ti awu ku sha.

Afisa 6:20

I si ikyaen ira Rimam yine nee awu tsab m baa, ame na ru ka ri ira yi te ande kutunn unju-wu, ko ti ame ta uwae pursuna ne. Ikyaen yine, ni jwam Rimam ikyaen ti m na ri ira ti ribom pangma ti awu ku sha.

Filipi 1:12

Ameinja, ame ku sha ti ni nung baa, ira titibi ti tu m ike ne ndeya ira Rimam timambe. Ayi nda yi ku ru ru yi uwe uwe skeb ti kucang.

Filipi 1:13

Ricwunnkyi-yi, ayi nda akyirten ti meme ande ti ku nungkyi m uwae pursuna ike nungye paenine baa, ayi na si ikyaen ira Kristi nee a cwunn kyi m.

Filipi 1:14

Ama ameinja yang-ba akwen tsi ting ting fengo Itsekuru-ti Yesu skeb ti kucang, kiye ti aba nung baa, a na ye m cwunnkyi. Aba tsi ti kpakang u ku ya iskin ira Rimam, ikyenricwu ta-yi cwucwo be.

Filipi 1:5

ikyaen ti nee, ani te m ku tsag Ira tinyang Yesu tetso te ande, sa ti usir ti ame ka uwog-ni ru ba kwar tine.

Filipi 2:22

Ani nung pu ni awu. Awu site utob ti tinyang u te m nde wande pangma itse ti umbae tetso u ku ri te ande ira tinyang.

Filipi 4:14

Ko ti ayi si ahan, ayi nyang timambe ti ani cwe u ndeya m uwae rikaen-m.

Filipi 4:15

Ani ande ti Filipi ti risu-ni nung pu ni baa, sa ti kiye ti ame nwunn Makedoniya u bag ira ti tinyang ti ti ri uwog-ni, kumbub ande na Rimam iki ndeya-ba ame be, ani amam ti ren risu te m uwae ititindeya atso.

Filipi 4:3

Afu urwan wande-m ti kubenti, ame ku jwam fu, ndeya anda abane, ikyaen ti, aba te m kwab tetso uwae wande na ira tinyang na Yesu, fa ti Kilementi ti itaen ti tsitsi ti nde wande te m. Ame tang baa, rinyi-ba ta uwae kutsingken na rinyi ande ti tu unyang tishe.

Kolosi 4:18

Ti kujwo-m ame Bulus ku bae kukunnji wune. Ni munnji-ni te uji kiser ti a yir me te yi be. Itinyang na Rimam ā te ni som tetso.

Kolosi 4:3

Ni jwam Rimam risu-ti ama, ti awu ā nda ti riyae ti ti na sa ira-wu tsag te ande u mbubta na ba ira ti kitam risu Kristi. I si ikyaen ira yine nee a ye m cwunnkyi.

1 Tesalonika 5:5

Ikyaen ti, meme-ni si ande ti ku putsa uwog ti sisaen. Ucwe yae pu wu ani. Ani ku nde iken-ni ti usirtaen. Ati ande na Rimam si-ti ande ti ku kyang uwae kufub ko utitang be.

2 Timoti 1:8

Ikyaen na yine, wae-fu rukwae ti fu tsag ira Itsekuru-ti te ande be. Ame ama ti a ye m cwunnkyi ikyaen Itsekuru-ti, wae-fu rukwae m be. Sa ijwe-fu konje kuko na Rimam ama ti sang fa me uwae rikaen na wande na ira Rimam ti ti tsag te ande.

2 Timoti 2:9

u ku ngwa rikaen ikyaen-yi ba sang ti uwog ti a yir me ti uji kiser pangma ame na raen ira. Amaa, a yir tu-ba ira Rimam be.

Filimon 1:13

Á baa, awu na u som te m, ayi ú nyang timambe ikyaen ti, awu ú ndeya m kutunn unju-ni uwae kiye wune ti ame ta-m pursuna ikyaen ira tinyang na Yesu.

Mbaibrane 3:1

Ikyaen yine, ameinja ti sisaen, ti te ti tu itikunn Rimam tetso, ni tangsom te Yesu ti ati ku ri te ande baa awu na si Atom Rimam u si kukwen-ti tiyang.

1 Bitrus 4:13

Ni kam ashwu ikyaen ti ani ku ngwa rikaen pangma ti Kristi ngwa. Ama kiye ti awu a kafe ba uwae riyinn-wu, ani u tsen utob u pam ipam.

1 Bitrus 5:1

Ikyaen ayine, ame ku ri ira te ande ndufu ti ta uwae-ni. Ame ti risu-m si unde ndufu u si kinjo uwae ande ti tsi u sae rikaen ti Kristi ngwa. Kiye ti awu a ru ba ku tatso kuko-wu uwog ande, ame u tu kutunn-m atang ama.

2 Bitrus 1:13

Ame ku kab baa, ti ti ame tsi user ti atang, ayi nyang ti m tangsom ni ira risu iken yine ko kiye titini,

1 Yohana 3:14

Ati nung pu ti baa, ati na nyatsa pu ti kukwae iticwu, u ta pu ti uwog unyang ti tsi kukunn. Ati nung ayine ikyaen ti, ati ku ye ure te ameinja. Unde ti a site-wu ure be, awu ta ti uwae iticwu.