Filipi 1:6 - Kutsingken Ira Rimam ti Saen Kyag

⁶ Ame ku ru kubenti baa, awu Rimam ti bag wande ti tinyang riyaen utob-ni, awu na u sa yi ru fife ka tsikunn ti usir ti Yesu Kristi u kafe ru ba.

Filipi 1:6 Iomraidhean Croise

Yohana 6:29

Yesu ri te ba baa, “Wande ti ku nyang uwae Rimam si ti ni ru uwae kinjo uwog unde ti awu tom ba.”

Wande Atom 11:18

Ira Bitrus sang utob-ba, a ya ishaen ti shaen ta. Aba ku teb rinyi Rimam, a ku ri baa, “Rimam nda pu wu ande ti si-ba Mbayawuda be ama fengo ti a ya ikentitibi-ba ta u ba tu unyang ti tsi kukunn!”

Wande Atom 16:14

Kinjo uwae-ba ti fxen ti si Lidiya, unda iki ti ruye uka ti Tiyatira. Awu si unda ti ku jabci te atupwa. Awu si unda ti ku fen Rimam. Itsekuru mbubta riyaen utob-wu ti wu naa atong ira yi ti Bulus ku ri.

1 Korinti 1:8

Awu ti u ye ni tsi yer fengo-wu ru ka sang ti usir ti ricwunnkyi, ikyaen ti uwae usir wu ti Itsekuru-ti Yesu Kristi a kafe ba, awu u tu-wu ani ti riraen be.

2 Korinti 1:15

Ame ru kubenti uwae ira yine, nee iken ti nde ame sa tsi ti kucang baa, ame na u ru tsa uwog-ni kiye ti ame a kafe ku ru yi Makedoniya.

2 Korinti 2:3

Ayine si iken ti nde nee ame bae na ni kutsingken wu. Kiye wu, ame ku sha-m ti ame na u ru ba tu ni uwe ti uwe u ndembeb utob risu-ni be, ani ande ti ayi si sí ani ti pang ti ni ri jim me utob. Ame sa utob-m tsi baa, utob ti tsen-m u nda ni utob ti tsen ama.

2 Korinti 7:16

Ame ku tsen utob ikyaen ti, ame u nde tu ti m sa ijwe-m konje ni ko kiye titini.

2 Korinti 9:4

Ayi a si-yi ahan be, asiti ande ti Makedoniya iki a putsa m ba uwog-ni u ba nung baa, ani na kyae-ni ijwe ikyaen wande yine be, ati u wae rukwae timambe ikyaen ijwe ti ati ndub risu-ni. I si-yi ati amam ti u wae rukwae be, ani ama u wae rukwae.

Galatiya 5:10

Ti ati ta te atso uwae fengo Itsekuru-ti Yesu ame sa uwae tsi baa, ani na u putsa-ni fengo iki txi ti ana-m be. Awu unde wu ti ku ye ni kyirunn kyirunn, ko awu a si aye ahoo, Rimam ti u pwen wu rikwen.

Afisa 4:12

Awu nde iken yine ikyaen ti wu na kyae ande na Rimam tsi, ikyaen ti a na ndeya atso yi wande Rimam, ti a na mbye kumbub ande Rimam ti si ijwe rimenn Kristi,

Filipi 1:10

Ame ku sha ti ni na nungye iken ti nyang siskeb ti ani u putsa atang. Ama usir ti Yesu Kristi a ru ba, awu u tu ni, ani som usom ti saen kyag u si-ni te riraen be,

Filipi 1:29

Ikyaen ti, pangma ti Rimam cwe na ni baa, ani na ru uwae kinjo uwog Yesu Kristi, awu ama cwe na ni baa, ani na u ngwa rikaen ikyaen-wu ama.

Filipi 2:12

Arwan-m ti utob-m, ti ani putsa pu ni kusen ti fwa-m kiye ti ame te ni ta tetso, tine ama ti ame te ni ta-m tetso be, ni kwab ti ni ru yi uwe ti ni mam tag wande na itinwangru-ni ti ijwe ti fwer ti ikyenricwu uwe Rimam.

Filipi 2:13

Ikyaen ti, Rimam ti risu-wu ku nde wande uwae utob-ni u ku nda ni sha iken ti ku nyang uwae-wu u ku nda ni kpakang ijwe ti ni na nde yi ama.

Filipi 2:16

u ku ri Ira Rimam ti ku nda unyang u ku ye su yi ti ajwo ifaen. Asiti ani a ku nde ahan, ame u pam ipam usir ti Kristi a kafe ba, ikyaen ti itikwab-m ti ame kwab, ti wande-m ti ame nde uwog-ni ā si-yi ukaen be.

Kolosi 2:12

Kiye ti a nde na ni batisma, i si pangma a nji ni te Kristi tetso uwae kuskab kinjo. Kiye ti Rimam kunn nwunn wu ama, awu kunn nwunn ni ikyaen ti, ani ru uwae kinjo baa, Rimam ti kunn nwunn Kristi uwae iticwu na site kuko ti wu na kunn nwunn ni ama.

1 Tesalonika 1:3

Uwe Itse-ti Rimam, ati ku tangsom te wande ti tinyang ti ani ku nde ru ye uwae kinjo-ni ti ani ru uwog Yesu Kristi. Ure-ni ti ku nda ni kwab fengo Rimam si-yi ti ti ri be. Ati nung baa, ani sa uwae tsi risu-wu ku ru ru yi uwe uwe.

2 Tesalonika 1:11

Ikyaen ayine, ati ku jwam Rimam risu-ni ko usir titini ti wu na ndeya ni ikyaen ti, pangma ti awu kunn ni ti kucang ti ni na si ande ti kubenti, ni si ahan! Awu ā nda ni kuko ti ni nde iken ti tinyang meme ti ani ku sha ti ni na nde. Awu ā nda ni kuko ti ni nde tag wande ti uwae kinjo-ni nda ni ku nde.

2 Tesalonika 3:4

Rimam nda ti, ati sa uwae tsi baa, ani na ku nde wande te iken ti ati fwa ni kusen risu-yi, ama na u ru yi uwe te yi.

Filimon 1:21

Ti ame ku bae ira yine, ame sa uwae tsi yi risu ti nae riben-fu, u nung baa, afu na u nde skeb iken ti ame jwam fu ne.

Mbaibrane 10:35

Ikyaen na yine, ni sa uwaetsi-ni jwunn tika-ni be. Ayi site kujwojang tiyang.

Mbaibrane 12:2

Ti pu ayib cwutsa Yesu ti si ipab ti itikumunn uwae kinjo-ti, awu nung utob ti tsen ti tsi ku ji wu uwe, u ye utob, u cwu ricwu risu kutuku ti cice, u saeru rukwae ti wae yi, u ka som kujwo rici na kutxom ukwe Rimam.

1 Bitrus 5:10

Ama, isim ti ani a ngwa rikaen uwae kiye ti kpang, Rimam, Ukwe Ayibrisi, awu ti kunn ni ba yi riyinn-wu ti tsi kukunn uwog Kristi, awu ti risu-wu ti u kyaenyang ni, u nda ni kpakang, u ye ni tsitsa risu kutxom ti ku kyi-wu kyi be.

2 Bitrus 3:10

Amaa, usir na Itsekuru-ti u ru ba kpugfa ni pangma unde ti riyib. Ti ritum ti tum, apupwen u yafe ru, ama urwa u ye meme iken ti ta apupwen, ayi u yagsur. Utense ama, ti kujwo wande ti a nde uwae-yi meme, a u shaen yi nae ise.