Filipi 1:4 - Kutsingken Ira Rimam ti Saen Kyag

⁴ Ame ku tsen utob kiye titini ti ame ku jwam Rimam risu-ni meme,

Filipi 1:4 Iomraidhean Croise

Markus 5:5

Utitang ti usir, awu ku kyang kob uwog askab ande u ku tsutso ku sisi kitaen rikwen u ku taen ira u ku ten yer ijwe-wu ti atxom.

Luka 15:10

Yesu ri baa, “Ayi si ahan ama atom Rimam ti apupwen ku tsen utob risu unde kinjo rikaen ti ku nde ikentitibi ti kafe isim ta ikentitibi-wu u kafe ba uwog Rimam!”

Luka 15:7

Yesu ri baa, “Ame ku ri te ni, ayi u si ahan ama, asiti unde kinjo ti ku nde ikentitibi a ya ikentitibi-wu ta, apupwen akwen a u tsen utob risu-wu skeb pu ba ande mae inje ka mbe rijwe asu itsongnje ti ku sae risu-ba baa, aba na ku nde-ba ikentitibi be.

Roma 1:9

Rimam ti risu-wu, ti ame ku fen ti utob-m kinjo, u ku nde na wu wande yi uwae ira ti tinyang na umbae-wu Yesu ti ame ku tswa te ande, nung pu wu baa, ame na ku kunn rinyi ni,

Filipi 2:2

Ti iken yi si ahan, ni kumunn utob ti tsen-m. Ni cwe ira atso, utob-ni ā si kinjo, ira ti kab-ni ā si kinjo.

Filipi 3:18

ikyaen ti, ariki yang-ba akwen ta kutampwa-ni ti ame ri te pu m ani ira risu-ba kute. Ame ku shem yi shem na ni ti aten ayib tine baa, aba ku som usom-ba pangma aba na si ande ti rika iticwu Kristi risu kutuku ti ta cice.

Filipi 4:1

Ameinja-m ti utob uwae-m ti utob-m tsi ti m sae ayib-ni. Ani ti ku nda m utob ti tsen u si kujwojang wande-m yi fengo Rimam. Ni tsi ting ting yi fengo Itsekuru, ande ti ure-m.

Kolosi 2:5

Ikyaen ti, ko ti ame ta te-m ani atang uwae rimenn ijwe be, utob-m ta te ni atang. Ame ku tsen utob ti m nung baa, ani na tsi ting ting uwae fengo Rimam tetso u ku ru uwae kinjo uwog Kristi ti ribom-ni ti atang.

1 Tesalonika 1:2

Ko kiye titini ati ku nde fxaefa na Rimam ikyaen meme-ni. Ati ku tangsom kob te ni yi itijwam-ti ti ati ku jwam Rimam.

Filimon 1:7

Inja, ame tu utob ti tsen ti kpakang utob timambe yi ure ti afu site, ikyaen ti, meme ande Rimam tu pu ba utob ti nae riben uwog-fu.

2 Yohana 1:4

Ame tsen utob timambe ti ame nung ariki uwae anyisu-fu, putsa ira ti kubenti uwae usom ti som-ba, pangma ti Itse-ti nda ti unju.